Racing Club De Avellaneda: Squatra di palluni argintina

Racing Club de Avellaneda
La Academia (La Cadèmia), El Primer Grande (Lu Primu Granni)
Culura e simboli
Divise 　 tìtulu 　 tìtulu
Culura	biancu e azzurru
Dati di la sucitati
Paìsi	Argintina
Confidirazzioni	CONMEBOL
Fidirazzioni	AFA
Lia	Liga de Fútbol Profesional
Funnatu	1903
Prisidenti	Victor Blanco
Allenaturi	Gustavo Costas
Campu	Stadiu Presidenti Juan Domingo Perón (41.900 posti)
Sito web	www.racingclub.com.ar

Funnata lu 25 di marzu dû 1903, la squatra di palluni dâ pulispurtiva vincìu diciottu campiunata ufficiali argintini, quindici cuppi nazziunali e sitti ntirnazziunali: na Cuppa Libertadores, na Coppa Ntircuntinintali, na Supercuppa Sudamiricana, dui Cuppa Aldao e na Cuppa d'Unuri Cousenier.

Lu Racing Club è storicamenti cunzidiratu comu una dê cincu granni sucità dû palluni argintinu (nzemmula ô Boca Juniors, lu River Plate, lu San Lorenzo e l'Independiente). Nnâ sò storia, lu Racing vincìu 18 tituli naziunali (di cui 7 di assicutu, puru si vinciuti nnâ accussì ditta "èra amaturiali" dû palluni argintinu) e diversi cuppi nazziunali. Lu soprannomu La Academia (del fútbol nacional) si rifirisci â granni tradizziuni vincenti dâ squatra, nnâ quali si idintificanu li tifusi e li jucatura.

A liveḍḍu ntirnazziunali, nnû 1967 lu Racing vincìu tantu la Cuppa Libertadores chi la Cuppa Ntircuntinintali (contra li scuzzisi dû Celtic di Glasgow), mintra nnû 1988 vincìu la Supercuppa Sudamiricana: grazzi a sti vittorî, La Academia è la sicunna squatra argintina a aviri lu tìtulu di campiuni sudamiricanu pi club e lu primu club argintinu a vinciri la Cuppa Ntircuntinintali, e adunca lu primu club argintinu a laurijarisi campiuni dû munnu e in ginirali la prima squatra argintina a aviri chistu titulu, vidè prima dâ silizziuni nazziunali masculina.

Lu Racing Club joca li sò ncuntra di casa nnû Estadio Presidente Perón, suprannominatu El Cilindro de Avellaneda (littramenti "Lu cilintru di Avellaneda").

Storica è la rivalità cu l'àutra granni squatra di Avellaneda, l'Independiente: li dui squatri si sfidanu nnû caudissimu Clásico de Avellaneda, rinnutu vidè cchiù aḍḍumatu dû fattu chê stadia dê dui squatri si trovanu a'na distanza 'n linia d'arija di picca cchiù di 300 metra. Àutra rivalità assai sintuti si ànu cu àutri tri granni squatri dû palluni argintinu, comu lu Boca Juniors, lu River Plate e lu San Lorenzo de Almagro.

Lu Racing Club, pi via dâ sò asistenza comu pulispurtiva, è mpignata nnê diversi sport ultra lu palluni, comu la jinnastica artistica, la pallaccanistru, lu puggilatu, l'hockey supr'u pratu, la pallammanu, li arti marziali, lu pattinaggiu, lu tennis e la pallavvolu.

Cumpitizziuna azziunali

• Campiunatu argintinu: 18

1913, 1914, 1915, 1916, 1917, 1918, 1919, 1921, 1925, 1949, 1950, 1951, 1958, 1961, 1966, Apertura 2001, 2014, 2019

• Cuppa Ibarguren: 5

1913, 1914, 1916, 1917, 1918

• Cuppa d'Unuri dâ municipalità di Buenos Aires: 4

1912, 1913, 1915, 1917

• Cuppa d'Unuri Adrián Beccar Varela: 1

1932

• Cuppa di cumpitizziuni Liga Argentina: 1

1933

• Cuppa di cumpitizziuni britannica George VI: 1

1945

• Trofeo de Campeones: 2

2019, 2022

• Supercopa Internacional: 1

2022

Cumpitizziuna ntirnazziunali

• Cuppa Libertadores: 1

1967

• Cuppa Ntircuntinintali: 1

1967

• Supercuppa Sudamiricana: 1

1988

• Cuppa Ricardo Aldao: 2

1917, 1918

• Cuppa d'Unuri Cousenier: 1

1913