Dez. 1812 wuud in Roomelse dät seelter Archiv revidierd in Apdraach fon dän Präfekt Ritter von Keverberg.
- 1. Ju Archivloade stuud in ju Säärke un hied ne Laangte fon fjauer Fout loangsk, fjauerkaantich un mäd fjauer Fäite fersäin, deerfoar trjo Hongslotte. Deerfon hied älke Täärp n Koai.
As Inhoold wuude notierd:
- 2. Een soonaamd holten Twoskäppel-Fjoorups-Fät*) mäd iersene Beende
- 3. Een Fjoondel holten Fjoorup-Fät mäd iersene Beende
- 4. Aan holtenen Tjoachter
- 5. Een holtene Kannenmäite
- 6. Een tinnen 1/4 Kannenmäite
- 7. Een tinnen 1/8 Kannenmäite
- 8. Tjoo un 7/8 Puund looden (bläiern) Gewicht
- 9. Aan Linnensäk mäd uungefeer aan Verup (Fjoorup) oold Räiwsäid
- 10. Een sonaamde iersene Änsterwächte
- 11. Een iersene Äälnemäite
- 12. Tjoo iersene Määrkiersen
- 13. Een metallen Druksiegel mäd ju Uumskrift: S. Parochianorum in Sagelte (dät seelter Siegel)
- 14. Een skrieuwen Bouk in Folio in wietleedern Uumsleek fon 1587, dät Seelterlounds Gerechtsame äntheeld (also dät seelter Loundgjucht)
- 15. Een skrieuwen Bouk in Folio mäd swotten Leederuumsleek fon 1615: gjuchtelke Ferhondelengen fon Fräiheer Gjuchter Tameling tou Ait usw.
- 16. Een skrieuwen Bouk in Octavo fon 1772, dät do Gjuchte fon do Skättermästere in Seelterlound äntheeld.
- 17. Two mäd Pakbeend touhoopebuunene Rullen oold Papier: Ouskrifte fon Gjuchtsferhondelengen, Supplike, Decrete un Bräiwe.
Do Nuumere 13 bit 17 inklusiv wuuden in dät Archiv fon ju Mairie deponierd. Do Nuumere 2 bit 12 inclusiv wuuden in Nuumer 1 fersleeten.
Ap n 23. Dez. waas dan ju Ferkoopenge, fielicht nit fon do Nuumere 13-17.
Ätter He302f.
_*) In ju hoochdüütske Originoaltext stoant deer:
zweischeffel- |fasz
verups- |
Deeruum dät n Fjoorup soowät twäin Skäppel groot is, is dät wäil tou betrachtjen as: zweischeffel- oder verups-fasz
This article uses material from the Wikipedia Seeltersk article Seelter Archiv, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Seeltersk (DUHOCTRUNGQUOC.VN) is an independent company and has no affiliation with Wiki Foundation.