کشمیری تے پنجابی زبان دی ماء

ہِک ویلے موجودہ پنجاب تے کشمیر تک علاقے سرائیکی راجدھانی ملتان وِچ شامل ہَن، ملتان ہی تہذیب تمدّن اَتے تجارت و صنعت دا مرکز ہا اِیں واسطے سرائیکی زبان تہذیب تے ثقافت دے اثرات ݙوجھے لسانی گروہیں تے پووݨ لازمی ڳالھ ہئی، انّھاں اثرات دی وجّہ تُوں کُجھ زباناں ٻئے زبانیں وِچ مرج تھیندِن اتے کُجھ نویاں وجود وِچ امدِن جیویں جو ݙونہائیں زباناں کشمیری تے پنجابی وجود وِچ آئن۔ انگریزی عہد دی عام تحقیق دے مطابق سرائیکی زبان مختلف زباناں دی ماء ہِے۔ سندھی زبان دی تریخ دے مصنّف بھیرومل آڈواݨی نے لکھے جو مہا بھارت دے دور وِچ راجہ کسنیس تُوں ٻہوں بلے متھرا وچ شوستین نامی ہِک مشہور راجہ گذرے اُوندے ناں دی نسبت نال متھرا تے ایندے آس پاس دے علاقے کوں شور وِچ تے علاقے دی زبان کوں شورسینی پراکرت آکھیا وین٘دا ہئی۔ پراکرت کافی دور تئیں پھیلی ہوئی ہئی اتے ایندا دائرہ اثر مغربی پنجاب تُوں گِھن تے گجرات تے بنگال تئیں وسیع ہئی۔ اوں زابان تے وی ملتانی زبان دے اثرات ہن پاکستان وِچ پنجابی، کشمیری تے ݙوجھی زباناں وجود وِچ آیاں۔ تے اِیں طرح مشرقی پنجاب وِچ سرائیکی تے ہندی زبان دے ملاپ نال پنجابی کشمیری زبان پیدا تھئی اِتّھوں اشارہ ملدے جو سرائیکی کشمیری تے پنجابی دی ماء اے۔