ᱨᱟᱣᱨᱠᱮᱞᱟ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ (ᱥᱴᱮᱥᱚᱱ ᱠᱳᱰ:- ROU) ᱫᱚ ᱢᱤᱫ ᱨᱮᱞᱣᱮ ᱡᱚᱸᱠᱥᱚᱱ ᱠᱟᱱᱟ, ᱡᱟᱦᱟᱸ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱳᱰᱤᱥᱟ ᱨᱮᱱᱟᱜ ᱠᱚᱧᱮ-ᱯᱟᱪᱮ ᱥᱮᱦᱮᱫ ᱨᱮ ᱢᱮᱱᱟᱜᱼᱟ ᱟᱨ ᱥᱩᱱᱫᱚᱨᱜᱚᱰ ᱦᱚᱱᱚᱛ ᱨᱮ ᱨᱟᱣᱨᱠᱮᱞᱟ ᱨᱮ ᱠᱟᱹᱢᱤᱭᱟ ᱾ ᱨᱟᱣᱨᱠᱮᱞᱟ ᱫᱚ ᱳᱰᱤᱥᱟ ᱨᱮᱱᱟᱜ ᱛᱮᱥᱟᱨ ᱟᱹᱰᱤ ᱢᱟᱨᱟᱝ ᱥᱚᱦᱚᱨ ᱠᱟᱱᱟ ᱾
ᱨᱟᱣᱨᱠᱮᱞᱟ ᱡᱚᱸᱠᱥᱚᱱ | |
---|---|
ᱥᱤᱧᱚᱛᱤᱭᱟᱹ ᱨᱮᱞ ᱡᱚᱸᱠᱥᱚᱱ ᱥᱴᱮᱥᱚᱱ | |
ᱢᱮᱱᱮᱞᱟ ᱠᱟᱛᱷᱟ | |
ᱴᱷᱟᱶ | ᱱᱟᱣᱟ ᱵᱟᱥ ᱥᱴᱮᱸᱰ ᱥᱩᱨ, ᱨᱟᱣᱩᱨᱠᱮᱞᱟ, ᱳᱰᱤᱥᱟ ᱥᱤᱧᱚᱛ |
ᱚᱛᱱᱚᱜ ᱴᱷᱟᱶ | 22°13′39″N 84°51′46″E / 22.2276°N 84.8629°E 84°51′46″E / 22.2276°N 84.8629°E |
ᱩᱥᱩᱞ | 219 m (719 ft) |
ᱢᱟᱹᱞᱤᱠ ᱛᱟᱹᱨᱤ ᱨᱮ | ᱥᱤᱧᱚᱛᱤᱭᱟᱹ ᱨᱮᱞ |
ᱪᱟᱪᱟᱣ | ᱮᱛᱚᱢ ᱥᱟᱢᱟᱝ ᱨᱮᱞ |
ᱞᱟᱭᱤᱱ (ᱠᱚ) | ᱦᱟᱣᱲᱟ–ᱱᱟᱜᱽᱯᱩᱨ–ᱢᱩᱢᱵᱟᱭ ᱞᱟᱭᱤᱱ ᱨᱮᱱᱟᱜ ᱴᱟᱴᱱᱚᱜᱚᱨ–ᱵᱤᱞᱟᱥᱯᱩᱨ ᱠᱷᱚᱸᱰ, ᱨᱟᱣᱨᱠᱮᱞᱟ–ᱦᱟᱴᱤᱭᱟ–ᱨᱟᱺᱪᱤ ᱞᱟᱭᱤᱱ ᱨᱮᱱᱟᱜ ᱨᱟᱣᱨᱠᱮᱞᱟ–ᱨᱟᱺᱪᱤ ᱠᱷᱚᱸᱰ |
ᱯᱞᱮᱴᱯᱷᱚᱨᱢ | ᱕ |
ᱴᱨᱮᱠ | ᱕ 5 ft 6 in (᱑,᱖᱗᱖ mm) ᱵᱨᱚᱰ ᱜᱮᱡᱽ |
ᱡᱚᱲᱟᱣ | ᱚᱴᱳ ᱥᱴᱮᱱᱰ |
ᱵᱮᱱᱟᱣ | |
ᱜᱚᱲᱦᱚᱱ ᱨᱮᱭᱟᱜ ᱫᱷᱚᱨᱚᱱ | Standard (on ground station) |
