ᱟᱵᱚ ᱢᱩᱸ ᱛᱮ ᱟᱨ ᱢᱚᱪᱟ ᱛᱮᱦᱚᱸ ᱦᱚᱭ ᱵᱚ ᱥᱟᱦᱮᱫ ᱟᱫᱮᱨ ᱮᱫᱼᱟ ᱨᱚᱲ ᱡᱚᱦᱚᱜ ᱚᱱᱟ ᱦᱚᱭ ᱢᱚᱪᱟ ᱥᱮᱫ ᱛᱮᱵᱚ ᱥᱟᱦᱮᱫ ᱚᱰᱚᱠ ᱚᱪᱚ ᱮᱫᱼᱟ ᱾ ᱩᱱᱡᱚᱦᱚᱜ ᱟᱞᱟᱝ ᱩᱞᱴᱟᱹᱣ ᱟᱛᱮ ᱞᱩᱴᱤ ᱡᱚᱯᱚᱴᱮᱫ ᱟᱛᱮ ᱦᱩᱰᱤᱧ ᱢᱟᱨᱟᱝ ᱪᱟᱦᱟᱵ ᱟᱛᱮ ᱢᱚᱪᱟ ᱨᱮ ᱚᱱᱟ ᱦᱚᱭ ᱵᱚ ᱛᱟᱹᱯᱤᱧ ᱚᱪᱚ ᱮᱫᱼᱟ ᱳᱱᱟ ᱫᱟᱲᱮ ᱛᱮᱵᱚ ᱨᱚᱲ ᱠᱟᱱᱟ ᱾ ᱚᱠᱚᱭ ᱦᱚᱲᱟᱜ ᱟᱞᱟᱝ ᱛᱤᱱᱟᱹᱜ ᱩᱞᱴᱟᱹᱣ ᱫᱟᱲᱮᱭᱟᱜᱼᱟ ᱩᱱᱤ ᱩᱱᱟᱹᱜ ᱞᱮᱠᱟᱭ ᱨᱚᱲ ᱫᱟᱲᱮᱭᱟᱜᱼᱟ ᱾ ᱚᱱᱟ ᱫᱚ ᱦᱮᱣᱟ ᱫᱟᱲᱮ ᱛᱮᱦᱚᱸ ᱦᱩᱭᱩᱜ ᱜᱮᱭᱟ ᱾
ᱱᱚᱣᱟ ᱨᱮᱭᱟᱜ ᱛᱮᱞᱟ ᱫᱚ ᱠᱷᱮᱨᱣᱟᱞ ᱥᱟᱶᱛᱟ ᱥᱮᱨᱣᱟ ᱨᱮ ᱩᱠᱩ ᱢᱮᱱᱟᱜ ᱟ ᱾ ᱠᱷᱮᱨᱣᱟᱞ ᱦᱚᱯᱚᱱ ᱫᱚ ᱫᱷᱟ.ᱨᱛᱤ ᱨᱮ ᱦᱩᱭᱩᱜ ᱥᱟᱶ ᱥᱟᱶ ᱛᱮ ᱥᱟᱛᱮ ᱥᱟᱲᱤᱢ ᱟᱨ ᱠᱟᱥᱟ ᱛᱷᱟᱨᱤ ᱵᱟᱴᱤ ᱨᱩ ᱟᱡᱚᱢ ᱦᱚᱫᱚ ᱠᱟᱛᱮ ᱞᱮᱴᱠᱟ ᱠᱚ ᱨᱟᱜ ᱦᱚᱪᱚ ᱠᱚᱣᱟ ᱾ ᱡᱟᱱᱟᱢ ᱥᱟᱶ ᱛᱮ ᱜᱤᱫᱨᱟ. ᱨᱟᱜ ᱞᱮᱠᱷᱟᱱ ᱩᱱᱤᱭᱟᱜ ᱵᱚᱨᱚ ᱨᱮ ᱦᱚᱭ ᱡᱟᱥᱛᱤ ᱟᱫᱮᱨᱚᱜ ᱟ ᱾ ᱚᱱᱟ ᱛᱮ ᱩᱱᱤᱭᱟᱜ ᱪᱩᱯᱩᱫ ᱛᱟᱦᱮᱞᱮᱱ ᱵᱚᱨᱚ ᱨᱮᱭᱟᱜ ᱮᱞᱵᱷᱤᱞᱤ ᱠᱚ ᱵᱷᱟᱜᱤ ᱞᱮᱠᱟ ᱯᱷᱩᱞᱟ.ᱜ ᱟ , ᱮᱰᱮ ᱠᱷᱟᱱ ᱵᱚᱨᱚ ᱨᱮ ᱦᱚᱭ ᱦᱚ ᱟᱢᱫᱟ ᱥᱟᱦᱚᱵᱚᱜ ᱟ ᱾ ᱢᱟ.