جنوبی پنجابی دوست

یقیناّ تیکوں جنوبی پنجابی آکھنْ تے برا نہ لگا ہوسی کیوں جو تیڈے لیڈر نے آکھے پر وسیب کیتے سرائیکی دی بجائے لفظ " جنوبی پنجابی" مندے توں گھٹ نئیں ۔۔۔۔۔ زندہ سیاسی پارٹیاں اپنْے نویں نوجوان کیڈر کوں جماعتی طرز فکر یا طالبانی انداز نئیں ڈیندیاں جو سُنْن سمجھن ڈیکھنْ دی جبلت مُک ونجے، اختلاف رائے داامکان نہ بچے، تے تنقید دا تاں سوال ء پیدا نئیں تھیندا کیوں جو وت کفر دا فتویٰ سِر تے کھڑے۔ جیالہ بنْن اچھی گالھ ء پر @ انسانی جبلت تے سمجھوتہ ؟ جیکر زرداریاں دا بال " گھنسوں گھنسوں سرائیکی صوبہ گھنسوں " دا ہک دفعہ وی نعرہ مارے ہا تاں میڈے خواب پورے تھیون ہا۔۔۔۔۔ صرف میں ءی نا بھل پورا سرائیکی وسیب اپنْی شناخت تے حقوق دی حمایت دا اعلاناو وی اپنْی شہزادی بے نظیر شہید دے پُتر دے منہہ ءچوں سُنْ تے ٹھر ونجن ہا ۔۔۔۔ پر ایتھاں جناب صیحب جیالے جو تھئے تہاکوں ملاں آلی کار فتوی ٹھوکنْ وی ضروری ء جو فلاں ہنْ فلانْے دا ایجنٹ ء ۔ فلانْے کوں فلانْے پالی ودن ۔۔۔۔۔ محترم آصف زرداری صاحب ابا حضور بہاولپور صوبے دی نام نہاد چار فوجی گماشتاں تے ڈوترے ڈوروآں دی تحریک کوں اسلامہ باد گھر سڈوا تے اپنْی حمایت دا اعلان کریندن جناب جیالے بھائی جاناں کوں کوئی اعتراض کوئی نئیں کیوں جو ابا جی نے فرمایا ہے ۔۔۔ اویں سارا سال سرائیکی کارکن بنْ سرائیکی سرائیکی دا ماتم پٹوکا لائی رکھسن ۔۔۔۔ اتھاں ملتان ءچ کل چھوٹا زرداری چٹے ڈیہوں دا جنوبی پنجاب دے صوبے دا نعرہ مار تے سرائیکی وسیب کوں جنوبی پنجاب بنْاونْ دے مریندا رہ گئے، ہک لفظ سرائیکی منہہ ءچوں نسی کڈھا پر جناب دے سر تے دولے شاہ آلی ٹوپی جو ء کتھاں سُنْیسی یا نظرسی۔۔۔۔۔ جتوئی ڈسا تاں سہی سرائیکیاں دے متھے تے کتھاں لکھا کھڑے " بے وقوف" ۔۔۔۔۔۔۔ ہنْ سبھے سیانْے ہن ۔۔۔ آکھدن سدھی سدھی گالھ کرو جلیبیاں نہ بنْاؤ تے نہ ءی پکوڑے تلو وسیب ءچ۔۔۔۔۔۔ سدھی گالھ ء وسیب دا سرائیکی اونکوں ووٹ ڈیسی جیہڑا اوندی ہزاراں وریہاں دی سُنجانْ نال سیاسی حد بنا بنْاونْ دا اعلان کرے ۔۔۔۔۔ پر اساکوں رنجیت سنگھ دے بعد دوبارہ 2018 ءچ جنوبی پنجابی بنْا تے ہمیشہ کیتے اساڈی شناخت دا سیاسی جنازہ پارلیمنٹ توں پڑھ تے کڈھنْ چاہندے وے تے لوک ووٹ چھوڑ بکیں پئے ویسن ۔۔۔ آکھدن جو "ہالی پہلے صوبہ بنْا گھنوں وت ناں وی رکھ گھنسوں" کیوں بھئی پہلے صوبے ءچ نئیں راہندے پئے۔ پہلی وی سرائیکی دھرتی کوں ولا تے پنجاب صوبہ بنْایا گیا تے اساں پنجابی بنْئے گئے وت ہن نویں سروں دوبارہ جنوبی پنجاب بنْا تے وت جنوبی بنجابی بنْیندے پئیں کل وت کوئی بیا ڈاڈھا آسی او شمالی وت مغربی مشرقی پنجابی بنْیسی ۔۔۔۔۔ کجھ تاں شرم حیا ہوندی ء تساں تاں سیاسی کارکن ہو تاریخ دے سیاست دے طالب علم ہو ۔۔۔ ہک عام مزدور سرائیکی بندہ غربت زدہ بھانویں اسٹیبلشمنٹ دی اے چال نہ سمجھے پر تساں تاں ایں اپنْے وسیب کوں جواب دہ ہو۔۔ پیپلز پارٹی کو برباد تے مکاونْ آلے تساں سوے سرائیکی جیالے ہن جنہاں اج تئیں اپنْی پارٹی کوں سرائیکی وسیب دی فائل دی بجائے نوکریاں گھننْ بچاونْ تے لواونْ تے فائیلاں ڈیندے گھندے رہ گئن ۔۔۔۔ سرائیکی دھرتی سرائیکی وسیب دے اصل مجرم سرائیکی جیالے ہن جہڑے اج وی تے کل وی وسیب کوں جواب دہ ہوسن جو تہاڈی کئی دفعہ دی بے تاج بادشاہی تے حکمرانی ءچ سرائیکی صوبہ نہ بنْا گالھ نہ ٹری ۔۔۔۔۔ ہتھوں کل سینٹ ءچ پی پی باقاعدہ سرائیکی قومیت ثقافت زبان کوں اپنْی بھاری اکثریت نال مسترد کرتے پنجابی زبان کوں قومی زبان منظور کیتا ۔ بہاولپور صوبے دی حمایت دا اعلان کیتا تے ہنْ جنوبی پنجاب دا بے ہودہ مندہ کڈھے نے۔۔۔۔۔۔ اے مندے جماعتی اشٹائل دے جیالے برداشت کرسگدن پر سیاسی کارکن نئیں ۔۔۔(شہزاد عرفان)