ᱯᱨᱤᱭᱚᱝᱠᱟ ᱜᱟᱱᱫᱷᱤ
ᱯᱨᱤᱭᱚᱝᱠᱟ ᱜᱟᱱᱫᱷᱤ ᱫᱚ ᱵᱷᱟᱨᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱮᱱᱤᱡ ᱢᱤᱫ ᱥᱚᱦᱮᱫ ᱟᱨ ᱨᱟᱡᱽᱱᱮᱛᱨᱤ ᱠᱟᱱᱟᱭ ᱾ ᱩᱱᱤ ᱫᱚ ᱵᱷᱟᱨᱚᱛ ᱨᱮᱱᱤᱡ ᱟᱭᱟᱨ ᱢᱟᱨᱟᱝ ᱢᱚᱱᱛᱨᱤ ᱨᱟᱡᱤᱵᱽ ᱜᱟᱱᱫᱷᱤ ᱟᱨ ᱥᱚᱱᱤᱭᱟ ᱜᱟᱱᱫᱷᱤ ᱭᱤᱡ ᱦᱚᱯᱚᱱ ᱮᱨᱟ ᱟᱨ ᱱᱤᱛᱚᱜᱤᱡ ᱠᱚᱝᱜᱽᱨᱮᱥ ᱨᱮᱱᱤᱡ ᱢᱩᱠᱷᱤᱭᱟᱹ ᱢᱟᱺᱱ ᱨᱟᱦᱩᱞ ᱜᱟᱱᱫᱷᱤ ᱭᱤᱡ ᱵᱩᱦᱤᱱ ᱠᱟᱱᱟᱭ ᱾ ᱩᱱᱤ ᱫᱚ ᱯᱷᱤᱨᱚᱡᱽ ᱜᱟᱱᱫᱷᱤ ᱟᱨ ᱤᱱᱫᱤᱨᱟ ᱜᱟᱱᱫᱷᱤ ᱭᱤᱡ ᱜᱚᱲᱚᱢ ᱠᱩᱲᱤ ᱟᱨ ᱜᱟᱺᱫᱷᱤ-ᱱᱮᱦᱨᱩ ᱜᱷᱟᱨᱚᱸᱡᱽ ᱨᱮᱱᱤᱡ ᱵᱚᱝᱥᱚᱫᱷᱚᱨ ᱠᱟᱱᱟᱭ ᱾
| ᱯᱨᱤᱭᱚᱝᱠᱟ ᱜᱟᱱᱫᱷᱤ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱒ ᱡᱟᱱᱩᱣᱟᱨᱤ ᱑᱙᱗᱒ ᱫᱤᱞᱞᱤ, ᱵᱷᱟᱨᱚᱛ |
| ᱚᱲᱟᱜ | ᱫᱤᱞᱞᱤ, ᱵᱷᱟᱨᱚᱛ |
| ᱫᱤᱥᱚᱢᱤᱭᱟᱹ | ᱵᱷᱟᱨᱚᱛᱤᱭᱟᱹ |
| ᱥᱮᱪᱮᱫ ᱟᱠᱷᱲᱟ | ᱫᱤᱞᱞᱤ ᱡᱮᱜᱮᱫ ᱵᱤᱨᱫᱟᱹᱜᱟᱲ (B.A.) |
| ᱨᱟᱡᱽᱟᱹᱨᱤ ᱫᱚᱞ | ᱵᱷᱟᱨᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱨᱮᱥ |
| ᱡᱤᱭᱚᱱ ᱥᱚᱦᱮᱫ | ᱨᱚᱵᱚᱨᱴ ᱵᱷᱚᱫᱽᱨᱟ |
| ᱦᱚᱯᱚᱱ | 2 |
| ᱟᱯᱟᱛ ᱮᱸᱜᱟᱛ | ᱨᱟᱡᱤᱵᱽ ᱜᱟᱱᱫᱷᱤ (ᱵᱟᱵᱟ) ᱥᱚᱱᱤᱭᱟ ᱜᱟᱱᱫᱷᱤ (ᱟᱭᱳ) |
| ᱯᱮᱲᱟ ᱥᱟᱹᱜᱟᱹᱭᱟᱱᱠᱚ | ᱨᱟᱦᱩᱞ ᱜᱟᱱᱫᱷᱤ (ᱵᱚᱭᱦᱟ) |
| ᱥᱩᱦᱤ | |
 | |
ᱨᱟᱡᱽᱱᱤᱛᱤᱠ ᱡᱤᱭᱚᱱ
