Munnu
Italia
- Puzzaddu: Lu varcuni agghicau a tuccari terra ieri â menza sira. A bordu c'èranu 298 pirsuni, di cui unu mortu. Ntircittati â nisciuta dâ Libbia, li cuverna dâ Libbia e di Malta avèvanu statu avvirtuti, ma lu varcuni fu succurruti sulu quannu trasiu ntô mari di cumpitenza italiana, doppu quarchi cintinaru di migghia .
23 di uttùviru
- Canali di Sicilia: Nu varcuni cu 200 mmigrati extracumunitari s'attrova mmnezu ô mari n burrasca, cu unni àuti 7 metri, a circa 160 migghia a sud di Malta. Né l'auturità maltisi, né l'auturità dâ Libbia ntirvineru pi succurririlli. Na navi italiana agghicau ntê paraggi e appirora si limita a ripararla dî unni grazzi â sò lunchizza di 175 metri, e a lanciaricci geniri di nicissità e acqua.
9 di uttùviru
- Belpassu: N'opirazzioni dî Carrabineri misi fini a na riunioni di mafia. Diversi mafiusi tra li cchiù ricircati a liveddu nazziunali, appartineti ô clan Santapaula foru arristati.
8 di uttùviru
- Roma: La curti custituzziunali dichiara ncustituzziunali la liggi canusciuta comu lodu Alfanu, chi assicura l'immunità pinali ê quattru càrrichi cchiù mpurtanti dû statu italianu. Lu primu ministru Berlusconi riaggìu â sintenza qualificannula di sintenza pulitica, agghicannu puru a accusari lu prisidenti Napulitanu di partiggiari pi l'uppusizzioni. La sintenza appi nu làricu spazziu ntâ stampa ntirnazzionali unni li ecu sunnu glubbalmenti positivi.
2 di uttùviru
- Missina: Na chiuvuta d'acqua fici sdirrupari nu custuni di muntagna, cummugghiannu li paisi di Giampilieri e Scaletta Zanclea, unni si cuntanu appirira 21 morti, quarchi dicina di spersi e danni assai mpurtanti ê casi e ê nfrastrutturi.
This article uses material from the Wikipedia Sicilianu article Uttùviru 2009, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.