ᱱᱢᱤ ᱫᱚ ᱵᱚᱨᱚ ᱨᱮᱭᱟᱜ ᱦᱚᱭ ᱫᱟᱲᱮ ᱛᱮᱜᱮ ᱦᱚᱴᱚᱜ ᱠᱟᱱᱴᱟ ᱨᱮ ᱟᱨ ᱢᱚᱪᱟ ᱨᱮᱭᱟᱜ ᱟᱲᱟᱝ ᱡᱚᱱᱛᱨᱚ ᱠᱚᱵᱚᱱ ᱛᱟᱨᱠᱚ ᱦᱚᱪᱚᱭᱮᱫ ᱛᱮ ᱨᱚᱲ ᱟᱲᱟᱝ ᱰᱷᱚᱴᱮᱞᱚᱜ ᱠᱟᱱᱟ ᱾
ᱟᱲᱟᱝ ᱜᱤᱛᱟᱹᱜ ᱞᱟᱹᱭ ᱛᱮ ᱦᱚ ᱢᱤᱫᱴᱟᱝ ᱥᱮᱨᱣᱟ ᱠᱷᱮᱨᱣᱟᱞ ᱥᱟᱶᱛᱟ ᱨᱮ ᱧᱮᱞᱚᱜᱼᱟ ᱾ ᱫᱷᱟᱹᱭ ᱟᱭᱳ ᱜᱤᱫᱽᱨᱟᱹ ᱯᱟᱹᱨᱫᱟ ᱚᱠᱛᱚ ᱜᱤᱫᱨᱟᱹᱦᱟᱜ ᱟᱞᱟᱝ ᱞᱟᱛᱟᱨ ᱜᱤᱛᱟᱹᱜ ᱵᱷᱟᱜᱤ ᱴᱷᱤᱠᱮ ᱦᱩᱲᱛᱤᱨ ᱯᱟᱨᱪᱟᱭᱟ ᱾ ᱞᱟᱹᱠᱛᱤ ᱦᱩᱭ ᱞᱮᱱ ᱠᱷᱟᱱ ᱜᱤᱛᱟᱹᱜ ᱫᱚ ᱠᱩᱲᱤᱫ ᱨᱟᱢᱟ ᱵᱟᱹᱠᱩᱵ ᱡᱟᱱᱩᱢ ᱛᱮ ᱫᱷᱟ.ᱭ ᱟᱭᱳ ᱞᱟᱰᱟᱜ ᱡᱩᱛᱟ ᱾ ᱡᱟᱦᱟ ᱛᱮ ᱩᱱᱤ ᱜᱤᱫᱽᱨᱟᱹ ᱦᱟᱯᱮᱱ ᱟᱞᱚᱭ ᱛᱷᱚᱛᱲᱟᱜ ᱢᱟ, ᱡᱟᱦᱟᱭᱟᱜ ᱟᱞᱟᱝ ᱛᱤᱱᱟᱹᱜ ᱨᱟᱣᱟᱞ ᱜᱮ ᱨᱟᱲᱟᱜ ᱟ ᱩᱱᱤ ᱫᱚ ᱩᱱᱟᱹᱜ ᱨᱟᱣᱟᱞ ᱮ ᱨᱚᱲ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱠᱚ ᱫᱟᱲᱮ ᱛᱮ ᱠᱶᱮᱨᱣᱟᱞ ᱫᱚ ᱟᱢᱫᱟ ᱞᱮᱠᱟᱱ ᱟᱲᱟᱝ ᱵᱚᱱ ᱨᱚᱲ ᱪᱟᱲᱮᱭᱟᱜᱼᱟ ᱾
This article uses material from the Wikipedia ᱥᱟᱱᱛᱟᱲᱤ article ᱨᱚᱲ ᱫᱟᱲᱮ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.