Axidus nɣ d Abarnus nɣ d Axnif nɣ d Aznnar (s darija: برنوس) iga yat tmlsit tamaziɣt n irgzn, ẓlin sis irgazn n ugafa n tfriqt, slawann akk imɣribiyn.
Isslɣ-asn umassan n tsmuni, Ibn Xldun, i imaziɣn ism n Ayt Ibrnusn (ayt iznnarn). Kigan n iwrikn ttwassann s tmlsit n ubrnus zun d Ɛbd Lkrim Lxṭṭabi d Muḥa Uḥmmu Aẓayyi d ugldun Ɛbd Lqd kra n inbbaḍn n tmizar n Lmɣrib mqqurn.
Tettwassan tmlsit ad tamaziɣt lliɣ llan Imaziɣn ɣ Wandaluz ɣ uṛẓẓum ula ɣ tnbaḍt n Imrabḍn, Imuwaḥḥidin d Ayt Mrin ḍarat nns, tga ɣ tizi nna yat tmlsit tagjdant, ur d ɣir f ubɣur nns macc illa dars addur mqqurn dɣ nttan. Ur da itffɣ urgaz amaziɣ amr iɣ ilsa aznnar nns, ilin dids kigan n iɣman.
Ittwassan is tt inn kkan Imaziɣn ar thyyan abrnus ɣ taḍuṭṭ, d wazzar n tiɣiṭṭn afad ad asn itrara aṣmmiḍ d idflan n idrarn izilaln, d ubrnus iɣmatn nns gan tn: Umllil, Angal, Azggʷaɣ, Anili d Awraɣ, d taḍuṭṭ da tt tɣmman s iɣman nna d ttasin sg ugama.
Abrnus nɣ d Axnif iga yan wanaw n tmlsa taṭlasit iẓlin s Imaziɣn, ig anawn. Ku tamnaḍt d winns, illa uɣzzaf, yili unammas, yili ugzzal:
Ism n Ubrnus aqbur s tmaziɣt igat "Axnif", ism nns s tclḥit n Sus "Axidus". Ɣ umawal n tmizar Lyaqut Lḥamawi tifrt :358 inna: "ma ikka-tt-nn ism-nns ɣ uzmz n Landaluz ɣ udrar n ibrnusn igat yan udrar taman Qurṭuba zdɣnt itsn Imṛṛukiyn ibrnusn". aras ttinin "Slham" s tantala tamurant.
This article uses material from the Wikipedia Taclḥit article Axidus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.