ᱵᱷᱟᱨᱚᱛ ᱱᱟᱴᱭᱚᱢ ᱟᱨ ᱢᱤᱫ ᱧᱤᱛᱩᱢ ᱥᱟᱫᱤᱨ ᱫᱚ ᱛᱟᱢᱤᱞᱱᱟᱰᱩ ᱨᱮ ᱡᱟᱱᱟᱢ ᱟᱠᱟᱱ ᱢᱤᱫ ᱵᱷᱟᱨᱚᱛᱤᱭᱟᱹ ᱥᱟᱥᱛᱨᱤᱭᱚ ᱮᱱᱮᱡ ᱨᱮᱭᱟᱜ ᱢᱤᱫ ᱛᱚᱦᱚᱨ ᱠᱟᱱᱟ ᱾ ᱥᱮᱫᱟᱭ ᱠᱷᱚᱱᱟᱜ ᱜᱮ ᱵᱷᱟᱨᱚᱛ ᱱᱟᱴᱭᱚᱢ ᱮᱱᱮᱡ ᱫ ᱠᱩᱲᱤ ᱠᱚᱜᱮ ᱠᱚ ᱨᱮᱱᱮᱡ ᱟ ᱾ ᱱᱚᱶᱟ ᱮᱱᱮᱡ ᱛᱟᱞᱟ ᱛᱮ ᱦᱤᱱᱫᱩ ᱫᱷᱚᱨᱚᱢ ᱨᱮᱭᱟᱜ ᱥᱚᱭᱵᱚ ᱵᱟᱫᱽ, ᱵᱚᱭᱥᱱᱚᱵᱚ ᱵᱟᱫᱽ ᱟᱨ ᱥᱚᱠᱛᱤ ᱵᱟᱫᱽ ᱮᱢᱟᱱ ᱠᱚ ᱥᱚᱫᱚᱨᱟ ᱾ ᱵᱷᱟᱨᱚᱛ ᱱᱟᱴᱭᱚᱢ ᱨᱮᱭᱟᱜ ᱢᱩᱬ ᱫᱚ ᱥᱚᱸᱥᱠᱨᱩᱛ ᱯᱟᱴᱷᱚᱠ ᱵᱷᱚᱨᱚᱛ ᱢᱩᱱᱤ ᱟᱜ ᱱᱟᱴᱭᱚ ᱥᱟᱥᱛᱨᱚ ᱠᱷᱚᱱᱟᱜ ᱧᱟᱢᱚᱜ-ᱟ ᱾ ᱱᱚᱣᱟ ᱨᱮᱭᱟᱜ ᱚᱥᱛᱤᱛᱣᱚ ᱫᱚ ᱫᱚᱥᱟᱨ ᱥᱚᱫᱤ ᱨᱮᱭᱟᱝ ᱛᱟᱢᱤᱞ ᱢᱚᱦᱟᱠᱟᱵᱽᱭᱚ ᱥᱤᱞᱯᱚᱴᱴᱤᱠᱟᱨᱚᱢ ᱠᱷᱳᱱᱟᱜ ᱵᱟᱰᱟᱭᱚᱜ-ᱟ ᱾ ᱱᱚᱝᱠᱟ ᱪᱮ ᱖ ᱠᱷᱚᱱᱟᱜ ᱙ ᱥᱚᱫᱤ ᱨᱮᱭᱟᱜ ᱢᱩᱨᱛᱤ ᱞᱟᱹᱭᱟ ᱡᱮ ᱱᱚᱶᱟ ᱦᱚᱸ ᱦᱟᱡᱟᱨ ᱵᱚᱪᱷᱚᱨ ᱢᱟᱨᱮᱭᱟᱜ ᱮᱱᱮᱡ ᱠᱟᱱ ᱜᱮᱭᱟ ᱾ ᱵᱷᱟᱨᱚᱛ ᱱᱟᱴᱭᱚᱢ ᱫᱚ ᱵᱷᱟᱨᱚᱛ ᱨᱮᱭᱟᱜ ᱡᱚᱛᱚ ᱠᱷᱳᱟᱱᱜ ᱢᱟᱨᱮ ᱥᱟᱥᱛᱨᱤᱭᱚ ᱮᱱᱮᱡ ᱠᱟᱱᱟ ᱾
