Eugenio Tavolara: Iscultore, tzeramista, illustradore e designer sardu

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

Eugenio Tavolara (Tàtari, 1901 – Tàtari, 1963) est istadu un'iscultore, tzeramista, illustradore e designer sardu.

Est connotu meda pro sos buratinos in linna e tessutu, chi rapresentant pastores e massajos sardos, realizados partinde dae su 1925 in sa domo ATTE fundada cun Tosino Anfossi. A pustis de s'ischirriada dae Anfossi e de sa fundatzione de una domo de arte noa, s'ALBA, sa produtzione decorativa sua s'at estèndidu a cumprèndere sugetos che a palliatzos, mùsicos jazz, animales, Pinocchio e unos àteros pessonàgios de sas fiabas.

S'òpera sua si notat mescamente pro sos ligàmenes cun s'artesania traditzionale sarda e sas artes aplicadas in gènere. Difatis s'at ispiradu a sos temas de sas decoraduras traditzionales e at propostu produtziones artisanales, creende issu matessi sos disinnos originales. Pro custa resone sa tzitade de Tàtari l'at intituladu su padiglione pro s'artesania costruidu pro s'Istitutu sardu organizatzione traballu artigianale (ISOLA) progetadu dae s'architetu Ubaldo Badas. S'ISOLA est istadu istituidu dae sa Regione Autònoma de sa Sardigna in su 1957 e sa diretzione de s'ente est istada afidada a Eugenio Tavolara e a Ubaldo Badas. Tavolara s'at dedicadu cun dedizione assoluta e sos resurtados no ant tardadu a arribbare. Su matessi annu s'ISOLA at pigadu parte a sa Triennale de Milanu e est istada premiada cun sa medàllia de oro. In su 1958, semper cun sa punna de propònnere sos traballos de artisania traditzionale in su mercadu cuntemporàneu, ammaniat una mustra cun su tìtulu L'artigianato sardo nella casa moderna (S'artesania sarda in sa domo moderna) e sa rivista istadunidensa Home at dedicadu unu nùmeru a s'artesania sarda.

• 1925 Medàllia de oro a s'Expo de Parigi pro sa prima sèrie de gioghitos in linna creada cun Tosino Anfossi, presentada in suta de su màrchiu ATTE.
• 1933 esponet a sa Triennale de Milanu sos buratinos de linna rivestidas de tessutu suos
• 1936 intrat a fàghere parte de su corpus de dotzentes de s'Istitutu istatale de arte de Tàtari
• 1940, realizat su rilievu I dieci comandamenti (Sos deghe cumandamentos) pro sa corte de Assise de su palatzu de giustìtzia de Tàtari.
• Divenit diretore artìsticu de s'ISOLA.

 

Buratinos in linna incurada e policromada, bestes in tessutu

• Soldatini, 1931, sighende su disinnu de Mario Pompei.
• Gruppo di pupazzi sardi(I e II sèrie), 1931-32,
• Scene di vita sarda, 1933
• Negri, 1933
• Suonatori di jazz,
• Sportivi, 1933
• Mascherata sassarese, 1937 composta da 32 pezzi
• Le avventure di Pinocchio, espostu in sa Mustra de s'artisania de Firentze in su 1939
• Cavalcata sarda, esposta in su 1940 in sa Triennale milanesa, cumposta de pagu prus o mancu 200 cantzos.

 

Intzisiones e isculturas

• La Via Crucis de sa crèsia de Carbònia, 1938
• I dieci comandamenti, 1939-40
• Storia della scrittura, 1952. Pannellu decorativu, in steatite e màrmaru, pro una butega Olivetti in Tàtari (4m. X 3m. belle)
• Via Crucis, portale, tabernàculu, candelabros e rughes, crèsia de sa Soledade in Nùgoro, 1950-1954
• Padiglione pro s'artesania "Eugenio Tavolara", cun Ubaldo Badas, Tàtari, 1956.

• (IT) Giuliana Altea e Marco Magnani, Eugenio Tavolara (PDF), in Grandi Monografie, Nùgoro, Ilisso, 1994, ISBN 88-85098-26-6, OCLC 32394207. URL consultadu su 27 santandria 2019 (archiviadu dae s'url originale su 7 nadale 2021).
• (IT) Giuliana Altea, Eugenio Tavolara (PDF), Nùgoro, Ilisso, 2005, ISBN 88-89188-11-1, OCLC 73549399. URL consultadu su 27 santandria 2019 (archiviadu dae s'url originale su 16 nadale 2007).
• (IT) Giuliana Altea e Antonella Camarda, Eugenio Tavolara. Il mondo magico, Nùgoro, Ilisso, 2012, ISBN 978-88-6202-089-3, OCLC 794362100. URL consultadu su 27 santandria 2019.
• (IT) Remo Branca, Arte in Sardegna, cun iscritos introdutivos de Francesco Paolo Branca e Giorgio Pellegrini, Tàtari, Carlo Delfino editore, 2015 [1933], ISBN 978-88-7138-814-4, OCLC 952962357.

•   Wiki Commons tenet immàgines e àteros documentos a pitzu de Eugenio Tavolara

• Arte e artesania, in www.sardegnacultura.it. URL consultadu su 27 santandria 2019 (archiviadu dae s'url originale su 26 santandria 2019).
• S'annoamentu de sos limbàgios artìsticos in su segundu pustisgherra, in www.sardegnacultura.it. URL consultadu su 12 nadale 2019 (archiviadu dae s'url originale su 28 làmpadas 2021).
• Su rennou de sos limbàgios, in www.sardegnacultura.it. URL consultadu su 12 nadale 2019 (archiviadu dae s'url originale su 22 austu 2022).
• Made in Sardinia, in www.sardegnacultura.it. URL consultadu su 12 nadale 2019 (archiviadu dae s'url originale su 22 austu 2022).