ತೆಲ್ಲಾವು

ಕುಡ್ಲ ಉಡುಪಿ ,ಕಾಸರಗೋಡು ಭಾಗೊಡ್ ಈ ತಿಂಡಿನ್ ಮಸ್ತ್ ಮನ್ಪೆರ್. ಉಂದು ಕಾವಲಿಡ್ ಮೈತ್ ಮನ್ಪುನಾ ಒಂಜಿ ಬಗೆತಾ ತಿಂಡಿ. ಕಾರ್ಬೋಹೈಡ್ರೇಟ್ ಬುಕ್ಕ ಪ್ರೋಟೀನ್ ಉಪ್ಪುನಾ ತೆನಸ್.

'ತೆಲ್ಲಾವು' ನೀರ್‌ದೋಸೆತ ಪುದರ್ ತೆಲುಪು ಇಪ್ಪಿನೆತ್ತವರ ತೆಲ್ಲಾವುಂದ್ ಬತ್ತಿಪ್ಪು

ನೀರ್ ದೋಸೆ - ನೀರ್ ಟ್ ಪಾಡಿ ಅರಿನ್ ಕಡೆತ್ ಅಪಗನೆ ಕಾವಲಿಡ್ ಮೈಪುನಾ.

ನಾಲ್ - ಐನ್ ಗಂಟೆ ದುಂಬು ಅರಿನ್ ನೀರ್ ಟ್ ಪಡುತ್ ಅವ್ವು ಬೊದುಲುನೇಟ್ ಬುಕ್ಕ ಕಡೆತ್ ರುಚಿಕ್ಕ್ ಬೋಡಾಯಿನಾತ್ ಉಪ್ಪು ಪಡೊಡು. ನೀರ್ ದೋಸೆತಾ ವಿಸೇಸ ಪಂಡಾ ಅಪಗ ಕಡೆತ್ ಅಪ್ಪಗನೇ ಮೈಪುನಾ. ಕಾವಲಿನ್ ದಿಕ್ಕೆಲ್ಡ್ ಚೆಚ್ಚ ಆಯಾರಾ ದೀತ್, ಆಯಿನಾ ಮಿತ್ತ್ ನೇಯೋ, ಎಣ್ಣೋನೋ ಪಾಡುತ್, ಕೈಲ್ ಡ್ ಬಂದ ದೆತೊಂತ್ , ಕಾವಲಿ ದಿಂಜಾ ಚೆಲ್ಲುನಾ ಲೇಕೋ ಮೈಪೊಡು. ಒಂಜಿ ಎಲ್ಯ ಸೆಕೆ ಅನಾಗ ಮುಚ್ಚಿನ ಮುಚ್ಚಲ್ ದೆತುದ್, ಸಟ್ಟುಗೋಡು ಲಕ್ಕವೋಡು. ಉರ್ದು ದಾಲ ಪೆಡರ ಇಜ್ಜಿ.

ಇಂದೆನ್ ಕೋರಿದ ಕಜಿಪುಡ್ ಇಜಿಂಡ ಚಟ್ನಿಡ್ ತಿಂದಡ ಎಡ್ಡೆ ರುಚಿ ತಿಕುಂಡ್. ಈ ದೋಸೆಗ್ ನಮ ಮಸ್ತ್ ಎಣ್ಣೆನ್ ಉಪಯೋಗ ಮನ್ಪುಜ.

1. ಬೊಲ್ದು ಅಜ್ಜೆರ್ನ್ ಮೈ ಪೂರಾ ಒಟ್ಟೆ ಒಟ್ಟೆ.
2. ದಪ್ಪ ಆಂಡ ದೋಸೆ - ನೀರ್ ಅಂಡ ತೆಲ್ಲಾವು