campidanesu · logudoresu · nugoresu
Su faeddu gay (sustantivu o agetivu) est una manera de descriere a is persones omosessuales masculinas, est a nàrrere, a is òmines chi s'intendent atràidos sessualmente e emotivamente dae àteros òmines.
Sa diferèntzia printzipale intre is denumenatziones òmine omosessuale e gay (chi fintzas a is annos 1970 cheriat nàrrere petzi ‘alligru’ o ‘ispassiadu’ in inglesu) est chi custu ùrtimu est unu trèmene positivu, importadu dae s'inglesu e isceberadu originiariamente dae sa comunidade gay de San Francisco (Califòrnia, Istados Unidos) pro si refèrrere a sese matessi. Omosessuale est unu neologismu, chi in orìgine in inglesu teniat connotatziones negativas relatadas cun una patologia, maladia o nèsiga. Fiat istadu coniadu in su 1869 dae s'iscritore austrìacu Karl-Maria Kertbeny e afirmadu prus tardu dae su psichiatra tedescu Krafft-Ebing.
Generalemente sa paràula gay si referit a su gènere masculinu (duncas, non s'àplicat a is fèminas, a chi si narat lèsbicas, o a is transessuales). Su trasformismu, su travestismu e sa transessualidade sunt fenòmenos indipendentes (intre issos e issos aici comente cun is gays), chi podent èssere relatzionados o nono; pro esempru, un'òmine transessuale podet èssere tantis gay, o puru unu òmine eterosessuale podet èssere transformista.
Fatu·fatu gay est usadu fintzas pro designare o calificare a una persone omosessuale de gènere femininu; pro evitare confusiones est costùmene megius chistionare de «gays e lèsbicas», mancari segundu unas cantas interpretatziones custa espressione est subrabbundante.
Wiki Commons tenet files chi ligant a: Category:Gay |
This article uses material from the Wikipedia Sardu article Gay, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.