Tasdawit N Bnu Zuhr
Tasdawit n Bnu Zuhr tga yat tsdawit tamɣribit illan ɣ ugadir d idɣarn lli as yaẓn.
Tbda ɣ usggas n 1989, ilkm umḍan n imḥḍarn lli gis yaqqran ɣ 2012-2013 kra n 60,000 umḥḍar, ar gis ittxdam uggar n 677 n islmadn d islmad imawasn d imsiggiln. Tɣʷi tsdawit ad ɣil ad kra n 52% n wakal anamur n tmazirt n Lmɣrib, acku ar d sis ttackan imḥḍarn zɣ sa d mraw n tmnaḍin, iwalan i kkuẓt tsgiwin: tasga n Sus-Masst, tasga n Ugʷlmim-Asif Nun, tasga n Lɛyun-Targʷa Tazggʷaɣt d tsga n Ddaxla-Asif n wurɣ.
| Tasdawit n Bnu Zuhr | |
|---|---|
| جامعة إبن زهر - ⵜⴰⵙⴷⴰⵡⵉⵜ ⵏ ⵉⴱⵏ ⵣⵓⵀⵕ | |
 | |
| Amzruy d twuri | |
| Tuddma | 1989 |
| Anaw | Tasdawit tagdudant |
| Angraw asnils | Tamaziɣt - Taɛrabt - Tafransist - Taṣbnyulit - Tanglizt |
| Anssixf | Omar HALLI |
| Tanfalit | Tasdawit n umurs |
| Asml | www.uiz.ac.ma |
| Izwal-tisura | |
| Imḥḍarn | 120231 |
| Islmadn | 1214 |
| Tarakalt | |
| Adɣar | Ayt Mllul |
| Tamdint | Agadir |
| Tamazirt |  Lmɣrib |
Amzeruy
Tettyusnulfa tsdawit g 1989, ism nns tiwi t id sɣ umassan ggu Wandalus Ibn Zuhr Liyadi.
Asslmd
Ar takka tsdawit izazutn ɣ iẓlan ixatarn n Tmassant d Ttiknulujit, Azrf d Tdmsa, Taskla d Tmassanin Tinfganin. Tṭṭaf tẓat tɣiwanin d sḍist tinmal.
Asnmala
Izri wuṭṭun n inlmadn 120,000 (ɣ usggʷas 2017-2018) bḍanin f 17 tmrsal:
- Taɣiwant n Tmassant - Agadir (FSA)
- Taɣiwant n Tmassanin Tizrfanin, Tidmsanin d Tnamunin - Agadir (FSJES)
- Taɣiwant n Tmassanin Tizrfanin, Tidmsanin d Tnamunin - Ayt Mllul (FSJESAM)
- Taɣiwant n Tẓuriwin d Tnfganin - Agadir (FLSHA)
- Taɣiwant n Tutlayin, Tiẓuriwin d Tnfganin - Ayt Mllul (FLASH)
- Taɣiwant n Tmassanin Tusnisin - Agadir (ENSA)
- Taɣiwant n Tsnjjit d Tsasfrt - Agadir (FMPA)
- Tinml Tanamurt n Usɣnzi d Uswuddu - Agadir (ENCG)
- Tinml Tanamurt n Usɣnzi d Uswuddu - Ddaxla (ENCG)
- Tinml Tanamurt n Tmassanin Tusnisin - Agadir (ENSA)
- Taɣiwant Tagtiẓlit - Warzazat (FPO)
- Taɣiwant Tagtiẓlit - Tarudant (FPT)
- Taɣiwant n Ccariɛa - Ayt Mllul
- Taɣiwant n Ccariɛa - Ssmara
- Tinml Tanafllat n Ttikunulujit - Agadir (ESTA)
- Tinml Tanafllat n Ttikunulujit - Agʷlmim (ESTG)
- Tinml Tanafllat n Ttikunulujit - Lɛyun (ESTL)
| Tisdawiyin n Lmɣrib | |||
|---|---|---|---|
| Agafa | Tasdawit n Ibn Ṭufayl • Tasdawit n Muḥammad amzwaru • Tasdawit n Ɛabdlmalk Ssaɛdi | ||
| Tuẓẓumt | Tasdawit n Ḥasan II • Tasdawit n Al Qarawiyin • Tasdawit n Sidi Muḥammad Bn Ɛabdllah • Tasdawit n Uru-tanammast • Tasdawit n Al Axawayn • Tasdawit n Ṣulṭan Mulay Sliman • Tasdawit n Cuɛayb Ddukali • Tasdawit n Mulay Smaɛil • Tasdawit n Muḥammad V • Tasdawit tagraɣlant n Rrbaṭ • Tasdawit n Ḥasan amzwaru | ||
| Iffus | Tasdawit n Bnu Zuhr • Tasdawit n Qaḍi Ɛyyaḍ | ||
Isaɣuln
This article uses material from the Wikipedia Taclḥit article Tasdawit n Bnu Zuhr, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.