تونسہ شریف
تونسہ شریف پاکستان دا او مشہور ترین شہر ہے جیندی وجہ شہرت دی مزید شہرت ضروری نئ پاکستان دے کہیں جنڑے اگو ایویں تونسہ دا ناں چاؤ چا ہک دفعہ بس سامنڑے آلے دے منہ اچو نکی جھئیں پھینہہ“ نکل ہی ویندی ہے.ہک دفعہ صوابی دی تبلیغی جماعت آلیاں میں تو تونسہ دی مشہور شۓ دا ناں پچھیا تاں میں آکھۓ ول جلو مسجد دے باہرو اتھاں میں نئ ڈس سگدا.
البتہ میکوں تاں تونسہ ات لو بھاندے جو میں اتھاں وڈے لاء آنونڑ شروع کیتے. تونسے کوں پکی کندھی تے تونسے آلیاں کوں پکی مٹی آلا ایویں نئ آہدے واقعی مٹی بہوں پکی ہے قبر کھاٹا قبر کھٹنڑ لو ٹپہ مارے تاں گن ہتھیں تے کہی زمین تے لگ تے متھے آن لگدی ہے.پوریجنڑ آلے تو پہلے کھاٹا مر سمدے. مینہہ آ ونجے تاں پیریں دی مٹی پچھو کیاڑی اچ آ لگدی ہے.
ڈیکھ تونسے دا نظارا ہک ڈینہہ بارش اٹھ ڈینہہ گارا
یقین کرو لوگ بہوں نیک ہن تونسے دے اللہ سوہنڑاں منکر نکیریں کوں فرمیندے ایں میت کولو ویندے تاں پۓ وے ایویں تھڈا کھا تے ول آسو فرشتے کوں جیہرلے پتہ لگدے تونسوی صاحب ہن فرشتے چپ کر تے ولیۓ ویندے رہندن. قبریں تے پتھر وی شید تہوں رکھدن جو متاں ولی صفت لوکیں کوں بہشت دا ماحول تونسے توں گھٹ محسوس تھیوے تے اے باہرو نہ نکلیا آوے. تونسے کوں یونان صغیر وی آکھیا ویندے اور بجا آکھیا ویندے پاکستان دا کوئ محکمہ اینجھا نہ لبھسی جیندے وچ تونسے دا افسر نہ بیٹھا ہوسی.ہوسی افسر تے ہوسی وی سادہ مزاج . تے سادگی دی حد اے ہوندی ہے جو ہوسی افسر پر گھڑے اچو ٹبکا کے کھڑیں تڑیں پانڑیں جو پیسی منہ اچو ڈھاندے ہوۓ پانڑیں دے قطرے ولدے ولا گھڑے دے وچ ونج ڈھاندن. پکی مٹی تے پکی کندھی دے پکے واسیں دا اے شہر ساڈے اکلوتے سرائیکی وزیراعلیٰ دا شہر وی ہے جیندے نال سارا پنجابی وسیب ساڑا لئ کھڑے.
لکھت منصورشانی
آلیاں بھنوالیاں
حوالے
This article uses material from the Wikipedia سرائیکی article تونسہ شریف, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.