Bläshanne

Bläshanne
Ne Bläshanne (Fulica atra)
Systematik
Oardenge: Gruiformes Familie: Rallidae Sleek: Fulica Oard: Bläshanne (Fulica atra)

Blässhuhn) is n Fuugel un heert, as ju Woaterhanne (Gallinula chloropus) uk, tou ju Familie Rallidae. Bläshannen rakt dät in groote Deele fon Europa, Asien un Afrikoa.

Uutwoaksene Dierte sunt litjer as ju Wüülde Oante, swot, hääbe ne wiete Stierne un hääbe roode Oogene. Wan sun Diert an Lound is, sjucht me do griesgräine Toonen mäd do Swimlappen. Junge Bläshannen sunt fon ju Keeuwe bit tou dän Buuk ljoachter, un gans litje Suukene hääbe uk n rooden Kop.

•  
•  
  N Suuken
•  
  Disse Bläshanne is neen Suuken moor, man uk noch nit uutwoaksen.
•  
  Uutwoaksene Bläshanne
•  
  Museum specimen

Ju Bläshanne frät foarallen Plonten, man uk rotterge Stoffe, Musselken un uur litje Dierte uut ju Mudde an dän Boudem fon ju Äi af dän Fiskediek, wier die Fuugel swimmen däd. In dät Foarjier un dän Häärst äisje do Bläshannen uk Gäärs. Bie Winterdai fljooge do Bläshannen nit aal ätter dät Suude wai. Do, do nit wäch fljooge, kon me fodderje, toun Biespil mäd Brood.

 

Dät Nääst fon ju Bläshanne is maasttieds in dät Woater, nai bie dät Ouger, wier dät Rait un ju uur Ougervegetation ounfoatet. Dät is oafte groot un uut swimmende Plontendeele baud. In dän April af in dän Moai foatje do Bläshannen oun, hiere fieuw bit tjoon Oaiere tou lääsen, mongs uk al in dän Meerte. Wan jo feräärgerd un stöörd wäide, kon dät bit Juli un August anduurje. Do Oaiere sunt 52x36 mm groot un sunt ljoacht mäd roodbruune un swotte Tuddelke. Do bee Oolden broude 23-25 Deege. Do Suukene woonje dan eenige Deege in dät Nääst, leeter wäide jo fon bee Oolden fierd un hääbe ätter oachte Wieke tou fljoogen leerd.

• Michael Lohmann:BLV-Bestimmungsbuch Vögel ISBN 3-8289-1668-6