Megara Hyblaea
Megara Hyblaea è u nomu di n'antica culonia greca 'n Sicilia; s'attrova nnê vicinanzi di Augusta.
U so nomu veni dû re sìculu Ibbluni di Pantàlica.
Funnazziuni
| « Propia nni ḍḍu pirìudu Làmiti agghicau nnâ zona di Mègara, 'n Sicilia, guidannu a so culonia finu a nord dû ciumi Pantachiu unni funnau na cità nica e chiamànnula Tròtilu. Cchiù tardu passau di Lintini unni, pi nu pirìudu di tempu, si spartìu a dirizziuni pulìtica di ḍḍa culonia chî Calcidesi; na vota ca fu jittatu fora dî Calcidesi, funnau a pressu Θάψος (Thapsos) e ḍḍocu morsi, a mentri i soi, ca foru mannati di Thapsos, allisteru Mègara â quali junceru a poi macari Ibblea, picchì Ibbluni, u re dî Sìculi, ci cuncessi a terra a iḍḍi e ccî purtau macari iḍḍu stissu di pirsuna. Accussì pi ducentuquarantacincu anni chissa fu a so sedi, nzinu a quannu Giluni, tirannu di Saragusa i mannau dâ so cità e dû so cuntatu. » | |
(A Guerra dû Pilupunnesu, IV libbru, Tucididi) |
Fu funnata nnô 728 a.C. dî culunizzatura megarisi ca s'avìanu stabbilutu 'n pricidenza ammeri Τρώτιλον (Trotilon) - oji chiamatu Brùculi - juncennu macari finu a Lintini e a Thapsos.
Tucididi dissi ca fu funnata di l'icista Lamis, ca pruvinìa di Megara Nisea. Sicunnu a tradizziuni, u funnaturi uttinnìu a terra unni putiri fari arrisèdiri a culonia dû re sìculu Ibbluni e pi dìrici grazzi chiamau a cità nova comu "Mègara Ibblea". Centu anni doppu, l'ibblei jeru pi circari n'autru postu unnu putiri campari tranquilli, pi chissu funnaru Selinunti.
Storia dâ cità
Mègara Ibblea nun apparìa comu na cità mpurtanti, ne câ so pusizziuni nni trajìu vantaggi. Vinni nfatti distrujuta di Giruni nnô 481 a.C.. Nnâ spidizziuni atinisi contra a Saragusa (415-413 a.C.), Làmacu prupunìu di fàrila addivintari a basi di l'esèrcitu atinisi; ma a so pruposta nun vinni accugghiuta nzinu a quannu i saragusani stissi nun a furtificaru. Nnô 309 a.C. fu furtificata n'autra vota.
Duranti a sicunna guerra pùnica vinni distrujuta dî truppi dû cùnzuli Marcu Claudiu Marcellu ca jìa a 'ssidiari Saragusa. La cità nun fu cchiù ricustrujuta.
Sicunnu cirtuni autura, chista fu a cità ca fici nàsciri u cummidiògrafu Epicarmu.
Bibbliugrafìa
- Paolo Orsi in Monumenti dei Lincei (1891), i. 689-950; e Atti del congresso delle scienze storiche, v. 1 81 (Roma, 1904).
- Coarelli-Torelli, Guida archeologica della Sicilia, (Bari, 2000)
- Vallet-Villard-Auberson, Guide de Megara Hyblaea, (Roma, 1983)
Lijami di fora
Vuci Cunzigghiati
| Siti archiològgichi dâ Sicilia | |
|---|---|
 | Adranon (Adranu) • Akragas (Girgenti) • Akrai (Palazzolu Acrèidi) • Akrillai • Antichità di Catania • Casmeni • Castellucciu • Catacummi di Sarausa • Cava d'Ispica • Cefalù • Centuripe • Culli Maduri • Cullina di Sant’Ippòlitu • Eloru • Eraclea Minoa • Imera • Kamarina • Marsala • Megara Hyblaea • Morgantina • Mozzia • Munti Adranuni • Notu Antica • Pantalica • Parcu Archiòloggicu dâ Neapolis • Sammuca Zabut. • Seggesta • Silinunti • Thapsos • Ustica • Villa Rumana dû Casali (Chiazza) • Villa Rumana di Castruriali • Villa rumana dû Tellaru • Voscu Littòriu-Ampòriu arcàicu-Gela |
This article uses material from the Wikipedia Sicilianu article Megara Hyblaea, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.