‘Bu Balung

rhiyal qalang Balung ga mkura sa htgan wagi ga Girang, htagan wagi ga Sincik , tekura sa te kraya ga Mnka, mkura sa tkayahu ga Taychu maki ska na qalang Gogan ga ’bu Balung qu wagiq balay.

sinngya’an kayal rhiyal na qalang ’bu Balung ga maki sa wagiq na rhiyal nanu yasa tngugan abaw ru ’bagan hrhul kayal nya, qmisan lga cingay qwalax ru mnlaqiy uzi.

  lingay na qalang ga cyux uzi qu gong, te ’law ga gong qara te ’zil ga gong tamang, te qyahu nya lga cyux msqun sa llyung mintura.

  lingay qalang ga cyux ki’an qutux pqwasan biru liqi ru Hasisyo, maki uzi qu tbiran qaya 7-11(超商).

部落遷徙上巴陵部落) ga niya mki sku Toweng si atu Hosing Ku, kwara sali buwan nya ga 147 buwan, 394 hi ku kwara s’uli tayan.

s’uli tayan pinspngan Gyencumin ga 76% kyan ku 299 hi, binah ga, ’yat kahun sku pinspngan Gyencumin ga 24% kyan ku 95 hi nya.

pinspung na linhuyan Gyencumin ga, Tayan 72%, Amis 2%, Truku 1%, binah lihuyan s’uli 1%.

maki qu ngasal bziran, ru kyokay.

tay ’llaw na ‘Bu balung hya’ ga rgyax krahu’.

tay ’zil na ‘Bu balung hya’ ga rgyax krahu’.

tay mkyahu’ na ‘Bu balung hya’ ga rgyax krahu’.

tay mkraya’ na ‘Bu balung hya’ ga rgyax krahu’.

Balung qani ga lalu na yaba qhuniq,sraral balay mga trang masuq hmor qsya cikay balay qu mtgayaw na qhuniq mhtuw  squ lingay na qalang ma, ru galaun nha qu skbalay nha ngasal ma. nanu yasa qu smlalu nha lalu qalang la.  

zyaw na sraral ga Pinsbkan na Tayal ga b’nux sbaya, cyux maki squ Nanto Mstbkan, babaw nya lga khmay qu squliq la, k’mal qu kotas Buta mha iyat ta tnaq kian rhiyal qani la, hata mkura htgan wagi yasa qu hopa rhiyal nya. ubuy na Malipa tehuk hbun Gogan. bnkis na ’bu Balung Watan Lawa mkahul Tgliq rasun nya llaqi nya tehuk piyasan, babaw nya lga mwak maki ’bu Balung la.

’bu Balung ga tzyu pgan blihul ngasal nya. kya balay sazing kbhul payat pgan cyugal qu squliq nya. misuw lga iyat Tayal nanak nyux mqyanux sqani cingay uzi kahul heci mwah tmwang sqani uzi.

’bu Balung ga nyux sazing hopa na kyokay: te qutux ga Balung cyoro kyokay te sazing ga sixyaso, sazing qani sinpiyang nha musa mlahuy.

zik na ’wan Zipun(日本) ga wiway mqumah ngahi, sehuy, trkis ru kmalup yasa sqyanux nha. tehuk ’bu Balung qu Zipun lga, mbaziy muka, plhuy yani qu wahan cikay pila.

babaw nya lga, tmutu qhuniq qparung squliq na kwara Balung hmluy qlcing, msthan nha pila uzi.

Minkok mzimal tehuk tzyu pgan kawas, kmukan kahul Simaw mwan tmuya nasi, aring kya tmuhi nasi qu Tayal uzi la. pira kawas lga tmuhi qwirux ru qruhaw qani qu ’wahan pila sqyanux na Tayal.

sraran balay bnkis ga siy phkani mluw tuqiy na rgyax. kya hazi minkok mzimal msyaw kawas lga aring ’bu Balung tehuk qphay kblayun kwara squliq na Balung aki wahan na glgun ma, bahaw nya lga gmalu qu mrhaw ru kblayun nha hopa na tuqiy wahan hopa na glgun basuru toraku uzi la.

qalang ’bu Balung nyux kblayun tayo ru wagiq na paga, khmay balay na squliq mwah mangay, llingay qalang ga cingay tmuya nha blaq ktan na qzimux(sakura) uzi. musa su zik cikay rgyax lga cikay uzi qu ktan su myaba na qqhuniq balung la.