ᱱᱤᱛᱟ ᱥᱮᱱ

ᱥᱤᱧᱚᱛᱤᱭᱟᱹ ᱥᱟᱥᱛᱨᱤᱭᱚ ᱥᱮᱨᱮᱧ ᱮ ᱪᱮᱫ ᱟᱠᱟᱫ ᱱᱤᱛᱟ ᱥᱮᱱ ᱠᱚᱞᱠᱟᱛᱟ ᱨᱮᱱᱟᱜ ᱵᱷᱟᱨᱚᱛ ᱡᱟᱠᱟᱛ ᱨᱮᱰᱤᱭᱳ ᱨᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱮ ᱮᱛᱚᱦᱚᱵ ᱞᱮᱫᱟ ᱾ ᱱᱤᱛᱟ ᱥᱮᱱ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱨᱮᱱᱟᱜ ᱮᱛᱚᱦᱚᱵ ᱥᱮᱫ ᱱᱮᱵᱮᱛᱟᱨ ᱵᱟᱝᱞᱟ ᱥᱮᱨᱮᱧ ᱪᱮᱛᱟᱱ ᱨᱮ ᱢᱚᱱ ᱮ ᱮᱢ ᱞᱮᱫᱼᱟ ᱾ ᱑᱙᱗᱗ ᱥᱮᱨᱢᱟ ᱨᱮ, ᱩᱱᱤ ᱮ ᱠᱮ ᱪᱮᱴᱟᱨᱡᱤ ᱟᱸᱫᱮᱭᱟᱹ ᱟᱨ ᱵᱤᱥᱥᱚᱡᱤᱛ, ᱥᱳᱱᱫᱷᱟ ᱨᱟᱭ ᱟᱨ ᱥᱚᱞᱳᱪᱚᱱᱟ ᱚᱵᱷᱤᱱᱚᱭ ᱟᱠᱟᱫ ᱵᱟᱝᱞᱟ ᱥᱤᱱᱮᱢᱟ 'ᱵᱟᱵᱟ ᱛᱟᱨᱚᱠᱱᱟᱛᱷ' ᱦᱚᱛᱮᱛᱮ ᱵᱮᱯᱟᱨᱤᱭᱟᱹ ᱥᱟᱠᱥᱮᱥ ᱮ ᱧᱟᱢ ᱞᱮᱫᱼᱟ ᱾ ᱩᱱᱤ "ᱠᱨᱤᱥᱱᱚ ᱵᱷᱚᱠᱛᱚ ᱥᱩᱫᱷᱟᱢᱟ" ᱞᱮᱠᱟ ᱟᱨᱦᱚᱸ ᱟᱭᱢᱟ ᱵᱟᱝᱞᱟ ᱥᱤᱱᱮᱢᱟ ᱥᱮᱨᱮᱧ ᱮ ᱟᱸᱫᱮᱭᱟᱹ ᱞᱮᱫᱟ ᱾ ᱢᱤᱫ ᱟᱹᱰᱤ ᱜᱟᱹᱦᱤᱨ ᱫᱷᱚᱨᱚᱢᱤᱭᱟᱹ ᱦᱚᱲ, ᱟᱡᱟᱜ ᱛᱟᱭᱚᱢ ᱥᱮᱨᱢᱟ ᱠᱚᱨᱮᱱᱟᱜ ᱴᱮᱞᱤᱵᱷᱤᱥᱚᱱ, ᱥᱤᱨᱤᱭᱟᱞ, ᱟᱨ ᱥᱤᱱᱮᱢᱟ ᱥᱮᱨᱮᱧ ᱠᱟᱹᱢᱤ ᱠᱚᱨᱮ ᱡᱟᱹᱥᱛᱤ ᱜᱮ ᱵᱷᱳᱠᱛᱤ ᱥᱮᱨᱮᱧ ᱠᱚ ᱛᱟᱦᱮ ᱠᱟᱱ ᱛᱟᱭᱟ ᱾

