ٺلهه هيرو خان: قديم آثار
ٺلھ هيرو خان انگريزي (Thul Hairo Khan) ٻڌمت جو اسٽُوپا (Stupa) آهي جيڪو جوهي تعلقو، دادو ضلعو، سنڌ پاڪستان جي ڳوٺ هيرو خان جي ويجھو هڪ ڪلو ميٽر جي مفاصلي تي اولهه طرف آهي.
ٺُلهه هيرو خان پڪين ۽ ڪچين سرن سان تعمير ٿيل آهي جن جي اوساري گِل سان ٿيل آهي. ٺُلهه 50 فوٽ اونچو ۽ 30 فوٽ ويڪرو آهي. ٺلهه جي چوٽيءَ تي رسڻ لاءِ اتر پاسي کان ڪچين ۽ پڪين سرن جي ڏاڪڻ جوڙيل آهي. اهو يقين ڪيو وڃي ٿو ته هيرو خان واخان وارو ٺلهه 5 ۽ 7 صدي عيسوي جي وچ ڌاري تعمير ڪيل آهي. لڳي ٿو ته هيرو وارو ٺلهه سنڌ جي ٻين علائقن ۾ موجود ٺلهن جي سلسلي منجهان هڪ آهي.
تاريخ
ڪجهه تاريخي تذڪرن موجب سنڌ ۾ بڌمت 3 صدي قبل مسيح ۾ موريا گھراڻي جي حڪمران اشوڪا جي دور ۾ ڦهليو.راءِ خاندان جي دوؤر ۾ سنڌ ٻڌمت جي مرڪز هئي. چچ سنڌ ۾ برهمڻ گھراڻي جي حڪمراني جو بنياد رکندڙ هو. سندس ڀاءُ چندر ٻڌمت جو قائل هو. سومرن جي سنڌ تي حڪومت جي ڏينهن ۾ ٻڌمت 13 صدي عيسوي تائين سنڌ جي چپي چپي ۾ رهيو ۽ وڌيو ويجھيو. ٺلهه بڌمت جا پاڪ ۽ مذهبي آثار طور ڄاتا وڃن ٿا.
محل وقوع
ٺلهه هيرو خان جوهي شهر کان 15 ڪلومٽرن جي مفالي تي اتر طرف آهي. Latitude: 26°49'40.3", Longitude: 67°28'28.81"
حوالا
This article uses material from the Wikipedia سنڌي، سندھی ، सिन्ध article ٺلهه هيرو خان, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). مواد CC BY-SA 4.0 ھيٺ موجود آھي جيسيتائين ٻي صورت واضع نہ ڪئي وڃي. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سنڌي، سندھی ، सिन्ध (DUHOCTRUNGQUOC.VN) is an independent company and has no affiliation with Wiki Foundation.