Asfsy N Usfru

Amnni ur iṭṭifn taggayt Amnni ad ur iṭṭif taggayt. Zayd as kra n taggayt nna rad d dis yack, ad ur tettut ad tkkst talɣa ad akud nna as tt tzuydt. Ad ur tikṣuḍt! Tettusras tbrat ad bac ad tt tẓṛ trabbut n tnṭṭuft d uzzray n imnnitn. Ayad ur isnamk is tskrt kra n uzgal.

Yili fellas ad issemrs ikwlan utlayanen fulkinin afad ad taḍfut tmdyazt timim g tiɣri nns, macc tiskanin(caracteristiques) tisursanin ar ttemzaraynt sg usfru ar wayyaḍ, sgisent istalen, anawn n usurs, cḥal n usurs ad yuma usfru... ig anẓmay ad nissan mas-d ku asfru yuma yan neɣ-d mennaw n isursen d mas iga uswuttu d tzrawt n tɣarasin n usfru tad isdan f yat trabbut n tsurifin.

Asgrar amatay ar gis ttuzrawent tfadiwin timatayin lli g yura umdyaz asfru, ilint mennawt tfadiwin, sgisent timerniwt(évolution) aṛumansy, aɣilan(moderne), ilelli, aklasiky, amzruyan, asertan, amunan d udelsan. Sg dinn(dinna/ɣinn) ar ntteddu ar nsmun ifkiten d tiktiwin f umdyaz s yiman nns, aẓuṛ nns, aswir nns ussnan d twuriwin nns. S umdya iɣ iga umdyaz Aliby ar nzerru asfru nns azayku, d is tella kra n tuqqna(relation) gr usfru nns d tmentilt n tamurt nns.

- taferka n usmuqqel n uḍṛis, taferka-a tzdy s talɣa yumanen d iderrazen ibeṛṛanen nna yusi uḍṛis, zun-d talɣa n uḍṛis, tasegda(archtecture) nns amm anck n yiẓaṭan, asqqul d ustal, d usku alijundy(légendaire), tazrawt n uzwel d uswuttu n tmagit nns, s umdya azwel “WAẒ” n umdyaz Muḥmmad Wagrar iga ɣas taguri, ur igi tawinst neɣ-d kra yaḍnin. Ilemma ar nẓeṛṛa tabrida tutlayant nna gis ittusmrasen, is d-tedda g talɣa n wanaḍ neɣ-d asḥuṛmu, fad s usmuqqel n tbrida n ussemd n usfru nemmaɣ ilemma ad nkerf snat tfadiwin-a.

-Taferka n urmas, g tferka-a ar nzerru tamayt n usfru akkw,aya sg ubṭṭu nns f tiyanin tinamkanin, neɣ-d timentilin neɣ-d tiktiyin, neɣ- tiwlafin... atg Ar nssigzul tiɣawsiwin-ad akkw g twinas gzzulnin isenfalayen tamayt, ar gis nessuman ula taskwfelt n urmas nnɣ i tamayin.

-Taferka n usfsy, g tferka-a ar nassy aḍṛis s iferdisn nns irslanen d iṣkawanen, taferka ad tuma kigan n tferkiwin gantent, amawal d yigran inamkanen, agama n umawal ad is iga aqbur neɣ-d amaynu, irxa neɣ-d immra, amunan neɣ-d accbaṛan, agaman neɣ-d imzzi, d uswuttu n yirmawen illan kigan g usfru, d tuqqna n yirmawen-a s tmentilt nna iskasay usfru

Anyaten n usfru gan sin:

Anya abeṛṛan, ar gis nswuttu asif n tmdyazt d usqqul d istalen nns, is ur izry umdyaz agwri(système) n usfru, neɣ-d is t izry, fad ar nssuman tawala n wasif ad g usfru, d menck as imsasa d usurs, ilemma nddu s tguriwin ggwranin s yiẓaṭan akkw iɣ yadelli isker umdyaz yan uskkil s ar akkw ttgaran.

