ᱯᱮᱯᱥᱤ
ᱯᱮᱯᱥᱤ ᱫᱚ ᱠᱟᱨᱵᱚᱱᱮᱴᱮᱰ ᱥᱚᱯᱴ ᱰᱨᱤᱸᱠ ᱢᱮᱱᱫᱚ ᱢᱤᱫ ᱧᱩᱭ ᱛᱮᱭᱟᱜ ᱡᱤᱱᱤᱥ ᱠᱟᱱᱟ, ᱡᱟᱦᱟᱸ ᱫᱚ ᱯᱮᱯᱥᱤᱠᱚ ᱠᱚᱢᱯᱟᱹᱱᱤᱭ ᱛᱮᱭᱟᱨᱮᱫᱼᱟ ᱾ ᱮᱛᱚᱦᱚᱵ ᱫᱚ ᱱᱚᱶᱟ ᱑᱘᱙᱓ ᱥᱟᱞᱮ ᱨᱮ ᱠᱟᱞᱤᱵᱽ ᱵᱨᱟᱰᱷᱟᱢ ᱮ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱵᱨᱟᱰᱥ ᱰᱨᱤᱸᱠ ᱧᱩᱛᱩᱢ ᱛᱮ ᱾ ᱱᱚᱶᱟ ᱧᱩᱛᱩᱢ ᱫᱚ ᱟᱹᱨᱩ ᱠᱟᱛᱮ ᱯᱮᱯᱥᱤᱼᱠᱚᱞᱟ ᱠᱚ ᱫᱚᱦᱚ ᱞᱮᱫᱼᱟ ᱒᱘ ᱚᱜᱚᱥᱴ ᱑᱘᱙᱘ ᱥᱟᱞᱮ ᱨᱮ ᱟᱨ ᱚᱱᱟ ᱛᱟᱭᱚᱢ ᱑᱙᱖᱑ ᱥᱟᱞᱮ ᱨᱮ ᱯᱮᱯᱥᱤ ᱠᱚ ᱧᱩᱢ ᱟᱹᱨᱩ ᱠᱮᱫᱼᱟ ᱾
 | |
| ᱫᱷᱚᱨᱚᱱ | Cola |
|---|---|
| ᱵᱮᱱᱟᱣᱤᱡᱽ | PepsiCo |
| ᱮᱛᱦᱚᱵ ᱫᱤᱥᱟᱹᱢ | United States |
| ᱯᱟᱹᱦᱤᱞ ᱩᱯᱨᱩᱢ | 1893 (as Brad's Drink) 1898 (as Pepsi-Cola) 1961 (as Pepsi) |
| ᱨᱚᱝ | Caramel E-150d |
| ᱱᱟᱱᱟᱦᱩᱱᱟᱹᱨ ᱫᱷᱚᱨᱚᱱ | Diet Pepsi Pepsi Twist Pepsi Lime Pepsi Wild Cherry Crystal Pepsi Caffeine-Free Pepsi Pepsi-Cola Made with Real Sugar Pepsi Vanilla Pepsi Zero Sugar Pepsi Next |
| ᱱᱚᱝᱠᱟᱱ ᱮᱴᱟᱜ ᱧᱩᱧᱩᱣᱟᱜ | Coca-Cola RC Cola |
| ᱳᱭᱮᱵᱽᱥᱟᱭᱤᱴ | pepsi |
