Ruch Autōnōmije Ślōnska

Uod 27 czyrwca 2001 mo sztatus stowarzyszyńo. Śedźibům uůnyj czelodki je Rybńik. Głůwnym cwekem fůngowańo RAŚ je prziwrůcyńe autůnůmije lo ślůnskigo wojewůdztwa, kero uůne mjoło we II Rzeczpospolityj, a podug RAŚ ńyprowńe uodebranygo. Inksze postulaty RAŚ to wkludzyńe do szulůw regijůnalnyj edukacyji, przidańy ślůnskij godce sztatusu regijůnalnyj godki a uznańy Ślůnzokůw za mjyńszość narodowo lebo etńiczno, dźałańo lo chrůńyńo ślůnskij tożsamośći a spůminańy t. mj. Gůrnoślůnskij Tragedyji - t. j. zdarzyńůw kere sam bůły we rokach 1945-1950, jako fůngowańy uobozůw lo Ślůnzokůw (Uobůz Zgoda, COP Jaworzno, Łambinowicy a inksze), gwołty, szlachtowańy a chabjyńe uod Czyrwjůnyj Armiji, wywożyńy Ślůnzokůw, gł. hajerůw do przimusowych robotůw we grubach DONBASu a dźołańe polskich służbůw bezpjeczyństwa.

Ruch Autōnōmije Ślōnska Ruch Autonomii Śląska
Krŏj	Polska
Skrōt	RAŚ
Lider	Jerzy Gorzelik
Data założyniŏ	27 czyrwnia 2001
Adresa siydziby	ul. Wolności 74, 41-500 Chorzōw
Politycznŏ ideologijŏ	regiōnalizm
Wielość czōnkōw	kol. 7000
Czōnkostwo miyndzynŏrodne	Swobodny Sojusz Ojropejski
Farby	żōłty      modry
Galeryjŏ we Wiki Commons
Internetowŏ zajta

Przewodńiczůncym RAŚ je Jerzy Gorzelik.

Barzi znůme akcyje RAŚ: uorgańizowany roz do roku Marsz Autůnůmije, a akcyjo "Mosz prawo deklarować ślůnsko narodowość" przed Wszechuobecnym Wykozym we 2002 roku.

We samorzůndowym wotůngu we Polsce we 2010 roku dostoł 8,49% welowań a dostoł trzi mandaty do Wojewůdzkigo Sejmiku we ślůnskim wojewůdztwje.

RAŚ wydowo cajtůng "Ślōnskŏ Szwalbka". RAŚ noleży tyż lo Swobodnygo Sojuszu Ojropejskigo.

• Neczajta RAŚ