Kubulawa Kwa-Al-Sadek Hamed Al-Shuwehdy
Al-Sadek Hamed Al-Shuwehdy (noma Sadiq Hamed Shwehdi) (c.
1954 - wabulawa nga 1984) bekangumfundzi waseLibya lobekenta timfundvo tebunjiniyela emkhakheni wetindiza lowabulawa ngemuva kwekushushiswa enkundleni ye-basketball eBenghazi, eLibya. Lelicala lasakatwa bukhoma kuthelevishini yembuso waseLibya.Al-Shuwehdy bekabuyile eMelika etinyangeni letintsatfu letendlulile lapho bekafundza khona, futsi wacala kuvukela Umbuso waGaddafi.
Ngesikhatsi asebenta njengenjiniyela esikhumulweni setindiza wahlangana nebangani lebebakhankhasela Gaddafi. Ngekuhamba kwesikhatsi emaphoyisa aseLibya ambamba ekhaya lakhe; wabulawa ngemuva kwetinyanga letimbalwa. Umndeni wa-Al-Shuwehdy awuzange utfole sidvumbu sakhe; labo labalilako labafika emakhaya abo bebatawesaba. Ngemuva kwekushona kwakhe, emalunga emndeni wakhe nawo abhekana nebulukhuni bekutfola umsebenti nobe kutfola tindzawo enyuvesi.
Kwetfulwa kwelicala
Lokutsetfwa kwelicala kanye nekubulawa kwabonwa tinkhulungwane tebantfu labasha, ikakhulukati labebabafundzi besikolwa lesiphakeme kanye nebafundzi baseNyuvesi, lebebatfunyelwe ngemabasi ngalokukhetsekile kulomcimbi. Al-Shuwehdy bekayedvwa emkhatsini wenkhundla, tandla takhe tiboshwe ngemuva kwakhe, futsi wakhala ngesikhatsi avuma licala lakhe lekujoyina "tinja letilahlekile", ligama lembuso lelisho labo labaphikisako, ngaphambi kwekutsi agwetjwe kufa.
This article uses material from the Wikipedia SiSwati article Kubulawa kwa-Al-Sadek Hamed Al-Shuwehdy, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki SiSwati (DUHOCTRUNGQUOC.VN) is an independent company and has no affiliation with Wiki Foundation.