ڳائیک شوکت علی

شوکت علی ضلع گجرات (جیڑھا ہُݨ نویں ضلع منڈی بہاء الدین پنجاب، پاکستان وِچ آن٘دا ہِے) ملکوال وِچ فنکاراں دے ہِک ٹَٻَّر وِچ ٣ مئی ١٩٤٤ء کُوں ڄَمّے ہَن۔ شوکت علی نے ١٩٦٠ء دے ݙہاکے وِچ، جݙّݨ اُوہ کالج وِچ ہَن، اُݙِّݨ تُوں ڳاوݨ دا اَغاز کِیتا۔ جِہڑیلے وی شوکت علی کُوں مدد دی لوڑ پئی تاں اُنّھاں نے اپݨے وݙّے بِھرا عنایت علی خان تُوں مدد گِھدّی۔ شوکت علی کُوں پاکستانی فلمی دنیا وِچ ہِک مہان٘درا موسیقی ڈائریکٹر ایم شریف نے اپݨی پنجابی فلم "تیس مار خان (١٩٦٣ء)" وِچ ہِک پِچھوکڑ اَواز ڳائیک دے طور تے سُن٘ڄاݨ کرایا ہئی۔

شوکت علی نے ١٩٦٠ء دے ݙہاکے دے اَخِیر تُوں، غزل اَتے پنجابی لوک گِیت پیش کِیتے۔ ہِک لوک ڳائیک دی حیثیّت نال، شوکت علی نہ صرف پنجاب، پاکستان جاں جو پنجاب، بھارت وِچ وی مہان٘درے ہَن۔ شوکت علی نے برطانیہ، کینیڈا اتے امریکہ دا پن٘دھ کِیتا اَتے اُتّھاں اپݨے فن تے کارکردگی دا مظاہرہ کِیتا۔

شوکت علی پاکستانی ڳائیک عمران شوکت علی، امیر شوکت علی اَتے محسن شوکت علی دے اَبَّا سئیں ہِن۔

• ١٩٩٠ء وِچ صدرِ پاکستان نے تمغائے حسنِ کارکردگی نال نوازیا۔

• سیف الملوک (میاں محمد بخش)
• ہیر وارث شاہ (وارث شاہ)
• ساتھیو! مجاہدو! جاگ اٹھا ہے سارا وطن
• توں وی حق دا ولی
• ساڈے یار نے بنھ لیے سہرے
• تیری میری ایہ ازلاں دی یاری
• کیوں دور دور رہندے او
• کدی تے ہَس بول وے
• چھلا
• جگا
• ماݨ
• جنت دا پڑچھاواں

٢ اپریل ٢٠٢١ء کُوں ٧٧ ورھیاں دی عُمر وِچ لاہور وِچ جِگر دی بِماری دے پارُوں فوت تھئے۔