ریاض ہاشمی
سیئں ریاض ہاشمی دا ناں وسیب دے اُوں گِنڑے چُنڑے اگونڑاں وچ شامل ہے کہ جنہاں سب تُوں پہلے سرائیکی تحریک دا علم چاتا ہئی تے صوبہ بہاولپور دی تحریک کوں نہ صرف سرائیکی صوبہ تحریک اچ بدل دتا ہئی بلکہ سرائیکی وسوں دے حق اِچ سیاسی، تاریخی تے آئینی دستاویز ”بریف فار بہاولپور پراونس“ نامی کتاب لکھ کے سرائیکی صوبے دا مقدمہ پیش کیتاہئی تے کتاب وچ پہلی واریں وسیب دا مکمل نقشہ چھاپا گیا ہئی، جیندے مطابق صادق آباد کول گھن کے دیرہ اسماعیل خان تک پھیلے تھل، دمان، چولستان دے واسیاں کوں نہ صرف آپڑی سنجانڑں ملی ہئی بلکہ سرائیکی خطے دی نویکلی (تہذیبی، تمدنی، سیاسی تے جغرافیائی) شناخت دے مطابق سرائیکی صوبے دا مقدمہ کیتا گیا ہئی۔
انٹرنیشنل سرائیکی کانگریس دے روح رواں سیئں عبید خواجہ دی محنت تے لگن کوں سلام کہ جنہاں ریاض ہاشمی سیئں دی کتاب دا اُردو ترجمہ مکمل کیتا تے ڈاکٹر عائشہ صدیقہ، سیئں عاشق بزدار، سیئں اسلم رسول پوری، سیئں اسجد بخا ری، سیئں حیدر جاویدسید تے سیئں پروفیسر عامر فہیم نے کتاب تے آپنے آپنے تاثرات لکھے۔۔
انٹرنیشنل سرائیکی کانگریس ایں کتاب کوں چھاپن دا آہر کریندی پئی ہے۔انشاء اللہ مقدمہ سرائیکستان بہوں جلد چھپ کے سنگت دے مطالعے کیتے پیش کیتی ویسی۔
عباس سیال
کنوینئر
انٹرنیشنل سرائیکی کانگریس
آسٹریلیا
انہاں دا پورا ناں ریاض الحسن ہاشمی ہے۔ سرائیکیاں دے قومی ہیرو تے مصور تے مفکر سرائیکستان ہن۔
ڄم پل
١٩٢٥ء کوں فیض الحسن ہاشمی دے گھر ڄمے۔
پیشہ
وکیل ہن۔
سیاست
پہلے بہاولپور صوبے دے حامی ہن، وت بہاول پور صوبے دی تحریک ختم کرتے سرائیکستان دا تصور ݙتے۔
وفات
٣ جولائی ١٩٨٨ء
This article uses material from the Wikipedia سرائیکی article ریاض ہاشمی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.