Referendum Consultivu Sardu De Su 2011
Articulu in logudoresu
Su referendum consultivu sardu de su 2011 est istadu unu referendum rezonale de tipu consultivu chi at tentu logu in Sardigna in sas dies de su 15 e 16 maju de su 2011. Su referendum lu aìat propostu Sardigna Natzione Indipendentzia, pro dare modu a sos sardos de si esprìmer a pizu de sa possibilidade de fraigare in s'isula tzentrales elettronucleares o a bi allogare iscorias nucleares, cun su Decretu n.1 de su 30 de bennalzu de su 2011. Su quorum si lompìat cun su 33% de sos tzittadinos sardos chi bolìat sa leze rezonale n.20 de su 1957. Sa dimanda posta a referendum fit:
| « (IT) Sei contrario all'installazione in Sardegna di centrali nucleari e di siti per lo stoccaggio di scorie radioattive da esse residuate o preesistenti? » |
Sa dimanda in su referendum sardu nche ponìat in mesu péri sas iscorias, a differentzia de cussu abrogativu italianu chi at tentu logu unu mese a pùstis in sas dies de su 12 e 13 de làmpadas, chi imbètzes arresonaìat de su fraigamentu de tzentrales elettronucleares ebbìa. Su referendum rezonale lu at amparadu sa zunta rezonale, chi tando nde fit a cabu Ugo Cappellacci, accorpende sas eletziones amministrativas. Custu referendum tenìat solu balore consultivu, non cumpromittende nen su gubernu sardu nen cussu de s'istadu italianu: punnaìat a esser unu messazu politicu, bida sa partetzipadura populare a su referendum e su chi nde est resurtadu dae in ìe.
Partetzipadura
| IN TOTTU | PERTZENTUALE % | ||
|---|---|---|---|
| Iscrittos a sa lista | 1.479.485 | 100,00% | In subra de su totale de sos elettores |
| Botadores | 887.347 | 59,98% | In subra de su totale de sos elettores |
| Botos balidos | 880.593 | 99,24% | In subra de su numeru de botadores |
| Ischedas biancas | 4.510 | 0,005% | In subra de su numeru de botadores |
| Botos chi torran a nudda | 2.244 | 0,003% | In subra de su numeru de botadores |
| Asténnidos | 592.138 | 40,02% | In subra de sos elettores |
Resurtados
| IMPOSTA | Botos | % | |
|---|---|---|---|
| EJA |  | 848.691 | 97,13% |
| NONO |  | 25.026 | 2,86% |
| BIANCAS E NUDDA | 6.754 | 0,01% | |
| TOTALE BOTOS BALIDOS | 880.593 | 100% |
| EJA (97,13%) | NONO (2,86%) | ||
| ▲ | |||
Resurtados pro provintzia
| RESURTADOS PRO PROVINTZIA | SÌ | NO | AFFLUENTZIA |
|---|---|---|---|
| Provìntzia de Casteddu | 96,66% | 3,33% | 61,41% |
| Provìntzia de Carbònia-Igrèsias | 95,89% | 4,10% | 65,91% |
| Provìntzia de su Campidanu de Mesu | 97,77% | 2,22% | 61,59% |
| Provìntzia de Nùgoro | 97,70% | 2,29% | 59,12% |
| Provìntzia de s'Ogiastra | 97,53% | 2,46% | 58,66% |
| Provìntzia de Terranoa-Tèmpiu | 96,39% | 3,60% | 59,11% |
| Provìntzia de Aristanis | 98,17% | 1,82% | 57,85% |
| Provìntzia de Tàtari | 97,78% | 2,21% | 54,52% |
| Sardigna | 97,13% | 2,86% | 59,98% |
This article uses material from the Wikipedia Sardu article Referendum consultivu sardu de su 2011, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.