ᱯᱟᱨᱠᱤᱝ | ᱢᱮᱱᱟᱜᱼᱟ |
ᱰᱤᱥᱮᱵᱮᱞ ᱠᱚᱣᱟᱜ ᱥᱩᱵᱤᱫᱷᱟᱹ | ᱢᱮᱱᱟᱜᱼᱟ |
ᱮᱴᱟᱜ ᱠᱟᱛᱷᱟ ᱠᱚ | |
ᱦᱟᱞᱚᱛ | ᱠᱟᱹᱢᱤ |
ᱥᱴᱮᱥᱚᱱ ᱠᱳᱰ | ROU |
ᱴᱚᱴᱷᱟ (ᱠᱚ) | ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱴᱚᱴᱷᱟ |
ᱦᱟᱹᱴᱤᱧ(ᱠᱚ) | ᱪᱚᱠᱨᱚᱫᱷᱚᱨᱯᱩᱨ |
ᱱᱟᱜᱟᱢ | |
ᱪᱟᱹᱞᱩ | ᱑᱘᱙᱑ |
ᱤᱞᱮᱠᱴᱨᱤᱯᱷᱤᱠᱮᱥᱚᱱ | ᱑᱙᱖᱑–᱖᱒ |
ᱢᱟᱨᱮ ᱧᱩᱛᱩᱢ | ᱵᱮᱝᱜᱟᱞ ᱱᱟᱜᱽᱯᱩᱨ ᱨᱮᱞᱣᱮ |
ᱴᱷᱟᱶ | |
ᱨᱟᱣᱨᱠᱮᱞᱟ ᱨᱮᱞᱣᱮ ᱥᱴᱮᱥᱚᱱ ᱫᱚ ᱑᱘᱙᱑ ᱥᱮᱨᱢᱟ ᱨᱮ ᱵᱮᱝᱜᱚᱞ ᱱᱟᱜᱽᱯᱩᱨ ᱨᱮᱞᱣᱮ ᱨᱮᱱᱟᱜ ᱱᱟᱜᱽᱯᱩᱨ-ᱟᱥᱚᱱᱥᱳᱞ ᱢᱩᱬ ᱞᱟᱭᱤᱱ ᱨᱮᱱᱟᱜ ᱮᱛᱦᱚᱵ ᱥᱟᱶᱛᱮ ᱦᱮᱡ ᱞᱮᱱᱟ ᱾ ᱱᱚᱣᱟ ᱫᱚ ᱑᱙᱐᱐ ᱥᱮᱨᱢᱟ ᱨᱮ ᱠᱨᱚᱥ ᱠᱚᱱᱴᱨᱤ ᱦᱟᱣᱲᱟ–ᱱᱟᱜᱽᱯᱩᱨ–ᱢᱩᱢᱵᱟᱭ ᱞᱟᱭᱤᱱ ᱨᱮ ᱢᱤᱫᱴᱟᱹᱝ ᱥᱴᱮᱥᱚᱱ ᱵᱮᱱᱟᱣ ᱞᱮᱱᱟ ᱾ ᱨᱟᱣᱨᱠᱮᱞᱟ ᱫᱚ ᱑᱙᱖᱐ ᱥᱮᱨᱢᱟ ᱨᱮ ᱵᱚᱨᱥᱩᱶᱟ ᱢᱮᱬᱦᱮᱫ ᱠᱷᱟᱫᱟᱱ ᱠᱷᱚᱱ ᱡᱚᱲᱟᱣ ᱞᱮᱱᱟ ᱛᱟᱦᱮᱸᱫ ᱾ ᱢᱟᱲᱟᱝ ᱫᱚ ᱨᱟᱣᱨᱠᱮᱞᱟ ᱨᱮᱱᱟᱜ ᱨᱮᱞᱣᱮ ᱥᱴᱮᱥᱚᱱ ᱫᱚ ᱢᱚᱦᱩᱞᱯᱟᱞᱤ ᱟᱹᱛᱩ ᱨᱮ ᱛᱟᱦᱮᱸ ᱠᱟᱱᱟ ᱾ ᱑᱙᱕᱐ ᱥᱮᱨᱢᱟ ᱨᱮ ᱨᱟᱣᱨᱠᱮᱞᱟ ᱨᱮ ᱥᱤᱧᱚᱛ ᱨᱮᱱᱟᱜ ᱯᱩᱭᱞᱩ ᱫᱤᱥᱩᱣᱟᱹ ᱴᱚᱴᱷᱟ ᱨᱮᱱᱟᱜ ᱯᱷᱮᱠᱴᱨᱤ ᱛᱷᱟᱯᱚᱱ ᱥᱟᱶᱛᱮ ᱨᱮᱞᱣᱮ ᱥᱴᱮᱥᱚᱱ ᱨᱮᱱᱟᱜ ᱟᱹᱰᱤ ᱢᱩᱬᱩᱛ ᱴᱷᱟᱶ ᱮ ᱟᱢᱮᱴ ᱠᱮᱫᱼᱟ ᱾ ᱑᱙᱖᱑–᱑᱙᱖᱒ ᱥᱮᱨᱢᱟ ᱨᱮ ᱱᱚᱣᱟ ᱫᱚ ᱤᱞᱮᱠᱴᱨᱤᱯᱷᱤᱰ ᱛᱮᱭᱟᱨ ᱞᱮᱱᱟ ᱾
