ᱠ
ᱠ ᱫᱚ ᱚᱞᱪᱤᱠᱤ ᱨᱮᱭᱟᱜ ᱮᱭᱟᱭᱟᱜ ᱟᱠᱷᱚᱨ ᱠᱟᱱᱟ ᱾ ᱱᱚᱶᱟ ᱠᱮᱪᱮᱫ ᱟᱲᱟᱝ (en:consonant) ᱫᱚ ᱟᱠ ᱟᱠ ᱠᱚ ᱨᱟᱜᱽ ᱜᱮᱰᱮᱭᱟᱜ ᱪᱤᱛᱟᱹᱨ ᱠᱷᱚᱱ ᱦᱟᱛᱟᱣ ᱟᱠᱟᱱᱟ ᱾ ᱪᱤᱠᱤᱨᱮᱱᱟᱜ ᱚᱲᱚᱝ ᱫᱚ ᱩᱱᱠᱩᱶᱟᱜ ᱦᱚᱲᱢᱚ ᱠᱷᱚᱱ ᱟᱨ ᱚᱱᱟ ᱨᱮᱱᱟᱜ ᱨᱟᱹᱲ ᱥᱮ ᱟᱲᱟᱝ ᱫᱚ ᱟᱠᱚᱶᱟᱜ ᱨᱟᱜ ᱠᱷᱚᱱ ᱟᱹᱜᱩ ᱟᱠᱟᱱᱟ ᱾ ᱜᱮᱰᱮ ᱠᱚ ᱫᱟᱜ ᱨᱮ ᱠᱚ ᱯᱟᱭᱨᱟ ᱵᱟᱲᱟᱭ ᱡᱚᱠᱷᱟᱜ ᱥᱟᱹᱠᱟᱹᱛ ᱚᱱᱠᱟ ᱠᱚ ᱧᱮᱞᱚᱜᱼᱟ ᱾ ᱱᱩᱠᱩ ᱫᱚ ᱟᱠ ᱟᱠ ᱠᱚ ᱨᱟᱜᱽ ᱠᱷᱟᱹᱛᱤᱨ ᱟᱠ ᱪᱮᱬᱮ ᱦᱚᱸ ᱠᱚ ᱢᱮᱛᱟ ᱠᱚᱶᱟ ᱾ ᱱᱚᱶᱟ ᱪᱤᱠᱤ ᱨᱟᱹᱲ ᱡᱚᱠᱷᱟᱜ ᱫᱚ ᱱᱚᱶᱟ ᱨᱮᱱᱟᱝ ᱥᱟᱢᱟᱝ ᱨᱟᱦᱟ ᱟᱲᱟᱝ ᱢᱮᱥᱟ ᱥᱟᱞᱟᱜᱚᱜᱼᱟ ᱾
ᱛᱷᱚᱠ
ᱱᱚᱶᱟ ᱫᱚ ᱯᱟᱨᱦᱟᱲ ᱠᱮᱪᱮᱫ ᱛᱷᱚᱠ ᱨᱮᱭᱟᱜ ᱟᱠᱷᱚᱨ ᱠᱟᱱᱟ ᱾ ᱱᱚᱶᱟ ᱪᱤᱠᱤ ᱫᱚ ᱯᱩᱨᱟᱹ ᱟᱲᱟᱝ ᱯᱷᱚᱴᱮᱞ ᱞᱟᱹᱜᱤᱫ ᱟᱡᱟᱜ ᱡᱚᱡᱚᱢ ᱥᱟᱦᱟ ᱨᱮ ᱢᱤᱫ ᱨᱟᱦᱟ ᱟᱲᱟᱝ ᱪᱤᱠᱤ ᱞᱟᱹᱠᱛᱤᱜᱼᱟᱭ ᱾ ᱱᱩᱭ ᱫᱚ ᱥᱟᱱᱛᱟᱲ ᱯᱟᱹᱨᱥᱤ ᱠᱚ ᱯᱩᱥᱴᱟᱹᱶ ᱥᱟᱺᱦᱤᱡ ᱨᱚᱲ ᱚᱰᱚᱭ ᱞᱟᱹᱜᱤᱫ ᱜᱮ ᱞᱟᱹᱠᱛᱤᱭᱟᱱᱟ ᱾
ᱵᱮᱵᱷᱟᱨ
ᱱᱚᱶᱟ ᱪᱤᱠᱤ ᱥᱟᱢᱟᱱᱝ, ᱛᱟᱞᱟ ᱵᱟᱝᱠᱷᱟᱱ ᱢᱩᱪᱟᱹᱫ ᱨᱮ ᱞᱟᱜᱟᱶ ᱠᱟᱛᱮ ᱟᱭᱢᱟ ᱟᱹᱲᱟᱹ ᱠᱚ ᱦᱮᱡ ᱫᱟᱲᱮᱭᱟᱜᱼᱟ, ᱡᱮᱞᱮᱠᱟ ᱺ-
- ᱠᱚᱲᱟ, ᱠᱩᱲᱤ, ᱠᱩᱞᱟᱹᱭ, ᱠᱚᱸᱫᱟ, ᱠᱚᱯᱟᱲ, ᱠᱚᱥᱴᱚ, ᱠᱚᱨᱚᱧ, ᱠᱚᱫᱚᱨ (ᱠ ᱮᱦᱚᱵ ᱨᱮ ᱞᱟᱜᱟᱶ ᱠᱟᱛᱮ)
- ᱚᱠᱟ, ᱪᱚᱠᱟᱜ, ᱵᱚᱠᱟᱜ, ᱞᱚᱠᱟ, ᱦᱚᱠᱟ, ᱨᱚᱠᱟ, ᱜᱚᱢᱠᱮ, ᱞᱮᱠᱲᱚ (ᱠ ᱛᱟᱞᱟ ᱨᱮ ᱞᱟᱜᱟᱶ ᱠᱟᱛᱮ)
- ᱴᱟᱢᱟᱠ, ᱪᱚᱨᱚᱠ, ᱵᱷᱚᱲᱚᱠ, ᱫᱚᱢᱚᱠ, ᱥᱚᱲᱚᱠ, ᱛᱩᱲᱩᱠ, ᱢᱩᱨᱩᱠ, ᱥᱩᱞᱩᱠ (ᱠ ᱛᱟᱭᱚᱢ ᱨᱮ ᱞᱟᱜᱟᱶ ᱠᱟᱛᱮ)
ᱠᱮᱪᱮᱫ ᱟᱲᱟᱝ ᱠᱚ
ᱟᱨᱦᱚᱸ ᱧᱮᱞ ᱢᱮ
ᱵᱟᱦᱨᱮ ᱡᱚᱱᱚᱲ
This article uses material from the Wikipedia ᱥᱟᱱᱛᱟᱲᱤ article ᱠ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.