Anya agwensan, g wanya-a ar gis nsmuqqul tullsa n yimsli neɣ-d tawinst neɣ-d taguri neɣ-d akkw iẓiṭi, ar nzerru amsasa gr yirmawen d is illa ummstel ageṛḍan d ubḍḍu ihiyyan nns, afad ad ngulu s uẓawan agwensan g usfru d is tsker tilalt nns nna s nn gis nqqel(aderrz n yiman)

Unuɣen n usenfali(les figures de style) zun-d afelmaḍal(hyperbole), asserwas, assemyif...

Assmers n umatar g wallas f usɣan, neɣ-d amzruy, neɣ-d umiyen, neɣ-d g wallas n tmulasin tiɣerfanin.

Tazrawt n imsfulkiten n usenfaly illan g uḍṛis. Acku ifeṛḍisn-a gan inẓmayen kigan  g ussuman n tɣarast n ussilɣ n tewlaft tudyizt n uḍṛis d is tga tafalkayant neɣ-d tasentayant neɣ-d tanamkant, ula assuman n twala nns.

Tazrawt n yimassen d tɣarasin ittusmrasen g wallas n usfru, is iga taɣarast tasenɣemsant s wanawn nns, neɣ-d tiɣarasin tuṣkayanin(sgisent: anaḍ, abheḍ, tagallit, taɣuṛi, aseqsi, tafada...)

Asiggel s imqqimen ittuqdcen(ittusmrasen) g yinaw, d uswuttu n tzdayt grasen d yizmaz nnsen ula imyagen gis llanin, ɛad nswuri f tzrawt n waddad d usfers d usqeddic nnsen g uḍṛis n usfru, fad s tzrawt n ugama n twinst is tga tassaɣant neɣ-d is tga tamyagant, tuddist neɣ-d tafrarayt, d ugama d wanawn n imzdayen gr twinas.

Annzgem s tzrawt n tuṣka is iga usfru wad ilan yan usurs neɣ-d is innebḍa, d is illa umsasa g twuri tudyizt.

Tawuri ɣef ussuman n yidɣaren n unfal g usfru mk/iɣ illa, ilemma s usniry(similarité), ula asmaynu d usedɣi.

Assuman n tilalt lli akkw urarent tifras ad g uḍṛis udyiz, d menck ad senfalint tannayt n umdyaz i tudert nna ittidir d tillawt ula tallit, ig awd anẓmay ad nissan mas iga uswuttu n yimẓlayen d tifras g uḍris wad ittawsen g tussna n tinmel d usaka udyiz nna sg iga umdyaz, is-d tinmel taṛumansit, neɣ-d tanamkant nna ittenfagamen(ittemzarayen) s udɣar s wayyaḍ.

Di tigira kud nsala sg tzrawt n tmsrayin akkw lli nbder, ar nswuri f usmun n tyafutin s yan wudm isdiden, afad ad nsmutteg aḍṛis nenbeḍ fellas. Ayad sg mayad d-iddan:

Ancek n tɣẓent d tkerkas d wuddem n usemmaqel n umdyaz d usemnid nns i usfru d umsasa akd yinaw udyiz, ula anck n tiffulsa(sincérité) d tifawt n tufrayin d ibddaden nns mnid n usurs n usfru neɣ-d amentil nna iskasay.

Anbeḍ f ugama n ubeddad n umdyaz g usfru is iga amernaw neɣ-d aweqqan(engagé) d ugrawli.

Asmutteg d usakud n tirmit n umdyaz sg uḍris, ayann sg usemzazel n usfru nns d isfra yaḍnin usinin iman n usurs nns nit, bac ad nn ngulu tallit n unfal d usmaynu g usfru, ula taskwfelt n ussuman n tuṣka n usurs.

• Msmun awal n SGSM : Msmun awal amatay asnmalay n tmaziɣt (MMSM)