ᱨᱟᱢᱵᱽᱲᱟ ᱫᱚ ᱢᱤᱫ ᱫᱟᱹᱞ ᱡᱟᱹᱛ ᱨᱮᱱᱟᱜ ᱡᱚ ᱠᱟᱱᱟ ᱾ ᱱᱚᱣᱟ ᱫᱚ ᱟᱭᱢᱟ ᱴᱷᱟᱶ ᱨᱮ ᱪᱟᱥ ᱦᱩᱭᱩᱜᱼᱟ ᱾ ᱨᱟᱢᱵᱽᱲᱟ ᱫᱚ ᱥᱤᱧᱚᱛ ᱨᱮ ᱮᱦᱚᱵ ᱞᱮᱱᱟ ᱢᱮᱱᱛᱮ ᱥᱟᱬᱮᱥᱤᱭᱟᱹ ᱠᱚ ᱞᱟᱹᱭᱟ ᱾ e ᱣᱟᱜ ᱚᱨᱛᱷᱚᱥᱟᱥᱛᱨᱚ ᱟᱨ ᱪᱚᱨᱚᱠᱚ ᱥᱚᱝᱦᱤᱛᱟ ᱨᱮᱦᱚᱸ ᱨᱟᱸᱵᱽᱲᱟ ᱫᱚ ᱥᱤᱧᱚᱛ ᱨᱮ ᱧᱮᱞᱚᱜᱼᱟ ᱢᱮᱱᱛᱮ ᱚᱞ ᱢᱮᱱᱟᱜᱼᱟ ᱾ ᱡᱮᱜᱮᱛ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱨᱟᱲᱸᱵᱽᱲᱟ ᱪᱟᱥ ᱫᱚ ᱥᱤᱧᱚᱛ ᱨᱮ ᱦᱩᱭᱩᱜᱼᱟ ᱾
ᱱᱚᱶᱟ ᱚᱱᱚᱞ ᱫᱚ ᱮᱴᱟᱜ ᱣᱤᱠᱤᱯᱤᱰᱤᱭᱟ ᱚᱱᱚᱞ ᱥᱟᱞᱟᱜ ᱡᱩᱲᱟᱹᱣ ᱪᱷᱚ ᱞᱟᱹᱜᱤᱫ ᱰᱷᱮᱨ ᱞᱤᱝᱠ ᱫᱚᱨᱠᱟᱨ ᱠᱟᱱᱟ ᱾ (ᱮᱯᱨᱤᱞ ᱒᱐᱒᱒) (Learn how and when to remove this template message) |
ᱨᱟᱢᱵᱽᱲᱟ ᱧᱮᱣ ᱨᱮ ᱫᱚ ᱪᱚᱠᱲᱮ ᱜᱩᱞᱟᱹᱭ ᱥᱤᱢ ᱵᱤᱞᱤ ᱞᱮᱠᱟ ᱟᱫᱚ ᱦᱩᱰᱤᱧ ᱦᱩᱰᱤᱧ ᱟᱹᱰᱤ ᱫᱚ ᱵᱟᱭ ᱚᱥᱟᱨᱟ, ᱔ ᱠᱷᱚᱱ ᱖ ᱥᱮᱢᱤ ᱡᱤᱞᱤᱧ ᱜᱟᱱ ᱦᱩᱭᱩᱜᱼᱟ ᱾ ᱱᱚᱣᱟ ᱨᱮᱱᱟᱜ ᱪᱮᱛᱟᱱ ᱫᱚ ᱪᱚᱠᱟᱜ ᱛᱮ ᱯᱚᱴᱚᱢ ᱠᱟᱛᱮ ᱛᱟᱦᱮᱸᱱᱟ ᱾ ᱱᱚᱣᱟ ᱪᱚᱠᱟᱜ ᱚᱪᱚᱜ ᱞᱮᱠᱷᱟᱱ ᱨᱟᱸᱵᱽᱲᱟ ᱧᱟᱢᱚᱜᱼᱟ ᱾ ᱱᱚᱶᱟ ᱫᱚ ᱱᱟᱹᱬᱤ ᱡᱟᱹᱛ ᱨᱮᱱᱟᱜ ᱫᱟᱨᱮ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱫᱟᱨᱮ ᱫᱚ ᱓᱐ ᱠᱷᱚᱱ ᱑᱐᱐ ᱥᱮᱢᱤ ᱡᱤᱞᱤᱧ ᱜᱟᱱ ᱦᱩᱭᱩᱜᱼᱟ ᱾ ᱱᱚᱶᱟ ᱫᱟᱨᱮ ᱨᱮᱱᱟᱜ ᱥᱟᱠᱟᱢ ᱫᱚ ᱠᱟᱹᱲᱵᱩᱝ ᱠᱟᱹᱲᱵᱩᱝ ᱦᱩᱭ ᱠᱚᱜᱼᱟ ᱾