ᱱᱚᱶᱟ ᱠᱚᱢᱯᱟᱹᱱᱭ ᱦᱚᱸ ᱢᱤᱢᱤᱫ ᱫᱷᱟᱶ ᱫᱚ ᱠᱚ ᱥᱯᱚᱱᱥᱚᱨ ᱮᱫ ᱛᱟᱦᱮᱸᱫ ᱮᱱᱮᱡ ᱟᱨ ᱥᱮᱨᱮᱧ ᱤᱵᱷᱮᱸᱴᱥ ᱡᱮᱢᱚᱱ ᱥᱩᱯᱚᱨ ᱵᱳᱞ ᱮᱢᱟᱱ ᱞᱮᱠᱟᱱ ᱥᱯᱚᱨᱴᱥ ᱮᱱᱮᱡ ᱤᱵᱷᱮᱸᱴ ᱠᱚᱨᱮ ᱾ ᱯᱮᱯᱥᱤ ᱨᱮᱱᱟᱜ ᱦᱚᱸ ᱟᱹᱰᱤ ᱢᱟᱨᱟᱝ ᱥᱯᱚᱱᱥᱚᱨᱥᱤᱯ ᱢᱮᱱᱟᱜᱼᱟ ᱞᱟᱥ ᱵᱷᱮᱜᱟᱥ ᱱᱮᱵᱟᱫᱟ ᱨᱮᱱᱟᱜ ᱮᱢᱹᱡᱤᱹᱮᱢ ᱢᱤᱨᱮᱡᱽ ᱦᱚᱴᱮᱞ ᱠᱚᱨᱮ ᱾ ᱱᱩᱠᱩ ᱫᱚ ᱯᱮᱯᱥᱤ ᱥᱩᱢᱩᱝ ᱠᱚ ᱮᱢᱟ ᱠᱚᱶᱟ ᱦᱚᱴᱮᱞ ᱨᱮ ᱾
ᱯᱮᱥᱤ ᱫᱚ ᱟᱹᱰᱤ ᱞᱮᱠᱟᱱ ᱦᱟᱹᱴᱤᱧ ᱟᱨ ᱥᱤᱵᱤᱞ ᱛᱮ ᱦᱤᱡᱩᱜᱼᱟ ᱾ ᱛᱤᱢᱤᱱ ᱜᱟᱱ ᱵᱷᱮᱯᱮᱫ ᱯᱮᱯᱥᱤ ᱠᱚᱫᱚ ᱠᱚ ᱦᱩᱭᱩᱜ ᱠᱟᱱᱟ ᱰᱟᱭᱮᱴ ᱯᱮᱯᱥᱤ, ᱯᱮᱯᱥᱤ ᱢᱟᱠᱥ, ᱯᱮᱯᱥᱤ ᱳᱣᱟᱱ, ᱠᱨᱤᱥᱴᱟᱞ ᱯᱮᱥᱤ, ᱯᱮᱥᱤ ᱣᱤᱞᱰ ᱪᱮᱨᱤ ᱮᱢᱟᱱ ᱮᱢᱟᱱ ᱾
ᱱᱟᱜᱟᱢ
ᱯᱮᱯᱥᱤ ᱫᱚ ᱯᱩᱭᱞᱩ ᱮᱛᱚᱢ ᱠᱟᱨᱚᱞᱤᱱᱟ ᱨᱮᱱᱟᱜ ᱱᱤᱣ ᱵᱮᱨᱱ ᱨᱮ ᱑᱘᱙᱘ ᱥᱟᱞᱮ ᱨᱮ ᱠᱟᱞᱤᱵᱲ ᱵᱨᱟᱫᱷᱟᱢ ᱮ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱡᱟᱦᱟᱸᱭ ᱫᱚ ᱯᱩᱭᱞᱩ ᱟᱡᱟᱜ ᱨᱟᱱ ᱫᱚᱠᱟᱱ (pharmacy) ᱨᱮ ᱛᱮᱭᱟᱨ ᱠᱟᱛᱮᱭ ᱟᱹᱠᱷᱨᱤᱧᱮᱫ ᱛᱟᱦᱮᱸᱫ ᱾ ᱩᱱ ᱚᱠᱛᱚ ᱫᱚ ᱱᱚᱶᱟ ᱵᱨᱟᱰᱥ ᱰᱨᱤᱸᱠ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱢᱮᱱᱠᱷᱟᱱ ᱚᱱᱟ ᱧᱩᱛᱩᱢ ᱫᱚ ᱛᱟᱭᱚᱢ ᱛᱮ ᱟᱹᱨᱩ ᱠᱟᱛᱮ ᱯᱮᱯᱥᱤ ᱠᱚᱞᱟ ᱠᱚ ᱫᱚᱦᱚ ᱞᱮᱫᱼᱟ ᱾ ᱡᱟᱹᱱᱤᱡ ᱱᱚᱶᱟ ᱧᱩᱛᱩᱢ ᱫᱚ ᱡᱚᱢᱟᱜ ᱦᱚᱡᱚᱢ ᱮᱱᱡᱟᱭᱤᱢ ᱯᱮᱯᱥᱤᱱ ᱟᱨ ᱠᱚᱞᱟ ᱡᱚ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱛᱮᱭᱟᱨ ᱞᱟᱹᱜᱤᱫ, ᱟᱫᱚ ᱱᱩᱠᱤᱱ ᱟᱹᱲᱟᱹ ᱜᱮ ᱯᱟᱞᱮ ᱢᱮᱥᱟ ᱠᱟᱛᱮ ᱠᱚ ᱧᱩᱢ ᱞᱮᱫ ᱛᱟᱦᱮᱸᱫ ᱾ ᱵᱨᱟᱫᱷᱟᱢ ᱫᱚ ᱥᱤᱵᱤᱞᱟᱱᱟᱜ ᱧᱩᱭ ᱛᱮᱭᱟᱜ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱟᱨ ᱡᱚᱢᱟᱜ ᱦᱚᱡᱚᱢ ᱥᱟᱶᱛᱮ ᱫᱟᱲᱮ ᱥᱟᱨᱥᱟᱶ ᱚᱪᱚᱭᱟ ᱦᱚᱲᱢᱚ ᱨᱮ ᱾
᱑᱙᱐᱓ ᱥᱟᱞᱮ ᱨᱮ ᱵᱨᱫᱷᱟᱢ ᱫᱚ ᱯᱮᱯᱥᱤᱼᱠᱚᱞᱟ ᱠᱚᱢᱯᱟᱹᱱᱤ ᱫᱚ ᱟᱡᱟᱜ ᱨᱟᱱ ᱫᱚᱠᱟᱱ ᱠᱷᱚᱱ ᱟᱨ ᱢᱤᱫ ᱜᱚᱫᱟᱢ ᱚᱲᱟᱜ ᱛᱮᱭ ᱩᱪᱟᱹᱲ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱥᱮᱨᱢᱟ ᱗,᱙᱖᱘ ᱜᱮᱞᱚᱱ (gallons) ᱥᱤᱨᱚᱯ (syrup) ᱮ ᱟᱹᱠᱷᱨᱤᱧ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱨᱮᱱᱟᱜ ᱫᱚᱥᱟᱨ ᱥᱮᱨᱢᱟ ᱛᱩᱨᱩᱭ ᱟᱶᱩᱱᱥ ᱟᱱᱟᱜ ᱵᱚᱛᱚᱞ ᱛᱮᱭ ᱟᱹᱠᱷᱨᱤᱧ ᱞᱮᱫ ᱛᱟᱦᱮᱸᱫ ᱟᱨ ᱟᱹᱠᱨᱤᱧ ᱫᱚ ᱑᱙,᱘᱔᱘ ᱜᱮᱞᱚᱱ ᱨᱟᱠᱟᱵ ᱞᱮᱱ ᱛᱟᱦᱮᱸᱫ ᱾ ᱑᱙᱐᱙ ᱥᱟᱞᱮ ᱨᱮ ᱚᱴᱚᱢᱚᱵᱟᱭᱤᱞ ᱨᱮᱥᱚᱨ ᱯᱤᱭᱚᱱᱟᱨ ᱵᱚᱱᱨᱤ ᱚᱞᱰᱯᱷᱤᱞᱰ, ᱡᱟᱦᱟᱸᱭ ᱮᱛᱚᱦᱚᱵ ᱥᱮᱞᱤᱵᱨᱤᱴᱤ ᱛᱟᱦᱮᱸ ᱠᱟᱱᱟᱭ ᱡᱟᱦᱟᱸᱭ ᱫᱚ ᱯᱮᱯᱥᱤ ᱨᱮᱱᱟᱜ ᱜᱩᱱ ᱮ ᱥᱟᱨᱦᱟᱶ ᱞᱮᱫ ᱛᱟᱦᱮᱸᱫ ᱾
ᱢᱟᱨᱠᱮᱴᱤᱝ
