ಓಣಮ್/ಓಣಂ ದಕ್ಷಿಣ ಭಾರತದ ಕೇರಳ ರಾಜ್ಯಡ್ ಆಚರಣೆ ಮಲ್ಪುಪುನ ಬಾರಿ ಮಲ್ಲ ಒಂಜಿ ಪರ್ಬ.
ಈ ಪರ್ಬನ್ ಮಲಯಾಳೀ ಪಂಚಾಂಗದ ಸುರುತ ತಿಂಗೊಲು ಚಿಂಗಮ್ (ಆಗಸ್ಟ್-ಸೆಪ್ಟೆಂಬರ್) ಸೋಣ ತಿಂಗೊಲೆಡ್ ಆಚರಣೆ ಮಲ್ಪುವೆರ್. ಪುರಾಣಪ್ರಸಿದ್ಧ ಸಾಮ್ರಾಟೆ ಆಯಿನ ಮಹಾಬಲಿ ಇಲ್ಲಡೆ ಪಿರ ಬರ್ಪುನ ಕುರುಹುಗಾದ್ ಸಂಭ್ರಮೊಡು ಪರ್ಬನ್ ಆಚರಣೆ ಮಲ್ಪುವೆರ್. ಪತ್ತ್ ದಿನೊ ಈ ಪರ್ಬನ್ ಬಾರಿ ಸಡಗರೊಡು ನಡಪುನ ಈ ಪರ್ಬ ಕೇರಳದ ಬೇತೆ ಬೇತೆ ಸಾಂಸ್ಕೃತಿಕ ಬೊಕ್ಕ ಸಾಂಪ್ರದಾಯಿಕ ವಿದೊಕುಲು ಸೇರೊಂದ.
ಕೇರಳದ ರಾಜೆ ಆದ್ ಇತ್ತ್ ನ ಮಹಾಬಲಿ ಚಕ್ರವರ್ತಿ ಅರೆನ ಪ್ರಜೆಕುಲೆನ್ ತೂಯೆರೆ ಬೋಡಾದ್ ಬೂಮಿಗ್ ವರ್ಸೊಗೊರ ಬರ್ಪುನ ಸಂಕೇತವಾದ್ ಈ ಪರ್ಬನ್ ಆಚರಣೆ ಮಲ್ಪುವೆರ್. ಚಕ್ರವರ್ತಿಲು ಊರುಗು ಬರ್ಪೆರ್ ಪಂದ್ ಓಣಮ್ ಪರ್ಬೊನು ಕೇರಳ್ದ ಮಾತ ಜಾತಿದಕುಲುಲಾ ಮಲ್ತತೊಂದು ಉಲ್ಲೆರ್. ಕೇರಳದ ಜನಕುಲು ಪತ್ತ್ ದಿನ ಇಲ್ಲದ ಜಾಲ್ಡ್ ಪೂತ ರಂಗೋಲಿ ಬುಡ್ಪವೆರ್. ಓಣಮ್ ಪರ್ಬೊದಪಗ ಕೆಲವು ನಮೊನೆದ ಕಜಿಪ್ಪುಲು, ಪಾಯಸೊಲು, ಬಾರೆದ ಇರೇಟ್ ಮಲ್ತಿನ ಗಟ್ಟಿ, ಬೊಕ್ಕ ಕೈರೊಟ್ಟಿ, ಕಲಿಲ ಬಲಸುವೆರ್. ವರ್ಸೊಗೊರ ಚಕ್ರವರ್ತಿಲು ತನ್ನ ಪಾದೊನು ಭೂಮಿದ ಮಿತ್ತ್ ದೀವೊಂದು ಬರ್ಪೆರ್ಂದ್ ನಂಬೊಂದು ಪರ್ಬೊನು ಆಚರಣೆ ಮಲ್ಪುವೆರ್.
ಬಾರಿ ಬಂಙದ (ಕ್ಲಿಷ್ಟ) ವಿನ್ಯಾಸದ ಪೂತ(ಪುಷ್ಪ) ಚಿತ್ತಾರೊಲು, ಬಗೆ ಬಗೆತ ಭಕ್ಷ್ಯಲು, ಉಚ್ಚು ಓಡ ಗೊಬ್ಬುದ ಪಂತೊಲು (ದೋಣಿಯಾಟದ ಸ್ಪರ್ಧೆಗಳು), ಕೈಕೊತ್ತಿಕಲಿ ನೃತ್ಯ - ಉಂದು ಪೂರ ಈ ಉತ್ಸವದ ಪ್ರಮುಖವಾಯಿನ ಆಕರ್ಷಣೆಲ್. ಈ ಪರ್ಬೊಗಾದ್ ಮುಲ್ಪದ ಜನಕುಲು ಪೊಸಕುಂಟುಲೆನ್ ಪಾಡುನವು ವಾಡಿಕೆ. ಆಣ್ಜೆವುನಕುಲು ಅಂಗಿ ಬೊಕ್ಕ ಮುಂಡು (ಪಂಚೆ) ಧರಿಸಿದರೆ, ಪೊಣ್ಜೆನಕುಲು ಅಂಚಿನವೇ ಮುಂಡುದ ಮಿತ್ತ್ ಒಂಜಿ ಬಂಗಾರ್ ದ ಬಣ್ಣೊದ (ಚಿನ್ನದ ಬಣ್ಣದ) ನರಿಯತ್ತು ಪಂಡ್ದ್ ಲೆಪ್ಪುನ ಮಿತ್ತ್ ದ ಅಂಗಿ (ಮೇಲಂಗಿ)ನ್ ಪಾಡೊಂದು ಸಂಭ್ರಮ ಪಡೆಪೆರ್. ಪೊಣ್ಣು ಜೋಕುಲು ಪಾವಡ ಪನ್ಪಿ ಲಂಗ, ಆಯಿತ್ತ ಮಿತ್ತ್ ರವಕೆನ್ ಪಾಡ್ದ್ ಬಾರಿ ಸಡಗರೊಡು ಅಂಚಿ ಇಂಚಿ ಪೋವೊಂದು ಉಪ್ಪುವೆರ್.
ಓಣಂ ಕೇರಳದ ಸುಗ್ಗಿದ ಪರ್ಬೊಲ ಅಂದ್.
ಕೇರಳೊಡು ಮಹಾಬಲಿನ ಆಳ್ವಿಕೆನ್ ಸುವರ್ಣಯುಗ ಪಂಡ್ದೇ ಲೆಪ್ಪುವೆರ್. ಓಣಂದ ದಿನೊಟ್ಟು ಈ ಗೀತೆನೇ ಎಚ್ಚಾದ್ ಮಾತ ಕಡೆಟ್ಟ್ ಲಾ ಪನ್ಪುನೆನ್ ನಮ ಕೇನೊಲಿ: (ಅನುವಾದ)
ಟೆಂಪ್ಲೇಟ್:Cquote
This article uses material from the Wikipedia ತುಳು article ಓಣಮ್, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.