ᱵᱤᱫᱷᱟᱱᱥᱚᱵᱷᱟ
ᱯᱚᱱᱚᱛ ᱫᱚᱨᱵᱟᱨ, ᱥᱮ ᱵᱤᱫᱷᱟᱱᱥᱚᱵᱷᱟ, ᱥᱮ ᱥᱚᱝᱥᱚᱫᱽ ᱥᱚᱵᱷᱟ ᱦᱚᱠᱚ ᱢᱮᱛᱟᱜᱼᱟ, ᱫᱚ ᱥᱤᱧᱚᱛ ᱨᱮᱱᱟᱜ ᱯᱚᱱᱚᱛ ᱠᱚ ᱥᱮ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱠᱚ ᱨᱮᱱᱟᱜ ᱫᱚᱨᱵᱟᱨ ᱠᱟᱱᱟ᱾ ᱒᱘ ᱜᱚᱴᱟᱝ ᱯᱚᱱᱚᱛ ᱟᱨ ᱓ ᱭᱟ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱨᱮ ᱱᱚᱶᱟ ᱫᱚ ᱢᱤᱫ ᱥᱚᱫᱚᱱ ᱯᱚᱱᱚᱛ ᱫᱚᱨᱵᱟᱨ ᱠᱟᱱᱟ ᱟᱨ ᱖ ᱜᱚᱴᱟᱝ ᱯᱚᱱᱚᱛ ᱨᱮ ᱱᱚᱶᱟ ᱫᱚ ᱵᱟᱨ ᱥᱚᱫᱚᱱ ᱯᱚᱱᱚᱛ ᱫᱚᱨᱵᱟᱨ ᱨᱮᱱᱟᱜ ᱞᱟᱛᱟᱨ ᱫᱚᱨᱵᱟᱨ ᱠᱟᱱᱟ ᱟᱨ ᱪᱮᱛᱟᱱ ᱟᱜ ᱫᱚ ᱵᱤᱫᱷᱟᱱ ᱯᱚᱨᱤᱥᱚᱫᱽ ᱠᱟᱱᱟ᱾ ᱕ ᱜᱚᱴᱟᱝ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱥᱤᱧᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱥᱟᱥᱚᱱᱚᱜ ᱠᱟᱱᱟ ᱟᱨ ᱢᱤᱫᱴᱟᱝ ᱦᱚᱸ ᱵᱤᱫᱷᱟᱱᱥᱚᱵᱷᱟ ᱵᱟᱹᱱᱩᱜᱼᱟ᱾
ᱡᱚᱛᱚ ᱵᱤᱫᱷᱟᱱᱥᱚᱵᱷᱟ ᱨᱮᱱ ᱥᱚᱦᱮᱫ (ᱮᱢ.ᱮᱞ.ᱮ) ᱫᱚ ᱢᱤᱫᱴᱮᱱ ᱥᱚᱦᱮᱫ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱕ ᱥᱮᱨᱢᱟ ᱞᱟᱹᱜᱤᱫ ᱛᱮᱠᱚ ᱵᱟᱪᱷᱚᱱᱚᱜᱼᱟ᱾ ᱥᱤᱧᱚᱛ ᱨᱮᱱᱟᱜ ᱥᱚᱢᱵᱤᱫᱷᱟᱱ ᱨᱮ ᱢᱤᱫ ᱯᱚᱱᱚᱛ ᱨᱮᱱᱟᱜ ᱵᱤᱫᱷᱟᱱᱥᱚᱵᱷᱟ ᱨᱮ ᱖᱐ ᱠᱷᱚᱱ ᱠᱚᱢ ᱟᱨ ᱕᱐᱐ ᱠᱷᱚᱱ ᱵᱟᱲᱛᱤ ᱥᱚᱦᱮᱫ ᱵᱟᱠᱚ ᱦᱩᱭᱩᱜᱼᱟ ᱢᱮᱱᱛᱮ ᱚᱞ ᱢᱮᱱᱟᱜᱼᱟ, ᱢᱮᱱᱠᱷᱟᱱ ᱜᱳᱣᱟ, ᱥᱤᱠᱠᱤᱢ, ᱢᱤᱡᱚᱨᱟᱢ ᱟᱨ ᱯᱩᱰᱩᱪᱮᱨᱤ ᱨᱮᱱᱟᱜ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱨᱮ ᱥᱤᱧᱚᱛ ᱨᱮᱱᱟᱜ ᱥᱚᱝᱥᱚᱫᱽ ᱨᱮᱭᱟᱜ ᱢᱤᱫ ᱟᱹᱨᱤ ᱞᱣᱠᱟᱛᱮ ᱖᱐ ᱠᱷᱚᱱ ᱠᱚᱢ ᱥᱚᱦᱮᱫ ᱢᱮᱱᱟᱜ ᱠᱚᱣᱟ᱾ ᱥᱤᱨᱟᱹ ᱢᱚᱱᱛᱨᱤ ᱟᱜ ᱱᱮᱦᱚᱨ ᱛᱮ ᱟᱨᱵᱟᱝ ᱥᱟᱥᱚᱱ ᱫᱚᱞ ᱥᱮ ᱜᱩᱴ ᱵᱤᱨᱩᱫᱽ ᱨᱮ ᱵᱟᱝ ᱯᱟᱹᱛᱭᱟᱹᱣ ᱯᱨᱚᱥᱛᱟᱵᱽ ᱯᱟᱥ ᱞᱮᱱ ᱠᱷᱟᱱ ᱯᱚᱱᱚᱛ ᱜᱚᱢᱠᱮ ᱮᱢᱟᱨᱡᱮᱱᱥᱤ ᱨᱮ ᱯᱚᱱᱚᱛ ᱫᱚᱨᱵᱟᱨ ᱮ ᱫᱷᱟᱹᱥᱩᱨ ᱫᱟᱲᱮᱭᱟᱜᱼᱟ᱾
ᱵᱤᱫᱷᱟᱱᱥᱚᱵᱷᱟ ᱨᱮᱱ ᱥᱚᱦᱮᱫ
ᱡᱟᱦᱟᱸ ᱯᱚᱱᱚᱛ ᱞᱟᱹᱜᱤᱫ ᱛᱮ ᱩᱱᱠᱩ ᱵᱟᱪᱷᱱᱟᱣ ᱨᱮ ᱠᱚ ᱥᱮᱞᱮᱫᱚᱜ ᱠᱟᱱᱟ ᱚᱱᱟ ᱯᱚᱱᱚᱛ ᱨᱮᱱᱟᱜ ᱢᱤᱫ ᱯᱚᱱᱚᱛ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣᱤᱭᱟᱹ ᱞᱤᱥᱴᱤ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ᱾ ᱩᱱᱠᱩ ᱫᱚ ᱢᱤᱫ ᱚᱠᱛᱚ ᱨᱮ ᱥᱚᱝᱥᱚᱫᱽ ᱨᱮᱱ ᱥᱚᱦᱮᱫ ᱟᱨ ᱵᱤᱫᱷᱟᱱ ᱯᱚᱨᱤᱥᱚᱫᱽ ᱨᱮᱱ ᱥᱚᱦᱮᱫ ᱦᱚᱸ ᱵᱟᱝ ᱠᱚ ᱦᱩᱭ ᱫᱟᱲᱮᱭᱟᱜᱼᱟ᱾ ᱩᱱᱤ ᱟᱨ ᱵᱟᱝ ᱩᱱᱤᱭᱟᱜ ᱵᱤᱨᱩᱫᱽ ᱨᱮ ᱡᱟᱦᱟᱱ ᱵᱟᱹᱲᱤᱡᱽ (ᱠᱨᱤᱢᱤᱱᱳᱞ) ᱞᱟᱹᱞᱤᱥ ᱵᱟᱹᱱᱩᱜᱼᱟ ᱢᱮᱱᱛᱮ ᱫᱚᱥᱚᱨ ᱦᱩᱭᱩᱜ ᱛᱟᱠᱚᱣᱟ᱾ ᱢᱤᱫ ᱯᱚᱱᱚᱛ ᱵᱤᱫᱷᱟᱱᱥᱚᱵᱷᱟ ᱫᱚ ᱯᱚᱱᱚᱛ ᱵᱤᱫᱷᱟᱱᱥᱚᱵᱷᱟ ᱨᱮᱱᱟᱜ ᱪᱮᱛᱟᱱ ᱚᱲᱟᱜ, ᱯᱚᱱᱚᱛ ᱵᱤᱫᱷᱟᱱᱥᱚᱵᱷᱟ ᱥᱟᱶ ᱥᱚᱢᱟᱱ ᱵᱤᱫᱷᱟᱱᱥᱚᱵᱷᱟ ᱫᱟᱲᱮ ᱢᱮᱱᱟᱜᱼᱟ, ᱯᱚᱱᱚᱛ ᱥᱚᱨᱠᱟᱨ ᱵᱷᱚᱝᱜᱚ ᱟᱨ ᱠᱟᱹᱣᱰᱤ ᱵᱤᱞ ᱯᱟᱥ ᱵᱮᱜᱚᱨ, ᱡᱟᱦᱟᱸ ᱨᱮ ᱯᱚᱱᱚᱛ ᱵᱤᱫᱷᱟᱱᱥᱚᱵᱷᱟ ᱨᱮᱱᱟᱜ ᱵᱟᱝ ᱢᱩᱪᱟᱹᱫᱚᱜ ᱫᱟᱲᱮ ᱢᱮᱱᱟᱜᱼᱟ᱾
ᱱᱤᱛᱚᱜᱟᱜ ᱯᱚᱱᱚᱛ ᱫᱚᱨᱵᱟᱨ ᱠᱚ
ᱥᱟᱥᱚᱱ ᱫᱚᱞ ᱞᱮᱠᱟᱛᱮ ᱯᱚᱱᱚᱛ ᱫᱚᱨᱵᱟᱨ ᱠᱚ
ᱯᱚᱱᱚᱛ ᱫᱚᱨᱵᱟᱨ ᱨᱮᱭᱟᱜ ᱫᱟᱲᱮ
ᱵᱟᱨᱦᱮ ᱡᱚᱱᱚᱲ
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱵᱤᱫᱷᱟᱱᱥᱚᱵᱷᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.