ᱨᱟᱢᱵᱽᱲᱟ ᱪᱟᱥ ᱫᱚ ᱞᱟᱹᱵᱤᱫ, ᱫᱟᱨᱥᱟᱬ ᱞᱮᱠᱟᱱ ᱫᱷᱟᱨᱟ ᱨᱮ ᱪᱟᱥ ᱞᱮᱠᱷᱟᱱ ᱵᱷᱟᱹᱜᱤ ᱚᱢᱚᱱ ᱧᱟᱢᱚᱜᱼᱟ ᱾ ᱟᱨ ᱥᱤᱛᱩᱝ ᱫᱤᱱ ᱫᱚ ᱡᱟᱦᱟᱸ ᱦᱟᱥᱟ ᱨᱮ ᱫᱟᱜ ᱴᱟᱨᱦᱟᱣ ᱠᱟᱛᱮ ᱞᱟᱹᱵᱤᱫ ᱛᱟᱦᱮᱸᱱᱟ ᱚᱱᱟ ᱨᱮ ᱪᱟᱥ ᱜᱟᱱᱚᱜᱼᱟ ᱾ ᱨᱟᱢᱵᱽᱲᱟ ᱪᱟᱥ ᱞᱟᱹᱜᱤᱫ ᱩᱨᱜᱩᱱ ᱦᱚᱭ ᱫᱟᱜ ᱨᱮ ᱵᱮᱥ ᱦᱩᱭᱩᱜᱼᱟ ᱾ ᱥᱟᱹᱢᱩᱸᱫᱽ ᱛᱩᱲᱩᱝ ᱠᱷᱚᱱ ᱒᱐᱐᱐ ᱢᱤᱴᱚᱨ ᱦᱟᱹᱵᱤᱡ ᱠᱚ ᱪᱟᱥᱟ ᱾ ᱱᱚᱶᱟ ᱫᱟᱨᱮ ᱟᱹᱰᱤ ᱠᱮᱴᱮᱡ ᱛᱟᱦᱮᱸᱱᱟ ᱟᱨ ᱨᱮᱦᱮᱫ ᱫᱚ ᱟᱹᱰᱤ ᱞᱟᱛᱟᱨ ᱥᱮᱫ ᱵᱚᱞᱚᱱᱟ ᱚᱱᱟᱛᱮ ᱟᱠᱟᱞ ᱟᱹᱰᱤ ᱵᱟᱭ ᱥᱟᱵᱮᱭᱟ ᱾ ᱱᱚᱣᱟ ᱫᱚ ᱵᱟᱹᱲᱛᱤ ᱠᱷᱚᱱ ᱒᱔᱐ ᱢᱤᱞᱤᱢᱤᱴᱚᱨ ᱫᱟᱜ ᱞᱟᱹᱠᱛᱤᱜᱼᱟ ᱾
ᱨᱟᱢᱵᱽᱲᱟ ᱪᱟᱥ ᱫᱚ ᱡᱚᱛᱚ ᱚᱠᱛᱚ ᱨᱮ ᱦᱩᱭᱩᱜᱼᱟ ᱢᱮᱱᱠᱷᱟᱱ ᱡᱚᱛᱷᱟᱛ ᱦᱚᱭ ᱫᱟᱜ ᱛᱟᱦᱮᱸ ᱞᱮᱱᱠᱷᱟᱱ ᱵᱷᱟᱹᱜᱤ ᱦᱩᱭᱩᱜᱼᱟ ᱾ ᱡᱟᱹᱯᱩᱫ ᱨᱤᱛᱩ ᱨᱮᱱᱟᱜ ᱨᱟᱢᱵᱽᱲᱟ ᱫᱚ ᱗᱐ ᱠᱷᱚᱱ ᱗᱕ ᱫᱤᱱ ᱜᱟᱱ ᱞᱟᱜᱟᱣᱜᱼᱟ ᱾ ᱡᱚ ᱥᱟᱢᱴᱟᱣ ᱚᱠᱛᱚ ᱨᱮ ᱫᱟᱜ ᱛᱟᱦᱮᱸᱱ ᱠᱷᱟᱹᱛᱤᱨ ᱜᱮᱞᱮ ᱜᱮ ᱜᱮᱫ ᱠᱟᱛᱮ ᱠᱚ ᱟᱹᱜᱩᱭᱟ ᱾
ᱨᱟᱢᱵᱽᱲᱟ ᱪᱟᱥ ᱨᱮᱱᱟᱜ ᱫᱚᱥᱟᱨ ᱚᱠᱛᱚ ᱫᱚ ᱦᱩᱭᱩᱜ ᱠᱟᱱᱟ ᱨᱟᱵᱟᱝ ᱨᱤᱛᱩ ᱨᱮ ᱾ ᱫᱚᱨᱭᱟ ᱥᱩᱨ ᱮᱞᱟᱠᱟ ᱨᱮ ᱫᱚ ᱨᱟᱵᱟᱝ ᱨᱤᱛᱩ ᱨᱮ ᱨᱮᱭᱟᱲ ᱠᱚᱢ ᱜᱮ ᱠᱷᱟᱹᱛᱤᱨ ᱚᱱᱟ ᱠᱚ ᱨᱮ ᱨᱟᱢᱵᱽᱲᱟ ᱟᱹᱰᱤ ᱟᱭᱢᱟ ᱮᱞᱟᱠᱟ ᱨᱮ ᱪᱟᱥ ᱦᱩᱭᱩᱜᱼᱟ ᱾
This article uses material from the Wikipedia ᱥᱟᱱᱛᱟᱲᱤ article ᱨᱟᱢᱵᱽᱲᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.