ಕುಕ್ಕುದ ಮುಡಿತ್ತ ಉಪ್ಪಡ್

ಉಂದು ಯೇತ್ ಸಮಯೋಗ್ಲಾ ದೀಯೊಲಿ. ಗಂಜಿದ ಒಟ್ಟುಗು ಉನಿಯೆರೆ ಉಂದು ಬಾರಿ ಲಾಯ್ಕ್ ಆಪುಂಡು.

• ಕುಕ್ಕುದ ಮುಡಿ
• ಕಲ್ಲುಪ್ಪು
• ಮುಂಚಿ
• ಮಂಜೊಲ್ದ ಪೊಡಿ
• ಎಣ್ಣೆ
• ಪುಲಿ
• ದಾಸೇಮಿ

ಸುರುಕ್ಕು ಮುಂಚಿ, ದಾಸೆಮಿ ಬೊಕ್ಕ ಕಲ್ಲುಪ್ಪು ಉಂದೆನ್ ಚೂರ್ ನೀರ್ ಪಾಡ್ದ್ ಗಟ್ಟಿ ಗಟ್ಟಿ ಕಡೆವೊಡು. ಕಡೇನಾಗ ಐಕ್ ಮಂಜಲ್ ದ ಪೊಡಿನ್ ಪಾಡೊಡು.

ಬೊಕ್ಕ ಕುಕ್ಕುದ ಮುಡಿನ್ ದೆಕ್ಕ್ದ್ ನೀರ್ ನ್ ಒರೆಸೋನೊಡು. ಒಂಜಿ ಇಡೀ ದಿನ ನಿರೆಲ್ ಡ್, ನೀರ್ ಇಜ್ಜಂದಿನ ಜಾಗೋಡು ನುಂಗರೇ ಪಾಡೊಡು. ಪೂರಾ ಮುಡಿಕ್ ಲ ಎಣ್ಣೆ ಪೂಜೋಡು. ಬೊಕ್ಕ ಪೂರಾ ಮುಡಿಕ್ ಲೆಗ್ ಕಡೆತಿನ ಅರೆಪುಲೆನ್ ಪೂಜೋಡು. ಅವ್ವೆನ್ ಜಾಡ್ ಡ್ ಜಿಂಜಾವೊಡು. ಮಿತ್ ಕುಂಟು ಕಟ್ಡ್ ದಿನಕ್ಕೊರದ ಲೆಕ್ಕ ಮೂಜಿ ದಿನ ಮರತ್ತ ಕೈಲ್ ಪಾಡ್ದ್ ಕೈಯಾಡಾವೊಡು. ಉಂದೆಕ್ ಪುಲಿತ್ತ ರಸ ಸೇರ್ಪಾದ್ ಸರಿಟ್ ಕಲಡಾದ್, ಕುಂಟು ಕಟ್ಟೊಡು. ಇಂಚನೇ ಒಂಜಿ ವಾರ ದಿನಕ್ಕೊರ ಕೈಲ್ ಪಾಡೊಡು. ೮ನೇ ದಿನ ಉಪ್ಪಡ್ ತಯಾರಾಪುಂಡು.