جاپان وِچ زنانیاں

جاپان وِچ سپائیڈر مین آلی کار ڄال سَٹَّݨ دی ویڈیو جدید طور تے دُنیا بھر وِچ مقبول تِھین٘دی پئی ہِے جین٘دے وِچ ہِک زنانی کُوں حملہ کرݨ آلے بندے اُتے "سپائیڈر مین" بندوخ نال ڄال سٹین٘دے ہوئے ݙِٹّھا ون٘ج سڳین٘دا ہِے۔ بھان٘ویں جو مُلخ وِچ زنانیاں اُتے حملیاں اَتے عوامی جائیں اُتے جرم دی شرح ٻہوں گھٹ ہِے جاں جو اِیں اہم ایجاد دے ذریعے حملہ کرݨ آلے بندے کوں سِکنٹاں وِچ ڄال وِچ پَھسایا ون٘ڄ سڳین٘دا ہِے۔

جاپان وِچ کُجھ کمپنیاں دی طرفُوں زنانیاں اُتے عینک پاوݨ دی پابندی دی اطلاعواں دے بعد ہُݨ اِنّھاں کِیتے کَم اُتے عینک پاوݨ ہِک حساس موضوع بݨ ڳیا ہِے۔ اَݨ ڳِݨٹ نیوز چینلاں دے مطابق جاپان دی کُجھ کمپنیاں نے ایہ فیصلہ انجو انج وجوہاں دی بُݨیاد اُتے گِھّدا ہِے جِنّھاں وچوں ہِک اِیہ ہِے جو عینک پاوݨ آلی زنانیاں جیڑھیاں کہِیں دُکان اُتے نائب دے طور تے جِہڑیلے کَم کرین٘دیاں ہِن "ہِک غیر یارانہ تأثر" ݙین٘دیاں ہِن۔ اِیہ شرط مرد ملازماں اُتے نئیں لائی ڳئی۔

جنسی ہراسانی دے واقعے وی جاپان وِچ وݙی سطح اُتے تھئے ہِن۔ جاپان دی عدالت نے "عزت لہاوݨ / زبر زنا" دے ہِک معاملے وِچ وزیر اعظم سنزو آبے دے نیڑے سمجھے ون٘ڄݨ آلے مُلخ دے مہان٘درے صحافی کوں زنانی صحافی کوں ہرجاݨے دی رقم ادا کرݨ دا حُکم ٢٠١٩ء وِچ ݙے ݙِتّا ہئی۔

جنوبی کوریا اَتے جاپان وِچ زنانیاں دے ذریعے شروع کِیتی ڳئی نو میرج وومین دا مقصد ہِے جو شادی نہ کرݨ کوں ودھارا ݙیوݨ۔ اِیں مُہم اَتے زنانیاں دے شادی نہ کرݨ دی وجہ توں (ملک وِچ جنوبی کوریا اَتے جاپان) وِچ مالی اَتے سماجی بحران کھڑا تِھی ڳیا ہِے۔ زنانیاں شادی، جسمانی تعلق اَتے اَل توں بَچَّݨ دی کوشتاں کرین٘دیاں پئیاں ہِن۔

جاپان وِچ تھیوݨ آلے ہِک سروے دے مطابق مُلخی چوݨ پاوݨ آلیاں دی اکثریّت اِیں ڳالھ دی حمایت کرین٘دی ہِے جو زنانیاں کوں وی شہنشاہ دا وارث قرار ݙِتّا ون٘ڄے۔

• جاپان
• زنانیاں کوں اختیار آلا بݨاوݨ
• زنانیاں دے حقوق