ست بسم اللہ

• وکیپیڈیا دے انٹرفیس دا سرائیکی ترجمہ کرݨ کیتے تہاݙے تعاون دی ساکوں ݙاڈھی لوڑ ہے۔ تساں ایں کیتے تعاون کرو، Translatewiki.net ݙیکھو تے ہدایات تے عمل کرو۔
• بھُوم ڳوجھی دے مزید تعارف کیتے تعارف ورقہ ملاحظہ فرماؤ
• بھُوم ڳوجھی دے انٹرفیس کوں سمجھݨ کیتے وکی پیمائی دا تعارف ملاحظہ فرماؤ
• بھُوم ڳوجھی وچ مزید معاونت کیتے صفحۂ معاونت ملاحظہ فرماؤ
• مضامین دے اسلوب نگارش دے متعلق مختصر پر مفید معلومات کیتے تعارف اسلوب نامہ ملاحظہ فرماؤ
• ورقیاں دی ظاہریت دی تبدیلی تے طریقۂ کار کیتے ترجیحات ملاحظہ فرماؤ
• مضامین دی تحریر و ترمیم تے مشق کیتے صفحۂ معاونت برائے تحریر و اصلاح مضامین ملاحظہ فرماؤ
• مضامین دی فارمیٹنگ، ترتیب و تدوین دے تعارف تے ایں دے مفصل طریقہ کار کیتے ترمیم کاری دا تعارف ملاحظہ فرماؤ

بہتر ہوسی جو تساں شروع وچ ہی انہاں ورقیاں تے دید بھن٘وا گھنو:

• ہدایات تے پالیسیاں دا تعارف
• ویکیپیڈیا دے پنج ستون
• وکیپیڈیا کیا کائنی
• معتدل نقطۂ نظر
• حوالہ جات دی فراہمی
• کاپی رائٹ

اتھ تہاݙا مخصوص ورتݨ ورقہ وی ہوسی جتھ تساں اپنا تعارف لکھ سڳدے ہو، تے تہاݙے ڳالھ مہاڑ ورقے تے ٻئے صارفین تہاݙے نال رابطہ کر سڳدے ہن تے تہاݙے نال ڳالھ مہاڑ کر سڳدے ہن۔

• کہیں ٻئے ورتݨ آلے نال ڳالھ مہاڑ کرݨ ویلے انہاں ڳالہیں دا خیال رکھیسو:
  • جے ضرورت ہووے تاں سنیہے دا عنوان متعین کرو۔
  • سنیہے دے چھیکڑ وچ آپݨے دستخط ضرور پاؤ، ایں کیتے درج کرو ایہ علامت --~~~~ یا ایں آئیکان () تے کلک کرو۔

• • اظہار خیال دے آداب دا خصوصی خیال رکھو۔

وکیپیڈیا دے کہیں وی ورقے تے کھٻے پاسے "ڳولݨ خانہ" نظر آندا ہے۔ جہڑے موضوع تے تساں مضمون بݨاوݨ چاہندے ہو او ڳولݨ خانے لکھو تے ڳولو تے کلک کرو۔

وت تہاݙے موضوع نال رلدے ملدے ورقے نظر آسن۔ ایہ اطمینان کرݨ دے بعد جو تہاݙے مطلوبہ موضوع تے پہلے کوئی مضمون کائنی، تساں نواں ورقہ بݨا سڳدے ہو۔ واضح راہوے جو ہک موضوع تے ہک کنوں ودھ مضمون بݨاوݨ دی اجازت کائنی۔ نوں ورقہ بݨاوݨ کیتے، ڳولݨ دے نتائج وچ تہاݙی ڳولݨ آلی عبارت رتے رنگ وچ لکھی نظر آسی۔ اتھ کلک کریسو، تاں ہک نواں ورقہ کھل ویسی، جتھ تساں نواں مضمون لکھ سڳدے ہو۔ یا تساں نواں مضمون لکھݨ کیتے ہیٹھلا خانہ وی ورت سڳدے ہو۔ ورقہ بݨاوݨ کیتے عنواں ایں خانے وچ لکھو تے وت ورقہ بݨاؤ تے کلک کرو۔

• لکھݨ کنوں پہلے اس ڳالھ دا یقین کر گھنو جو جہڑے عنوان تے تساں لکھدے پئے ہو اوں عنوان یا اوں سن٘ویں عنوان تے سرائیکی وکی پیڈیا وچ کوئی مضمون کائنی لکھیا ہویا۔ ایں کیتے تساں ڳولݨ خانے وچ عنوان تے اوندے مترادفات لکھ تے لبھ گھنو۔
• سب کنوں چنگا ایہ ہوسی جو تساں مضمون لکھݨ کیتے اتھ تشریف گھن ون٘ڄو، ݙادھی سوکھ نال تساں مضمون لکھ گھنسو۔ تے اوکھ پیش کائناں آسی۔