ᱥᱩᱱᱤᱛᱟ ᱨᱟᱱᱤ (ᱡᱟᱱᱟᱢ ᱔ ᱰᱤᱥᱮᱢᱵᱚᱨ ᱑᱙᱗᱙) ᱢᱤᱫ ᱵᱷᱟᱨᱚᱛᱤᱭᱚ ᱟᱛᱷᱞᱮᱴ ᱠᱟᱱᱟᱭ ᱾ ᱱᱩᱭᱟᱜ ᱚᱲᱟᱜ ᱫᱚ ᱯᱚᱱᱡᱟᱵ ᱨᱮ ᱾ ᱒᱐᱐᱒ ᱮᱥᱤᱭᱟᱱ ᱜᱮᱢᱥ ᱨᱮ ᱑᱕᱐᱐ ᱢᱤᱴᱚᱨ ᱫᱟ.ᱲ ᱨᱮ ᱥᱚᱱᱟ ᱢᱮᱰᱟᱞ ᱟᱨ ᱕᱐᱐᱐ ᱢᱤᱴᱚᱨ ᱫᱟ.ᱲ ᱨᱮ ᱠᱚᱸᱥᱟ ᱢᱮᱰᱟᱞ ᱡᱤᱛᱠᱟ.ᱨ ᱞᱮᱱᱟᱭ ᱾ ᱒᱐᱐᱒ ᱮᱥᱤᱭᱟᱱ ᱜᱮᱢᱥ ᱨᱮ ᱑᱕᱐᱐ ᱢᱤᱴᱚᱨ ᱫᱟ.ᱲ ᱞᱟ.ᱜᱤᱱ ᱔ᱺ᱐᱖ᱹ᱐᱓ ᱴᱮ ᱭᱤᱢ ᱞᱟᱜᱟᱣ ᱟᱫᱮ ᱛᱟᱦᱮᱸᱫ ᱾ ᱱᱚᱣᱟ ᱫᱚ ᱱᱤᱭ ᱦᱟ.ᱵᱤᱡ ᱵᱷᱟᱨᱚᱛ ᱨᱮ ᱱᱮᱥᱱᱟᱞ ᱨᱮᱠᱚᱰ ᱞᱮᱠᱟ ᱢᱮᱱᱟᱜ ᱛᱟᱭᱟ ᱾ ᱑᱙᱙᱙ ᱨᱮ ᱥᱩᱱᱤᱛᱟ ᱨᱟᱱᱤ ᱚᱨᱡᱩᱱ ᱟᱣᱟᱰ ᱠᱚ ᱪᱟᱞ ᱟᱫᱮᱭᱟ ᱟᱨ ᱦᱚᱸ ᱯᱚᱫᱢᱚ ᱥᱨᱤ ᱦᱚᱸ ᱠᱚ ᱮᱢᱟᱫᱮᱭᱟ ᱾
ᱥᱩᱱᱤᱛᱟ ᱫᱚ ᱯᱚᱱᱡᱟᱵ ᱨᱤᱱᱤᱡ ᱠᱟᱱᱟᱭ ᱾ ᱒᱐᱐᱒ ᱮᱥᱤᱭᱟᱱ ᱜᱮᱢᱥ ᱨᱮ ᱑᱕᱐᱐ ᱢᱤᱴᱚᱨ ᱫᱟ.ᱲ ᱨᱮ ᱥᱚᱱᱟ ᱢᱮᱰᱟᱞ ᱟᱨ ᱕᱐᱐᱐ ᱢᱤᱴᱚᱨ ᱫᱟ.ᱲ ᱨᱮ ᱠᱚᱸᱥᱟ ᱢᱮᱰᱟᱞ ᱫᱟᱲᱮ ᱞᱮᱱᱟᱭ ᱾ ᱱᱚᱝᱠᱟ ᱨᱮᱠᱚᱰ ᱠᱚ ᱵᱮᱱᱟᱣ ᱟᱛᱮ ᱱᱩᱭ ᱫᱚ ᱦᱚᱲ ᱛᱟᱞᱟ ᱨᱮ ᱥᱤᱨᱡᱟᱣ ᱟᱠᱟᱱᱟᱭ ᱾
ᱥᱩᱱᱤᱛᱟ ᱫᱚᱭ ᱢᱮᱱᱟᱭ ᱡᱮ ᱠᱷᱮᱞ ᱠᱚᱨᱮ ᱱᱟᱯᱟᱭ ᱨᱮᱠᱚᱰ ᱵᱮᱱᱟᱣ ᱞᱟ.ᱜᱤᱱ ᱠᱷᱟᱱ ᱠᱮᱵᱚᱞ ᱢᱳᱴᱤᱵᱷᱮᱥᱚᱱ ᱜᱮ ᱞᱟ.ᱠᱛᱤ ᱟᱱᱤᱡ ᱾ ᱥᱩᱱᱤᱛᱟ ᱫᱚ ᱥᱩᱯᱚᱨᱤᱴᱮᱱᱰᱮᱸᱴ ᱚᱯᱷ ᱯᱳᱞᱤᱥ ᱞᱮᱠᱟᱛᱮ ᱯᱚᱴᱷᱟᱱᱠᱳᱴ,ᱯᱚᱱᱡᱟᱵ ᱨᱮ ᱠᱟ.ᱢᱤ ᱠᱟᱱ ᱛᱟᱦᱮᱸᱫ ᱾
᱒᱐᱐᱒ ᱨᱮᱭᱟᱜ ᱮᱥᱤᱭᱟᱱ ᱜᱮᱢᱥ ᱠᱷᱮᱞ ᱛᱟᱭᱚᱢ ᱥᱩᱱᱤᱛᱟ ᱫᱚ ᱟᱭᱢᱟ ᱞᱮᱠᱟᱱ ᱵᱤᱵᱟ.ᱫᱽ ᱛᱟᱞᱟ ᱛᱮ ᱜᱷᱮᱨᱟᱣ ᱮᱥᱮᱫ ᱞᱮᱱᱟᱭ ᱾ ᱛᱚᱵᱮ ᱡᱤᱛᱠᱟ.ᱨ ᱟᱠᱟᱱ ᱥᱤᱨᱯᱷᱟ. ᱦᱚᱸ ᱠᱚ ᱤᱫᱤ ᱨᱩᱣᱟ.ᱲ ᱞᱮᱫ ᱛᱟᱭᱟ ᱾ ᱱᱩᱭ ᱫᱚ ᱱᱟᱯᱟᱭ ᱫᱷᱟᱨᱟ ᱠᱷᱮᱞ ᱞᱟ.