Lu tèrmini Ozziu (dirivatu dû latinu otium) ìnnica n'occupazzioni principarmenti vutata â spiculazzioni ntillittuali, attivitati di fattu risirvata ê classi duminanti, e è contrappostu ô cuncettu di negotium, occupàrisi (chiù pi nicissitati ca pi scigghiuta) dî propi affari.
Tannu l'ozziu appi na cunnutazzioni negativa (l'ozziu è lu patri dî vizzi) pirchì sinònimu di nun attivitati, lagnusìa, ma nun fu sempri uggettu di ripruvazzioni suciali. Di l'ozziu scrìssiru Sèneca (De otio), Epìttetu (ntô Manuali), Bertrand Russell (Eloggiu di l'ozziu), Itsuo Tsuda (Lu nun-fari) e, n modu irònicu, lu sucialista Paul Lafargue (Eloggiu dâ lagnusìa). L'ozziu ê nostri jorna pò èssiri cunziddiratu lu patri dî vizzi o n'azzioni funnamintali nta l'arcu di tempu jurnataru. Nfatti asìstinu dui scoli di pinzeru a prupòsitu: chidda ditta di l'ozziu affaticatu e chidda di l' ozziu binèficu. Mentri la prima dici ca l'ozziu pò èssiri na furma d'attivitati, datu ca si pò ozziari liggennu o pratticannu sport, l'àutra prucrama ozziu veru chiddu ntô quali si lassa la menti abbintata e nun s'àttua arcunu tipu d'attivitati.
This article uses material from the Wikipedia Sicilianu article Ozziu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.