᱑᱙᱙᱙ ᱥᱟᱞ ᱨᱮ ᱢᱤᱫ ᱵᱟᱪᱷᱵᱟᱣ ᱨᱟᱞᱤ ᱪᱟᱹᱞᱩ ᱟᱠᱟᱱ ᱚᱠᱛᱮ ᱵᱤ ᱵᱤ ᱥᱤ ᱱᱤᱭᱩᱡᱽ ᱥᱟᱶ ᱜᱟᱯᱟᱞ ᱢᱟᱨᱟᱣ ᱨᱮ ᱯᱨᱤᱭᱚᱝᱠᱟᱭ ᱞᱟᱹᱭ ᱞᱮᱜ-ᱟ, "ᱤᱧᱟᱜ ᱪᱤᱱᱛᱟᱹᱨᱮ ᱤᱧ ᱫᱚᱸᱧ ᱛᱷᱤᱨ ᱟᱨ ᱥᱟᱯᱷᱟ ᱜᱮᱭᱟ ᱾ ᱤᱧ ᱞᱟᱹᱜᱤᱫ ᱫᱚ ᱨᱟᱡᱽᱱᱤᱛᱤ ᱠᱷᱚᱱ ᱫᱤᱥᱚᱢ ᱨᱮᱱ ᱦᱚᱲ ᱵᱤᱥᱛᱤ ᱠᱚ ᱫᱟᱢᱟᱱᱟ ᱾ ᱟᱨ ᱤᱧ ᱨᱟᱡᱽᱱᱤᱛᱤ ᱨᱮ ᱵᱟᱝ ᱛᱟᱦᱮᱸ ᱠᱟᱛᱮ ᱨᱮᱦᱚᱸ ᱦᱚᱲ ᱤᱧ ᱥᱮᱵᱟ ᱠᱮᱠᱚ ᱜᱮᱭᱟ ᱾ ᱨᱟᱡᱽᱱᱤᱛᱤ ᱨᱮ ᱢᱮᱥᱟᱜ ᱨᱮᱭᱟᱜ ᱫᱚ ᱤᱧᱟᱜ ᱵᱷᱟᱹᱭᱪᱟᱨᱟ ᱨᱮᱭᱟᱜ ᱥᱟᱹᱜᱟᱹᱭ ᱜᱮ ᱢᱮᱱᱟᱜ-ᱟ ᱵᱟᱠᱷᱟᱱ ᱤᱧᱟᱜ ᱫᱚ ᱨᱟᱡᱽᱱᱤᱛᱤᱨᱮ ᱵᱚᱞᱚᱱ ᱨᱮᱭᱟᱜ ᱚᱱᱠᱟᱱ ᱪᱮᱫ ᱩᱫᱤᱥ ᱜᱮ ᱵᱟᱹᱱᱩᱜ-ᱟ ᱾
ᱜᱷᱟᱨᱚᱸᱡᱽ ᱡᱤᱭᱚᱱ
᱑᱙᱙᱗ ᱥᱟᱞ ᱯᱷᱮᱵᱽᱨᱩᱣᱟᱨᱤ ᱑᱘ ᱢᱟᱹᱦᱤᱛ ᱦᱤᱞᱚᱜ ᱯᱨᱤᱭᱚᱝᱠᱟ ᱥᱚᱢᱯᱩᱨᱩᱱ ᱦᱤᱱᱫᱩ ᱨᱟᱭ ᱨᱤᱛ ᱛᱮ ᱨᱚᱵᱚᱨᱴ ᱵᱷᱚᱫᱽᱨᱟ ᱧᱩᱛᱩᱢᱟᱱ ᱢᱤᱫ ᱵᱮᱯᱟᱨᱤ ᱥᱟᱶ ᱟᱡᱟᱜ ᱵᱟᱯᱞᱟ ᱦᱩᱭ ᱞᱮᱱᱟ ᱾ ᱱᱚᱶᱟ ᱵᱟᱯᱞᱟ ᱫᱚ ᱡᱚᱱᱚᱯᱚᱛᱷ ᱨᱮ ᱢᱮᱱᱟᱜ ᱜᱟᱱᱫᱷᱤ ᱵᱷᱚᱵᱚᱱ ᱨᱮ ᱦᱩᱭ ᱞᱮᱱᱟ ᱾ ᱱᱤᱛ ᱟᱡ ᱨᱮᱱ ᱵᱟᱨᱭᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ ᱾ ᱠᱚᱲᱟ ᱜᱤᱫᱽᱨᱟᱹ ᱦᱟᱜ ᱧᱩᱛᱩᱢ ᱫᱚ "ᱨᱤᱦᱟᱱ" ᱟᱨ ᱠᱩᱲᱤ ᱜᱤᱫᱨᱟᱹ ᱦᱟᱜ ᱧᱩᱛᱩᱢ ᱫᱚ "ᱢᱤᱨᱟᱭᱟ" ᱾ ᱩᱱᱤ ᱫᱚ ᱵᱩᱫᱫᱷᱚ ᱫᱷᱚᱨᱚᱢ ᱯᱟᱧᱡᱟᱭᱤᱡ ᱠᱟᱱᱟᱭ ᱾
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱯᱨᱤᱭᱚᱝᱠᱟ ᱜᱟᱱᱫᱷᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.