᱑᱙᱗᱕ ᱥᱟᱞᱮ ᱨᱮ ᱯᱮᱥᱤ ᱫᱚ ᱯᱮᱯᱥᱤ ᱪᱟᱞᱮᱸᱡᱽ ᱢᱟᱨᱠᱮᱴᱤᱝ ᱠᱟᱹᱢᱤᱦᱚᱨᱟᱭ ᱥᱟᱵ ᱠᱮᱫᱼᱟ, ᱡᱟᱦᱟᱸ ᱨᱮ ᱯᱮᱯᱥᱤᱼᱠᱚᱞᱟ ᱟᱨ ᱨᱤᱵᱷᱟᱞ ᱠᱚᱞᱟᱼᱠᱚᱞᱟ ᱧᱩᱛᱩᱢ ᱛᱮ ᱵᱟᱨᱭᱟ ᱯᱚᱰᱚᱠᱴ ᱮ ᱟᱲᱟᱜ ᱠᱮᱫᱼᱟ ᱵᱤᱱᱤᱰᱟᱹᱣ ᱞᱮᱠᱟᱛᱮ ᱾ ᱱᱚᱶᱟ ᱵᱤᱱᱤᱰᱟᱹᱶ ᱨᱮ ᱥᱮᱞᱮᱫ ᱞᱮᱱ ᱦᱚᱲ ᱠᱚ ᱚᱱᱟ ᱵᱟᱱᱟᱨ ᱢᱩᱸᱫᱽ ᱠᱷᱚᱱ ᱯᱮᱯᱥᱤ ᱜᱮ ᱠᱚ ᱵᱟᱪᱦᱟᱣ ᱠᱮᱫᱼᱟ ᱱᱟᱯᱟᱭᱟ ᱢᱮᱱᱛᱮ ᱾ ᱯᱮᱯᱥᱤᱠᱚ ᱱᱚᱶᱟ ᱨᱮᱱᱟᱜ ᱵᱷᱟᱹᱜᱤ ᱚᱨᱡᱚᱭ ᱧᱟᱢ ᱠᱮᱫᱼᱟ, ᱫᱤᱥᱣᱟᱹ ᱠᱚ ᱞᱟᱹᱜᱤᱫ ᱢᱤᱫ ᱧᱮᱱᱮᱞᱚᱢ (television) ᱨᱮ ᱠᱚᱢᱚᱨᱥᱤᱭᱟᱞ ᱚᱨᱡᱚᱭ ᱥᱚᱫᱚᱴ ᱠᱮᱫᱼᱟ ᱾
᱑᱗᱗᱖ ᱥᱟᱞᱮᱨᱮ ᱯᱮᱯᱥᱤ, ᱴᱚᱞᱮᱰᱚ ᱨᱮ ᱟᱨᱹᱠᱮᱹᱳ ᱵᱚᱴᱞᱚᱨ, ᱳᱦᱤᱭᱚ ᱫᱚ ᱟᱢᱮᱨᱤᱠᱟ ᱨᱮᱱᱟᱜ ᱵᱮᱥᱮᱸᱴᱱᱤᱭᱚᱞ ᱯᱟᱨᱟᱵᱽ ᱥᱟᱶᱛᱮ ᱢᱮᱥᱟ ᱠᱟᱛᱮ ᱯᱩᱭᱞᱩ ᱛᱤᱨᱞᱟᱹ ᱯᱮᱯᱥᱤ ᱟᱹᱠᱷᱨᱤᱧᱤᱭᱧᱹ ᱠᱚ ᱫᱚᱦᱚᱠᱮᱫᱮᱭᱟ ᱾ ᱑᱙᱙᱖ ᱥᱟᱞᱮᱨᱮ ᱯᱮᱯᱥᱤ ᱭᱟᱜ ᱵᱮᱯᱟᱨ ᱱᱟᱯᱟᱭ ᱛᱮ ᱪᱟᱞᱟᱶ ᱤᱫᱤᱭᱮᱱ ᱛᱮ ᱯᱮᱯᱥᱤ ᱥᱴᱳᱯᱷ ᱵᱤᱵᱚᱨᱚᱱ ᱠᱟᱹᱢᱤᱦᱚᱨᱟᱭ ᱥᱟᱵ ᱠᱮᱫᱼᱟ ᱾ ᱱᱚᱶᱟ ᱵᱤᱵᱚᱨᱚᱱ ᱫᱚ ᱒᱐᱐᱒ ᱥᱟᱞᱮ ᱨᱮ "ᱮᱡᱽᱞᱮᱥ ᱣᱚᱱᱰᱟᱨᱥ" ᱯᱟᱛᱷᱟᱢ ᱨᱮ ᱩᱪᱷᱟᱹᱱ ᱮᱱᱟ ᱟᱨ ᱟᱨᱦᱚᱸ ᱵᱮᱯᱟᱨ ᱢᱟᱬᱟᱝ ᱥᱮᱫ ᱞᱟᱦᱟᱭ ᱞᱟᱹᱜᱤᱫ ᱠᱚ ᱧᱟᱢ ᱠᱮᱫᱼᱟ ᱾
ᱵᱟᱨᱦᱮ ᱡᱚᱱᱚᱲ
- Pepsi's Official website Archived ᱒᱐᱑᱒-᱐᱗-᱑᱘ at the Wayback Machine.
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱯᱮᱯᱥᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.