ᱵᱷᱟᱨᱚᱛ ᱱᱟᱴᱭᱚᱢ ᱮᱱᱮᱡ ᱫᱚ ᱱᱤᱡᱚᱨᱟᱜ ᱪᱮᱦᱨᱟ ᱨᱮᱭᱟᱜ ᱚᱝᱜᱚ ᱦᱤᱞᱹᱟᱣ ᱪᱮᱛᱟᱱ ᱨᱮ ᱡᱩᱨ ᱮ ᱮᱢᱟᱜ-ᱟ ᱾ ᱱᱚᱣᱟ ᱨᱮ ᱮᱱᱮᱡ ᱠᱚᱫᱚ ᱠᱟᱴᱟ ᱞᱟᱲᱟᱣ ᱥᱟᱶᱛᱮ ᱢᱮᱫ ᱟᱨ ᱛᱤ ᱠᱚ ᱦᱤᱞᱟᱹᱣᱟ ᱾ ᱮᱱᱮᱡᱤᱭᱟᱹ ᱥᱟᱶᱛᱮ ᱥᱮᱨᱮᱧᱤᱭᱟᱹ ᱡᱚᱲᱟᱣ ᱮ ᱛᱟᱦᱮᱸᱱᱟ ᱾ ᱩᱱᱠᱩᱱ ᱫᱚ ᱜᱩᱨᱩ, ᱫᱤᱥᱟᱹ ᱩᱫᱩᱜᱤᱭᱟᱹ, ᱮᱢᱟᱱ ᱠᱚ ᱢᱮᱛᱟ ᱠᱚᱣᱟ ᱾ ᱥᱮᱫᱟᱭ ᱠᱷᱚᱱᱟᱜ ᱜᱮ ᱱᱚᱣᱟ ᱮᱱᱮᱡ ᱵᱟᱵᱚᱫᱽ ᱫᱳ ᱦᱤᱱᱫᱩ ᱫᱷᱨᱚᱢ ᱨᱮᱭᱟᱜ ᱯᱩᱛᱷᱤ ᱢᱮᱱᱟᱜ ᱟᱫᱷᱭᱟᱛᱢᱤᱠ, ᱠᱤᱢᱵᱚᱫᱱᱤ ᱮᱢᱟᱱ ᱞᱮᱠᱮᱛᱮ ᱵᱤᱥᱲᱤ ᱠᱟᱛᱮ ᱢᱟᱱᱟᱜ-ᱟ ᱾ ᱮᱴᱟᱜ ᱥᱟᱥᱛᱨᱤᱭᱚ ᱮᱱᱮᱡ ᱞᱮᱠᱟ ᱜᱮ ᱵᱷᱟᱨᱚᱛ ᱱᱟᱴᱭᱚᱢ ᱨᱮᱦᱚᱸ ᱯᱩᱨᱟᱹ ᱭᱩᱱᱤᱠ ᱮᱱᱮᱡ ᱟᱨ ᱜᱟᱭᱟᱱ ᱮᱱᱮᱡ ᱢᱮᱥᱟ ᱟᱠᱟᱱᱟ ᱾
᱑᱙ ᱥᱚᱫᱤ ᱚᱝᱥᱟᱨ ᱵᱷᱟᱨᱚᱛ ᱱᱟᱴᱭᱚᱢ ᱫᱚ ᱢᱩᱱᱫᱤᱨ ᱨᱮᱭᱟᱜ ᱠᱟᱱᱟ ᱾ ᱑᱙᱑᱐ ᱥᱟᱞ ᱨᱮ ᱵᱽᱨᱤᱴᱤᱥ ᱥᱚᱨᱠᱟᱨ ᱱᱚᱶᱟ ᱮᱱᱮᱡ ᱪᱮᱛᱟᱱ ᱨᱮ ᱞᱚᱜᱟᱢ ᱮ ᱞᱟᱜᱟᱣ ᱞᱮᱜ-ᱟ ᱾ ᱵᱷᱟᱨᱚᱛᱤᱭᱟᱹ ᱠᱚ ᱱᱚᱣᱟ ᱟᱹᱰᱤ ᱡᱩᱨ ᱠᱚ ᱵᱤᱨᱩᱫᱷ ᱠᱮᱜ-ᱟ ᱾ ᱚᱱᱟ ᱛᱟᱭᱚ ᱒᱐ ᱥᱚᱫᱤ ᱨᱮ ᱱᱚᱣᱟ ᱮᱱᱮᱡ ᱫᱚ ᱢᱩᱱᱫᱤᱨ ᱵᱟᱦᱨᱮ ᱨᱮᱦᱚᱸ ᱠᱚ ᱯᱟᱥᱱᱟᱣ ᱠᱮᱜ-ᱟ ᱾ ᱵᱷᱟᱨᱚᱛ ᱱᱟᱴᱭᱚ ᱫᱚ ᱱᱟᱦᱟᱜ ᱮᱱᱮᱡ ᱨᱮ ᱴᱮᱠᱱᱤᱠ ᱥᱚᱫᱚᱨ, ᱵᱟᱦᱨᱮ ᱫᱷᱚᱨᱢᱚ ᱵᱤᱪᱟᱹᱨ ᱪᱮᱛᱟᱱ ᱨᱮ ᱫᱚᱲᱚᱢ ᱟᱠᱟᱱ ᱢᱤᱫ ᱥᱩᱫᱷᱚ ᱮᱱᱮᱡ ᱠᱟᱱᱟ ᱾