ᱜᱤᱱ ᱫᱟᱲᱮ ᱠᱚ ᱠᱩᱲᱟ.ᱣ ᱵᱟᱠᱷᱨᱟ ᱨᱟᱱ ᱠᱚᱭ ᱡᱚᱢ ᱛᱟᱦᱮᱸᱫ ᱢᱮᱱᱛᱮ ᱠᱚ ᱫᱚᱥ ᱠᱮᱫᱮᱭᱟ ᱾ ᱚᱱᱟ ᱞᱟ.ᱜᱤᱱ ᱱᱩᱭᱟᱜ ᱰᱳᱯ ᱴᱮᱥᱴ ᱠᱚ ᱦᱩᱭ ᱥᱟ.ᱨᱤ ᱞᱮᱱᱟ ᱾ ᱱᱚᱣᱟ ᱵᱟᱠᱷᱨᱟ ᱠᱚ ᱦᱩᱭ ᱟᱠᱟᱱ ᱴᱮᱥᱴ ᱨᱮ ᱫᱚ ᱪᱮᱫ ᱦᱚᱸ ᱚᱝᱠᱟᱱ ᱨᱤᱯᱚᱴ ᱜᱮ ᱵᱟᱝ ᱥᱟ.ᱨᱤ ᱞᱮᱱᱟ ᱾ ᱛᱚᱵᱮ ᱱᱩᱭᱟᱜ ᱤᱱᱴᱚᱨᱱᱮᱥᱱᱟᱞ ᱢᱮᱰᱟᱞ ᱠᱚ ᱪᱟᱞ ᱨᱩᱣᱟ.ᱲ ᱠᱟᱫ ᱛᱟᱭᱟ ᱾
ᱛᱟᱭᱚᱢ ᱛᱮ ᱮᱥᱤᱭᱟ ᱨᱮᱭᱟᱜ ᱚᱞᱚᱢᱯᱤᱠ ᱠᱟᱩᱱᱥᱤᱞ ᱦᱚᱸ ᱱᱚᱣᱟ ᱰᱳᱯ ᱴᱮᱥᱴ ᱨᱤᱯᱚᱴ ᱞᱮᱠᱟᱛᱮ ᱢᱟᱱᱟᱣ ᱵᱟᱛᱟᱣ ᱠᱮᱟᱭ ᱡᱮ, ᱱᱚᱣᱟ ᱠᱚ ᱫᱚ ᱮᱠᱟᱞ ᱮᱲᱮ ᱨᱚᱲ ᱠᱟᱱ ᱜᱮᱭᱟ ᱾ ᱛᱚᱵᱮ ᱓ ᱡᱟᱱᱩᱭᱟᱨᱤ ᱒᱐᱐᱓ ᱨᱮ ᱤᱱᱴᱚᱨᱱᱮᱥᱱᱟᱞ ᱟᱥᱳᱥᱤᱭᱮᱥᱚᱱ ᱚᱯᱷ ᱟᱛᱷᱞᱮᱴᱤᱠᱥ ᱯᱷᱮᱰᱮᱨᱮᱥᱚᱱ ᱫᱚ ᱟᱡᱟᱜ ᱰᱳᱯ ᱴᱮᱥᱴ ᱠᱞᱤᱭᱮᱨ ᱨᱤᱯᱳᱴ ᱮᱢ ᱛᱟᱭᱚᱢ ᱟᱡᱟᱜ ᱢᱮᱰᱟᱞ ᱦᱚᱸ ᱠᱚ ᱮᱴ ᱨᱩᱣᱟ.ᱲ ᱠᱟᱫ ᱛᱟᱭᱟ ᱾ ᱔ ᱯᱷᱮᱵᱨᱩᱭᱟᱨᱤ ᱒᱐᱐᱓ ᱨᱮ ᱵᱷᱟᱨᱚᱛ ᱥᱚᱨᱠᱟᱨ ᱢᱤᱫ 'Restoration of Medals' ᱧᱩᱛᱩᱢ ᱟᱱᱤᱡ ᱢᱤᱫ ceremony ᱦᱮᱯᱨᱟᱣ ᱠᱟᱛᱮ ᱟᱡᱟᱜ ᱢᱮᱰᱟᱞ ᱠᱚ ᱨᱩᱣᱟᱲ ᱠᱟᱫ ᱛᱟᱭᱟ ᱾
ᱪᱷᱟᱸᱪ:Footer Asian Games Champions 1500 metres Women
This biographical article relating to Indian athletics is a stub. You can help Wikipedia by expanding it. |
This article uses material from the Wikipedia ᱥᱟᱱᱛᱟᱲᱤ article ᱥᱩᱱᱤᱛᱟ ᱨᱟᱱᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.