Ntâ lingua siciliana, e puru nta st'enciclopedìa, la palora "taràntula" veni usata pi significari tutti li tipi di ragni ca s'attròvanu nta l'òrdini d'Araneae. Ma comu tanti àutri lingui, la taràntula è puru nu tipu di ragnu spicìficu.
Li taràntuli sunnu armali nvirtibrati chi prudùcinu la sita, ci hannu ottu jammi e sunnu senza ali. Li taràntuli fannu parti dâ classi arachnida, òrdini Araneae, n'òrdini divisu pi tri suttaòrdini: Mygalomorphae (li taràntuli antichi), Araneomorphae (li taràntuli muderni) e Mesothelae, chi cunteni la famigghia Liphistiidae, d'Asia. Lu studiu dî taràntuli venu canusciutu comu arachnoluggìa, puru chi fa parti di l'àrea di studiu cchiù ginirali d'entomoluggìa.
Tanti taràntuli si custruìscinu la filinia pi cacciari li nzetti. Ssi filini sunnu fatti di sita, nu filu finu ma forti chi veni dâ strimitati dû ventri. Tutti prudùcinu la sita, puru chi tanti nun la ùsanu pi cacciari. La sita si pò usari lu stissu p'acchianari, custruiri li crafocchi, ncudduriari la caccia, e pi àutri mutivi.
Li corpi dî taràntuli, cuntrariu ê nzetti, sunnu divisi pi sulu dui parti: prosoma (la testa e lu turaci junciuti) e opisthosoma o lu ventri. Li taràntuli ci hannu ottu jammi mmeci di sei comu li nzetti, e li soi occhi (nurmalmenti ottu) sunnu di lenti singulari.
Tipi di taràntuli
S'attròvanu cchiù di 37.000 speci di taràntuli, ma picchì hannu na granni capacitati p'ammuciàrisi, si cridi ca facirmenti si ponnu attruvari quasi 200.000 speci. Quasi tutti li speci sunnu vilinusi, ma sulu 30 speci sunnu propiu piriculusi pi l'omu.
This article uses material from the Wikipedia Sicilianu article Taràntula (Araneae), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.