Msmun awal amatay asnmalay n tmaziɣt (s uzgzl: MMSM) iga tayafut n twuri n imrzutn n wammas n usmsasa n tutlayt, rad nn gis yaf ugdud lli sis ittqqln yan yimis amawal ubɣir.
Ittwaskr s kṛaḍt tutlayin: tamaziɣt, tafṛansist d tɛṛabt. Tutlayt n ukccum ɣrs tga tt tmaziɣt, ḍfaṛnt tudifin nns anmala n iskkiln n ugmmay, ilint s tɛṛabt d tfṛansist dɣ nttnti acku tutlayin ad llant g umuɣli amntlay n lmɣrib llig tga tmaziɣt tutlayt tamaddudt nttat d tɛrabt, tg tfṛansist tutlayt tabṛṛanit tamzwarut g tmazirt.
Amawal a ur iẓli s yat tntala, ismun akkʷ tamaziɣt, ira ad tt issuds afad ad tmsasa ad tg yat. S uya ur da yaddr tamnaḍt lli d kkant tguriwin. Yan wudm yaḍnin lli s iẓli msmun awal iga t usidf n tguriwin tinulfutin afad ad isbuɣlu tudrt n tutlayt tamaziɣt. Tasnirmt dɣ nttat dars adɣar nns tama n tutlayt tamatayt. G tgira n msmun awal, llan sin uskinn ar ttawsn g urzzu n tguriwin s tɛrabt d tfṛanṣiṣt.
Ttyarant tudifin s tfinaɣ d isskiln imsislitn imaḍlann smsasanin afad ad irxu urzzu g umawal ad xf middn lli ur issinn tifinaɣ. Aya izmr ad asn yaws g ulmmud n uskkil n tmaziɣt.
This article uses material from the Wikipedia Taclḥit article Msmun awal amatay asnmalay n tmaziɣt (MMSM), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.