ᱨᱚᱠᱛᱚ ᱡᱚᱵᱟ, ᱱᱚᱱᱫᱚᱱ (᱑᱙᱗᱙), ᱥᱤᱛᱟ (᱑᱙᱘᱐), ᱜᱳᱞᱟᱯ ᱵᱳᱣ (᱑᱙᱗᱗), ᱥᱳᱱᱟᱨ ᱵᱟᱝᱞᱟ (᱑᱙᱘᱒) ᱟᱨ ᱵᱟᱵᱟ ᱞᱳᱠᱱᱟᱛᱷ (᱑᱙᱙᱔) ᱞᱮᱠᱟᱱ ᱧᱩᱛᱩᱢᱟᱱ ᱵᱟᱝᱞᱟ ᱥᱤᱱᱮᱢᱟ ᱠᱚᱨᱮ ᱩᱱᱤᱭ ᱥᱮᱨᱮᱧ ᱟᱠᱟᱫᱟ ᱾

• ᱯᱷᱟᱜᱩᱣᱟᱭ ᱠᱮ ᱠᱩᱢᱟᱨᱤ
• ᱛᱳᱢᱟᱨ ᱪᱚᱸᱫᱽᱨᱚ ᱥᱩᱨᱡᱳ ᱳ ᱫᱩᱴᱤ ᱪᱳᱠᱷ
• ᱥᱤᱵᱷ ᱥᱳᱢᱵᱷᱩ ᱛᱨᱤᱯᱩᱨᱟᱨᱤ
• ᱚᱱᱫᱷᱚᱠᱟᱨ ᱥᱩᱫᱷᱩ ᱚᱱᱫᱷᱚᱠᱟᱨ
• ᱛᱤᱱᱤ ᱮᱠᱴᱤ ᱵᱮᱞᱯᱟᱛᱟᱛᱮ ᱛᱩᱥᱴᱳ
• ᱟᱢᱟᱠᱮ ᱵᱷᱟᱞᱳᱵᱟᱥᱳ
• ᱟᱢᱟᱨ ᱡᱤᱵᱳᱱ - ᱟᱫᱷᱟᱨᱮ
• ᱪᱳᱠᱷᱮ ᱪᱳᱠᱷ ᱨᱮᱠᱷᱮ
• ᱪᱷᱩᱢ ᱪᱷᱩᱢ ᱪᱷᱩᱢ
• ᱛᱳᱢᱟᱨ ᱪᱚᱨᱚᱱᱮᱨ ᱫᱷᱚᱱᱤ
• ᱯᱚᱧᱪᱚᱯᱨᱚᱫᱤᱯᱮᱨ ᱫᱷᱩᱯᱮ ᱛᱳᱢᱟᱨᱮ ᱟᱨᱚᱛᱤ ᱠᱳᱨᱤ
• ᱵᱷᱳᱞᱮ ᱵᱟᱵᱟ ᱯᱟᱨ ᱞᱟᱜᱟᱣ
• ᱛᱩᱢᱤ ᱯᱟᱛᱷᱳᱨ ᱱᱟᱠᱤ ᱯᱨᱟᱱ
• ᱛᱳᱨᱟ ᱦᱟᱛ ᱫᱷᱚᱨ ᱯᱨᱳᱛᱤᱜᱽᱜᱟ ᱠᱚᱨ
• ᱡᱷᱚᱨᱱᱟ ᱟᱪᱷᱮ ᱯᱟᱦᱟᱨ ᱟᱪᱷᱮ
• ᱯᱤᱱᱮᱨ ᱪᱷᱟᱭᱟ ᱢᱟᱠᱷᱟ ᱟᱠᱟᱵᱟᱠᱟ ᱯᱚᱛᱷ ᱫᱷᱚᱨᱮ
• ᱦᱟᱭ ᱮᱠᱤ ᱥᱩᱱᱤᱞᱟᱢ

ᱱᱤᱛᱟ ᱥᱮᱱ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)