ᱵᱷᱟᱨᱚᱛ ᱱᱟᱴᱭᱚᱢ ᱵᱟᱵᱚᱫᱽ ᱚᱞ ᱠᱚᱫᱚ ᱟᱹᱰᱤ ᱢᱟᱨᱮ ᱯᱩᱛᱷᱤ ᱱᱟᱴᱭᱚ ᱟᱥᱛᱨᱚ ᱨᱮ ᱧᱟᱢᱚᱜ-ᱟ ᱾
ᱱᱟᱴᱭᱚ ᱥᱟᱥᱛᱨᱚ ᱫᱚ ᱥᱮᱫᱟᱭ ᱨᱮᱱᱤᱡ ᱟᱪᱮᱫ ᱵᱷᱟᱨᱚᱛ ᱢᱩᱱᱤ ᱮ ᱚᱞ ᱟᱠᱟᱫᱟ ᱾ ᱱᱚᱶᱟ ᱯᱩᱛᱷᱤ ᱨᱮᱭᱟᱜ ᱯᱩᱭᱞᱩ ᱞᱮᱠᱷᱟ ᱫᱚ ᱒᱐᱐ ᱵᱤ ᱥᱤ ᱤ ᱠᱷᱚᱱᱟᱜ ᱒᱐᱐ ᱥᱤ ᱤ ᱵᱷᱤᱛᱨᱤ ᱨᱮ ᱩᱪᱷᱟᱹᱱ ᱞᱮᱱᱟ ᱢᱮᱱᱛᱮ ᱵᱟᱰᱟᱭᱚᱜ-ᱟ ᱾ ᱵᱷᱟᱨᱚᱛ ᱱᱟᱴᱭᱚᱢ ᱨᱮᱭᱟᱜ ᱡᱚᱛᱚ ᱠᱷᱱᱟᱜ ᱵᱟᱹᱲᱛᱤ ᱯᱟᱲᱦᱟᱣ ᱟᱠᱟᱱ ᱞᱮᱠᱷᱟ ᱨᱮᱫᱚ ᱖᱐᱐᱐ ᱜᱚᱴᱟᱝ ᱠᱷᱚᱫᱽ ᱟᱨ ᱓᱖ ᱜᱚᱴᱟᱝ ᱦᱟᱹᱴᱤᱧ ᱢᱮᱱᱟᱜ-ᱟ ᱾ ᱱᱚᱶᱟ ᱯᱩᱛᱷᱤ ᱨᱮᱭᱟᱜ ᱠᱷᱚᱫᱽ ᱠᱚᱨᱮ ᱫᱚ ᱥᱤᱵᱚ ᱛᱟᱱᱰᱚᱵᱚ, ᱨᱚᱰᱚ ᱛᱷᱤᱭᱚᱨᱤ, ᱵᱷᱟᱵᱚ, ᱦᱚᱲᱢᱚ ᱦᱤᱞᱟᱹᱣ ᱴᱮᱠᱱᱤᱠ,ᱛᱤᱝᱜᱩᱱ ᱛᱚᱦᱚᱨ, ᱢᱩᱬ ᱮᱥᱴᱮᱯ ᱠᱚ ᱮᱢᱟᱱ ᱵᱟᱵᱚᱫᱽ ᱚᱞ ᱢᱮᱱᱟᱜ-ᱟ ᱾ ᱱᱚᱶᱟ ᱡᱚᱛᱚ ᱢᱚᱜᱮ ᱵᱷᱟᱨᱚᱛ ᱨᱮᱭᱟᱜ ᱠᱞᱟᱥᱤᱠᱟᱞ ᱰᱮᱱᱥ ᱨᱮᱫᱚ ᱛᱟᱦᱮᱸᱱ ᱞᱟᱹᱠᱛᱤ ᱾
This article uses material from the Wikipedia ᱥᱟᱱᱛᱟᱲᱤ article ᱵᱷᱟᱨᱚᱛ ᱱᱟᱴᱭᱚᱢ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.