ᱨᱟᱣᱨᱠᱮᱞᱟ ᱨᱮᱞᱣᱮ ᱥᱴᱮᱥᱚᱱ ᱫᱚ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱱᱟᱜ ᱢᱩᱬᱩᱛ ᱑᱐᱐ ᱵᱩᱠᱤᱝ ᱥᱴᱮᱥᱚᱱ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱑᱐ ᱜᱚᱴᱟᱝ ᱴᱨᱮᱱ ᱫᱚ ᱨᱟᱣᱨᱠᱮᱞᱟ ᱠᱷᱚᱱ ᱮᱛᱚᱦᱚᱵᱚᱜᱼᱟ ᱟᱨ ᱑᱐᱑ ᱜᱚᱴᱟᱝ ᱴᱨᱮᱱ ᱫᱚ (ᱦᱟᱯᱛᱟᱠᱤᱭᱟᱹ ᱟᱨ ᱵᱟᱨ-ᱦᱟᱯᱛᱟᱠᱤᱭᱟᱹ ᱥᱟᱶᱛᱮ) ᱱᱚᱸᱰᱮ ᱠᱷᱚᱱ ᱪᱟᱞᱟᱜᱼᱟ ᱾ ᱱᱚᱣᱟ ᱫᱚ ᱠᱚᱞᱠᱟᱛᱟ-ᱢᱩᱢᱵᱟᱭ ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱞᱟᱭᱤᱱ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱱᱟᱜ ᱵᱟᱨᱭᱟ ᱢᱟᱨᱟᱝ ᱥᱚᱦᱚᱨ ᱡᱚᱲᱟᱣᱟᱜ ᱢᱤᱫ ᱢᱩᱬ ᱰᱟᱦᱟᱨ ᱠᱟᱱᱟ ᱾ ᱨᱟᱣᱨᱠᱮᱞᱟ ᱫᱚ ᱢᱩᱢᱵᱟᱭ, ᱫᱤᱞᱞᱤ, ᱠᱚᱞᱠᱟᱛᱟ, ᱟᱥᱟᱱᱥᱳᱞ, ᱫᱷᱟᱱᱵᱟᱫᱽ, ᱨᱟᱺᱪᱤ, ᱵᱮᱝᱜᱟᱞᱩᱨᱩ, ᱪᱮᱱᱱᱟᱭ, ᱯᱩᱱᱮ, ᱚᱦᱢᱚᱫᱟᱵᱟᱫᱽ, ᱵᱷᱩᱵᱽᱱᱮᱥᱚᱨ, ᱱᱟᱜᱽᱯᱩᱨ, ᱯᱟᱴᱱᱟ, ᱵᱤᱥᱟᱠᱷᱟᱯᱟᱴᱱᱟᱢ, ᱡᱟᱢᱥᱮᱫᱽᱯᱩᱨ, ᱨᱟᱭᱯᱩᱨ, ᱠᱚᱴᱚᱠ, ᱯᱩᱨᱤ, ᱵᱚᱨᱦᱟᱢᱯᱩᱨ, ᱥᱚᱢᱵᱚᱞᱯᱩᱨ ᱟᱨ ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾
ᱵᱚᱮᱳᱱᱰᱟᱢᱩᱱᱰᱟ–ᱵᱟᱨᱥᱩᱣᱟᱱ ᱪᱟᱸᱜᱟ ᱞᱟᱭᱤᱱ ᱨᱮ ᱵᱤᱢᱟᱞᱜᱚᱲ ᱟᱨ ᱥᱚᱢᱵᱚᱞᱯᱩᱨ–ᱛᱟᱞᱪᱮᱨ–ᱵᱟᱨᱚᱝ ᱪᱟᱸᱜᱟ ᱞᱟᱭᱤᱱ ᱨᱮ ᱛᱟᱞᱪᱮᱨ ᱠᱷᱚᱱ ᱡᱚᱲᱟᱣᱟᱜ ᱑᱕᱖ ᱠᱤᱞᱚᱢᱤᱴᱚᱨ (᱙᱗ ᱢᱤᱞ) ᱡᱤᱞᱤᱧ ᱞᱟᱭᱤᱱ ᱫᱚ ᱒᱐᱐᱔–᱒᱐᱐᱕ ᱥᱟᱞᱮ ᱨᱮ ᱥᱮᱞᱮᱫ ᱞᱮᱱᱟ ᱛᱟᱦᱮᱸᱫ ᱟᱨ ᱱᱚᱣᱟ ᱵᱮᱱᱟᱣ ᱨᱮᱱᱟᱜ ᱪᱟᱞᱟᱜ ᱠᱟᱱᱟ ᱾ ᱱᱚᱣᱟ ᱞᱟᱭᱤᱱ ᱯᱩᱨᱟᱹᱣ ᱞᱮᱱ ᱠᱷᱟᱱ ᱯᱚᱱᱚᱛ ᱨᱮᱱᱟᱜ ᱨᱟᱣᱨᱠᱮᱞᱟ ᱟᱨ ᱵᱷᱩᱵᱽᱱᱮᱥᱚᱨ ᱛᱟᱞᱟ ᱨᱮ ᱥᱟᱺᱜᱤᱧ ᱔᱖᱐ ᱠᱤᱞᱚᱢᱤᱴᱚᱨ ᱠᱷᱚᱱ (ᱥᱚᱢᱵᱚᱞᱯᱩᱨ ᱞᱮᱠᱟᱛᱮ) ᱠᱚᱢ ᱠᱟᱛᱮ ᱓᱐᱐ ᱠᱤᱞᱚᱢᱤᱴᱚᱨ ᱦᱩᱭᱩᱜᱼᱟ ᱾
᱑᱙᱕᱐ ᱥᱮᱨᱢᱟ ᱨᱮ ᱵᱳᱱᱰᱟᱢᱩᱱᱰᱟ ᱨᱮ ᱵᱟᱨᱭᱟ ᱞᱳᱠᱳᱢᱳᱴᱤᱵᱽ ᱥᱮᱰ ᱛᱷᱟᱯᱚᱱ ᱞᱮᱱᱟ ᱾ ᱢᱤᱫᱴᱟᱹᱝ ᱫᱚ ᱥᱴᱮᱢ ᱤᱱᱡᱤᱱ ᱟᱨ ᱢᱤᱫᱴᱟᱹᱝ ᱫᱚ ᱰᱤᱡᱮᱞ ᱤᱱᱡᱤᱱ ᱞᱟᱹᱜᱤᱫ ᱾ ᱑᱙᱘᱐ ᱥᱮᱨᱢᱟ ᱨᱮᱱᱟᱜ ᱢᱩᱪᱟᱹᱫ ᱨᱮ ᱥᱴᱮᱢ ᱞᱚᱠᱳᱢᱳᱴᱤᱵᱽ ᱥᱮᱰ ᱫᱚ ᱵᱚᱸᱫᱽ ᱞᱮᱱᱟ ᱾ ᱛᱩᱨᱩᱭ ᱜᱚᱴᱟᱝ WAM-4 ᱤᱱᱡᱤᱱ ᱠᱚ ᱥᱮᱞᱮᱫ ᱞᱟᱹᱜᱤᱫ ᱑᱙᱘᱓ ᱥᱮᱨᱢᱟ ᱨᱮ ᱢᱤᱫᱴᱟᱹᱝ ᱤᱞᱮᱠᱴᱨᱤᱠ ᱞᱚᱠᱳᱢᱳᱴᱤᱵᱽ ᱥᱮᱰ ᱮᱦᱚᱵ ᱞᱮᱱᱟ ᱾ ᱒᱐᱑᱙ ᱥᱮᱨᱢᱟ ᱦᱟᱹᱵᱤᱡ, ᱱᱚᱣᱟ ᱨᱮ ᱒᱔᱒ ᱜᱚᱴᱟᱝ ᱤᱞᱮᱠᱴᱨᱤᱠ ᱤᱱᱡᱤᱱ ᱢᱮᱱᱟᱜᱼᱟ ᱟᱨ ᱱᱚᱣᱟ ᱫᱚ ᱵᱟᱹᱲᱛᱤ ᱛᱮᱭᱟᱨᱚᱜ ᱠᱟᱱᱟ ᱾ ᱒᱐᱐ WAG-9 ᱞᱳᱠᱳᱢᱳᱴᱤᱵᱽ ᱨᱮᱱᱟᱜ ᱠᱮᱯᱮᱥᱤᱴᱤ ᱟᱱᱟᱜ ᱢᱤᱫ ᱱᱟᱣᱟ ᱤᱞᱮᱠᱴᱨᱤᱠ ᱞᱳᱠᱳᱢᱳᱴᱤᱵᱽ ᱥᱮᱰ ᱵᱮᱱᱟᱣ ᱦᱩᱭᱩᱜ ᱠᱟᱱᱟ ᱾
ᱨᱟᱣᱨᱠᱮᱞᱟ ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ
This article uses material from the Wikipedia ᱥᱟᱱᱛᱟᱲᱤ article ᱨᱟᱣᱨᱠᱮᱞᱟ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.