15. Februoar: Doatum

Dai fon dän Gregorioansken Kalänner, somäd blieuwe deer noch 319 Deege (un in Skaltjiere 320 Deege) bit tou dät Eende fon't Jier tou.

 

• 590: Njuugen Deege ätter ju Ousättenge fon sin Foar Hormizd IV. wäd Chosrau II. as Köönich fon dät Sassaniden-Riek kround. Man hie mout bolde ätters fluchtje, uumdät Apstoundiske unner sin Heer-Fierder Bahram Tschobin ap ju Haudstääd Ktesiphon marskierje.
• 1145: Die Zisterzienser Bernardo Paganelli di Montemagno wäd as Eugen III. as Poabst wääld. Man die Skoulker fon Bernhard fon Clairvaux mout n poor Deege leeter uut Room fluchtje, uumdät die Senoat ju Poabst-Heerskup fäindelk juunuur stoant.

 

• 1637: Ätter dän Dood fon sin Foar Ferdinand II. wäd Ferdinand III., midde in dän Trüütichjierigen Kriech, Kaiser fon dät Hillige Roomske Riek.
• 1763: Prüüsen, Aastriek un Saksen sluute in dät Slot Hubertusbuurich dän Free fon Hubertusbuurich, uum dän Soogenjierigen Kriech een Eende tou sätten. Die Status quo foar dän Kriech wäd wier häärstoald un Prüüsen etabliert sik as europäiske Grootmoacht.
• 1794: Ju Trikolore wäd ju amtelke Flaage fon Frankriek.

• 1798: In Room wäd ju Roomske Republik uutruupen, een frantsööske Dochter-Republik ap dät Rebät fon dän Säärken-Stoat.
• 1806: In den Ferdraach fon Paris, dän Napoleon Bonaparte un Christian von Haugwitz uuthonneld hääbe, ferplichtet sik Prüüsen tou ju Speerenge fon aal sien Hoawen foar britiske Skiepe un tou ju Besättenge fon Kuur-Hannover. Do Briten ferkloorje deerap Prüüsen dän Kriech.

 

• 1819: Begin fon dän Kongress fon Angostura uur ju Uunouhongegaid fon spoanske toufoarne spoanske Besittengen in Suud-Amerikoa.
• 1897: Griechiske Troppen loundje apgruunde fon ju Megali Idea ap dät Ailound Kreta, uum do Bewoonere in hieren Uunouhongegaids-Stried juun dät Osmoanske Riek Stöän tou reeken. Dät fiert ap dän 7. April tou dän Tursk-Griechisken Kriech.
• 1898: Dät US-amerikoanske Kriechsskip USS Maine gungt in dän Hoawen fon Havanna unner. Gruund is een Explosion in dän Munitsjoons-Koomer, ju fermoudelk fon aan Koole-Bround kumt. Leeter rakt dät een Medien-Kampagne, wierap do Amerikoanere wät fon aan spoansken Oungriep fertälle, un dät kumt in dän April tou dän Spoansk-Amerikoansken Kriech.
• 1922: Die Stoadige Internasjonoale Gjuchtshoaf in Den Haag hoaldt unner dän Foarsit fon sin Präsident Bernard Loder sien eerste Sittenge ou.
• 1930: Mäd Cairine Wilson wäd eerstmoals een Wieuw in dän Senoat fon Kanada beruupen.
• 1933: Die näi wäälde US-Präsident Franklin D. Roosevelt äntgungt in Miami slumpelk een Attentat. Die foarmoalige Buurgemääster fon Chicago, Anton Cermak, wäd uumebroacht. Do Bäätergruunde fon dät Ferbreeken wäide nit kloord.

 

• 1942: Singapur wäd ätter een 16 Deege duurjende Slacht in dän Pazifik-Kriech fon japoanske Troppen iennuumen. Moor as 80.000 Suldoaten unner dän britisken Lieutenant General Arthur Ernest Percival gunge in Kriechs-Fangenskup.
• 1943: Düütske Skoulkere fon 15 Jiere oun wäide fon nu oun as Luftwoapenhälpere toun Kriechstjoonst leeken.

 

• 1944: Dät Gruundengs-Klaaster fon do Benediktinere in ju Abtäi Montecassino wäd in ju Slacht uum Monte Cassino in dän Twäiden Waareldkriech truch alliierde Bumben bienaist in't Heele fernäild, uk wan sik sowät 800 Sivilisten in do Bauwierke befiende.

• 1965: In Kanada wäd ju Ahornblääd-Flaage insteede fon ju foarige Kanadiske Red Ensign ienfierd.
• 1972: In ju Oslo-Konventsjoon eenigje sik tweelich europäiske Stoaten, do oun dän Atlantik lääse, ap Mäitnoamen, do ju Ferkeetenge fon ju See ferhinnerje skällen.
• 1999: Die Kurden-Fierder un Foarsitter fon ju ferbeedenge Oarbaider-Paatäi fon Kurdistan (PKK), Abdullah Öcalan, wäd fon dän tursken stilkenen Tjoonst Millî İstihbarat Teşkilâtı äntfierd un ätter ju Turkäi ap dät Kitjen-Ailound İmralı broacht.
• 2000: Do Bietreeds-Ferhonnelengen twiske ju EU un Lätlound juust so as Bulgarien un ju Slowakäi beginne.
• 2011: Mäd Protäste in moorere Stääde fon Libyen boant sik die Burgerkriech in Libyen oun.
• 2012: In dän Indisken Ozean wäide twäin tamiliske Fiskere fon italieenske Suldoaten fon dän Oulje-Tanker Enrica Lexie uut doodskeeten, uumdät do Suldoaten toanke, dät wierken somaliske Seeroowere. Düssen Oungriep fiert tou diplomoatiske Sponnnengen twiske Indien un Italien.
• 2018: Aan Dai, ätterdät die suudafrikoanske Präsident Jacob Zuma sien Boantje deellaid häd, wäd fon dät Parlemänt in Pretoria die ANC-Politiker Cyril Ramaphosa as füüften Präsident fon ju sänt 1961 bestoundende Republik Suudafrikoa wääld.

• 1564: Galileo Galilei, italieensken Philosoph, Mathematiker, Physiker un Astronom
• 1941: Klaus Matthiesen, düütsken Politiker (SPD)
• 1951: Jane Seymour, britiske Skauspielerske

• 310: Ōjin, 15. Kaiser fon Japan
• 595: Berach, irisken Mönk
• 670: Oswiu, Köönich fon Northumbria
• 706: Leontios, Kaiser fon Byzanz
• 706: Tiberios II. Apsimaros, Kaiser fon Byzanz
• 1043: Gisela fon Swoaben, düütske Kööniginne un Kaiserinne
• 1046: Druthmar, Abt fon Corvey
• 1145: Lucius II., Poabst
• 1152: Konrad III., roomsk-düütsken Köönich, Köönich fon Italien un Köönich fon Burgund
• 1204: Sinjong, 20. Köönich fon dät koreoanske Goryeo-Riek
• 1781: Gotthold Ephraim Lessing, Skrieuwer un Dichter fon ju düütske Apkloorenge
• 1846: Otto von Kotzebue, düütsk-baltisken / rusken Marine-Offisier un Äntdäkker