Smangus (司馬庫斯部落) ga niya mki sku Sincik Keng atu Nahuy go, kwara sali buwan nya ga 38 buwan, 176 hi ku kwara s’uli tayan.
s’uli tayan pinspngan Gyencumin ga 98% kyan ku 173 hi, binah ga, ’yat kahun sku pinspngan Gyencumin ga 2% kyan ku 3 hi nya. pinspung na linhuyan Gyencumin ga, Tayan 85%, Amis 1%, Paywan 2%, Bunun 1%, binah lihuyan s’uli 10%. maki qu ngasal bziran, ru kyokay.
lalu’ na qalang Smangus hya ga “qalang na yaba’ utux kayal” uzi. Smangus hya ga cyux maki sa qalang rgyax na Nahuy squ Sincik, 1,500 meta qu kinqwagiq nya. Smangus ga Cyens syang Yufong cun te 14 ling ka llyung blblaq. ’Tayal kwara’ qu cyux maki squ Smangus. cyux maki squ zzik balay rgyax qu Smangus, ru yaqih qu tuqi’ nya, ru ini’ wahi rengki’, yasa sllwan ssquliq mha “qalang mnkum”, ru hiya qu cyux maki squ zzik balay rgyax na qalang ka kwara’ qalang Gyencumin Taywan. ki’an cingay Yaya’ qparung, ru wahan lmosay mita’ mcisal llpung hogal. pzyang balay hopa’ qalang cyux mksobih sa Smangus ga qalang Cikuto, ana ga aring Cikuto ga cyugal spung ryax phkngyan na’.
tay ’llaw na Smangus hya’ ga rgyax krahu’. tay ’zil na Smangus hya’ ga llyung. tay mkyahu’ na Smangus hya’ ga llyung. tay mkraya’ na Smangus hya’ ga rgyax krahu’.
tay mkyahu’ na Smangus hya’ ga Cinsbu. tay ’zil na Smangus hya’ ga Yuluw.
giway rgrgyax qu qalang. cyux kwara’ qhuniq balung rgyax.
Maki squ Sincik cyu kyahu na syesan sanmay, gleng nya ga be’tux llyung tkacing, 1500 kongci qu kingwagiq nya.
psgagay musa’ hmkangi’ kki’an qu kinbkisan na ’Tayal sraral ga, s’agal nya “inrkyasan na rhzyal”, “lalu’na abaw”, “qsliq na inlungan”qu pslalu’.
m_yan qani pslau’, maki squ trang nasa ka yaqih tuqi’ ru si ryax m’iyuw ngasal kki’an ga, mutux rmaw ’Tayal musa’ mulu ru mkal llpyung.
Cinsbu ga qutux qs’un mu’ wagi sasan, bwan wagi krryax, zbusux qu uraw na rhzyal. Mrqwang ga puqing qsya’. Habun ga be’nux na syaw llyung.
“Smangus” qani ga lalu’ na qhuniq Smangus. mutux maki sa rgyax na qalang Smangus, Mrqwang, Cinsbu qu qhuniq Smangus qani, zbusux uraw qu inhuqan abaw nya, sqaniq na qqsinu qu bebway nya, yasa qu ini’ pkzyay ru s’unan qqsinu qu rhzyal nya, ru mwah tngasal maki sqani qu kinbkisan Mrqwang, ru qs’un nha mita’ ga qhuniq Smangus qu cyux maki’ sa ana inu’! yasa sllwan nha Smangus la!
lalu’ na Smangus qani ga, mtrasul hmbku’ qu Smangus, ini’ pskyut qqsinu ru zbusux qu uraw na rhzyal.
mutux mciriq squ Knazi na qsyap qu Smangus sraral, m’gaga’ uzi, yasa psru’ r’ra’ mlahang pinbaq wahan squliq squ qalang Smangus.
maki na’ Gipun, krahu’ balay pintriqan nqu Smangus ki Mknazi mixan, suru zyuwaw qani lga, mbzyaq tmwang maki squ qalang Rahaw ka Sinlo cwen ka qalang Slaq ki Cyocuy qu ’Tayal na Smangus hiya. ubuy Cikuto. t’aring maki qu Gipun ga pintbcyan nya sa Tozyen Mkgogan ting Mrqwang bang, sumangusu-sha.
Kawas 1999, tkyokay qu Smangus.
Kawas 1979, maki renki’ na Smangus.
Kawas 1991, ’lwan qu Smangus senmu cyun. t’aring qu zyuwaw na lmosay.
Kawas 1995, suqun kbalay kwara’ tuqi’ ’san na Smangus. Sraral ga, siki hmkangi’ zmagal tmucing tuqi’ qsya’ ru, musa’ tehuk qalang Cinsbu maki bziran ru pqwsan lelqqi’.
qalang smpung kinhrhur nya’ ga 15℃. qmisan lga, hzyaq balay maki’ te rgyax hiya’.
qhuniq ru rruma’ qu skalay nha ngasal qu qalang Smangus, ktan ta’ knalay na qnuniq ki rruma’ ka ngasal 'Tayal sa qalang Smangus.
maki 1 kyokay.
Y_hwe na qalang Smangus (司馬庫斯部落議會)
“msqun mtzyuwaw qutux qalang”qu qalang Smangu, s’agal nha gaga’na 'Tayal ru smi’mqeru’pu’ki cyugal hwe ka nonye, kongcen, wenhwa cyawyu, cingci, yenba, zensi, hwancing ziyuen, canting minsu pu’, cyugal hwe ga canglaw hwe, sencyu bacan syehwe ru kongtong cinging tahew qu tuqi’glgan nha gaga’.
年份 kawas pinlpgan | tay byacing na 4 kawas na 2016 |
人口 ssquliq pinlpgan | 176 hi ku kwara s’uli tayan |
maki 1 pqwasan biru ’laqi’ cikuy.
Kya qu canye tawlu kwanci nya qu tuqi’ musa’ smangus.
Kwanci lutwan ga aring cu 60 syen 39.5K ka tuqi’ qara’ qalang Thyakan tehuk smangus. Kawas 2013 zmagal byacing mpusal mpitu’ ryax tehuk mtzyu’ byacing mpu zmagal ryax qu syentawcy.
Kawas 2013 te mtzyu’ byacing mpu mtzyu’ ryax lga, phugun nya la!
ungat kisya’ nya’.
Qhuniq na Yaya Qparung ga “qparung”. Te sazing, te cyugal linpgan lalu’ na yaya’ qparung ga cyux maki sa Smangus.
This article uses material from the Wikipedia Tayal article Smangus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另有註明,否則頁面內容均以 CC BY-SA 4.0 條款授權。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tayal (DUHOCTRUNGQUOC.VN) is an independent company and has no affiliation with Wiki Foundation.