Aynna Iyi Ur Inqqan, Ar Iyi Ittajja Ad Dusɣ

ikka tt inn iga yan uflsaf aliman d unfran awsnan ig ula amrzu g tlatinit d tyunanit, taswingmt nns taflsaft tdus bahra tattuy izḍaṛ ad srs isnfl amzruy n uswingm atrar. iga sg willi srsnin tirsal timzwura n tmassant n iman slawan akkʷ lliɣ iga amassan n tsnilst yura tugtt n idlisn d iḍṛiṣn nna ẓlinin s usgd d isyafatn d tflsaft tatrart yura awd f tṛumansit talimant d usmaynu s yat tutlayt talimant bahra iḥlan. iga fridirik nitc sg iflsafn nna bahra ttawssannin dar imɣran n tflsaft g umaḍal. s umata fridirik nitc iga yan uflsaf mu bahra yattuy uswingm nns aflsafi slawan akkʷ iɣ nɣra yan g iḍṛiṣn nns nna ɣ tlla tugtt n tamimt n usyafa nns bahra iɣudan, yat g tannayin nns tiflsafin nna iyi bahra issusmn talli ɣ inna " كل ما لا يقتُلني, يجعلُني أقوى " rad s tt nrar s wawal amaziɣ rad nini « aylli iyi ur inqqan,ar iyi issdus » iɣ nra ad nfk yat tswingmt tamatayt f tannayt ad bahra issusmn rad nini masd aflsaf ira ad yini masd taɣawsa nna rad ur inɣ afgan is rad t tssdus tfk as tugtt n tzmmar nna s rad izzigiz s dat, rad gis nrms ula tiẓiḍaṛ n iwdan nna ttannaynin tudrt s yan usmmaql bahra iɣudan slawan akkʷ mas tlla yat tzdayt gr tẓiḍaṛ d umurs, iɣ bahra nɣra tannayt ad s yan usmmaql aflsafan nɣd tiɣri taflsafit rad gis nakz tugtt n tɣawsiwin nna rad aɣ isaẓḍ uggar f uswingm nna yusi uflsaf fridirik nitc, iskr gis yat tmatart nna s iddr tudrt nns g yan uzmz naḥya t f win ɣilad. rad nakʷz g tinawt ad awd yat tɣawsa ilan yan watig ɣ tudrt slawan akkʷ mas tettunna afad ad izmr ufgan ad iskr tiɣawsiwin nna ira afad ad ur yili yan uwurri g mad ira ad t iskr, wanna iran ad iskr kra n tɣawsa iskr tt ikks tikṣṣaḍ nna imunn d iman n ufgan, tga tiniwt ad tin iwdan nnag llant tkssaḍ iɣ ran ad skrn kra n twuri afad ad ur ttdiwn, isskʷti asn d uflsaf masd taɣawsa nna rad k ur inɣ, is rad ak tfk tugtt n tẓiḍaṛ d tzmmar nna rad ak issdus aswingm nnk.

tlla yat tɣawsa ilan yan watig g tudrt nnɣ slawan akkʷ mas tettunna afad ad izmr ufgan ad iskr tiɣawsiwin nna ira afad ad ur yili yan uwurri g mad ira ad t iskr, wanna iran ad iskr kra n tɣawsa iskr tt ikkis tikṣṣaḍ nna imunn d iman n ufgan, tga tiniwt ad tin iwdan nnag llant tkssaḍ iɣ ran ad skrn kra n twwuri afad ad ur ttdiwn ula ggʷdn as, ar aɣ d isskʷtay ma ad s aynna s inna uflsaf , mas d taɣawsa nna rad k ur inɣ, is rad ak tfk tugtt n tẓiḍaṛ d tzmmar nna rad ak issdus aswingm nnk d usyafa nnk animan . .