La Tiurìa di li joca eni lu studiu di comu li pirsuni pìgghianu dicisioni quannu n'àutra pirsuna (o cchiù 'ssai di na pirsuna) ponnu canciari li sorta di na situazzioni.
Ci sù joca ca si jòcanu na vota sula. Àutri joca sù jucati chiussai voti. Si prisupponi ca li jucaturi ci hannu nu certu cumpurtamentu e chi vonnu ottèniri quarchi cosa. Pi asempiu si duna pi scuntatu ca ogni jucaturi voli lu megghiu risultatu ca pò ottèniri. La quistioni eni d'addicìdiri comu arragghiùnciri stu risultatu: p'asempiu massimizzannu li prufitta o minimizzanu li pèrditi.
Unu di li joca cchiù studiati dâ tiurìa di li joca e lu dilemma dû priggiuneru.
Dù criminali sù pigghiati doppu ca cummèttinu quarchi crìmmini. La Pulizzìa nun hannu provi supra cu havi cummessu lu crìmmini e cu havi sulamenti aiutatu l'àutru. Ci fannu lu nterrogatoriu nta dù celli di priggiuni siparati.
Li dù priggiunera nun hannu manèra di cummunicàri. Ogni priggiuneru pò addicidìrisi di stàrisinni mutu o di tradiri l'àutru e accusàrilu. Siddu si nni stannu tutti dui n silenziu, si pìgghianu sei misa l'unu di cunnanna. Siddu unu attradisci l'àutru ca s'arresta mutu, chiddu ca si nni stapìa mutu si pigghia deci anni di cunnanna e l'àutru nesci di galera. Siddu s'attradìscinu tutti dui a vicenda si pìgghianu dui anni di cunnanna.
Nta ssu particulari jocu la megghiu stratiggìa eni di tradiri l'àutru e spiffirari tuttu chiddu ca sannu. Siddu nu priggiuneru attradisci, lu màssimu ca pigghia sù dù anni di galera, siddu si ni stapi mutu si pò pigghiari finu a deci anni di galera.
This article uses material from the Wikipedia Sicilianu article Tiurìa di li joca, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.