Nasciturus pro iam nato habetur, quotiens de commodis eius agitur o fintzas infans conceptus pro nato habetur quoties de commodis ejus agitur est un'allega latina chi cheret nàrrere su naschidore siat cunsideradu comente esseret giai nàschidu, totus cussas bias in ue si tratet de s'antavàgiu suo; a pilu e sinnu: s'infante cuntzepidu at èssere cunsideradu pro nàschidu cada si siat borta chi nde at a bogare còmmodu.
Est impreada in deretu romanu, mescamente pro s'amparu de sos deretos ereditàrios.
Artìculu in LSC
Su reconnoschimentu de sa personalidade giurìdica de su naschidore acontesset in su momentu de sa nàschida, cunforma a sa Decraratzione de sos deretos de sos pitzinnos de s'ONU. In custa matèria s'ordinamentu giurìdicu de sos Istados, totu leados a sa sola, si nche at a pòdere aplicare in manera cumplementare.
Su Deretu romanu non cunsideraiat su naschidore che a persone. Tando s'istrumìngiu, pro nàrrere, fiat permìtidu in Roma antiga. Aterunde li si reconnoschiant unos cantos deretos (e mescamente tzertas aspetativas in trèmenes de deretos sugetivos). Pro nàrrere, si una fèmina in istadu interessante (in graidàntzia) fiat cundennada a sa pena capitale, s'esecutzione deviat èssere fatante a su fillieròngiu. Galu, si su babbu fiat senadore in su momentu de su fillieramentu de su naschidore a custe fiant dèvidos sos mandos tìpicos de sos fìgios de sos mermos de su senadu romanu.
Su Deretu tzivile adotat su cuntzetu de naschidore pro cantu pertocat òbligos e deretos. Cun sas bariedades de sos sìngulos ordinamentos giurìdicos, su fedu est cunsideradu de gasi finas a sas 24 oras fatantes a s'essindiòngiu (est cussa una norma derivada dae su deretu romanu, chi tèntzinat a transire su mudamentu de benes e deretos a sas criaduras chi morint pagas oras a pustis de sa nàschida).
Aterunde a su naschidore sunt reconnotos deretos de s'isfera tzivile. In antis de totu su deretu a eredare dae su babbu in casu custe mòrgiat s'ìnteri de sa pringesa (ingraidàntzia) de su fìgiu a pustis nàschidu. In cussu casu sos benes de su babbu ant a dèvere isetare chi s'ingraidàntzia acabbet e chi sa criadura achirat sa personalidade giurìdica.
This article uses material from the Wikipedia Sardu article Nasciturus pro iam nato habetur, quotiens de commodis eius agitur, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.