ᱥᱚᱞᱢᱟᱱ ᱠᱷᱟᱱ (ᱡᱟᱱᱟᱢ ᱒᱗ ᱰᱤᱥᱮᱢᱵᱚᱨ ᱑᱙᱖᱕) ᱫᱚ ᱵᱚᱞᱤᱣᱩᱰ ᱠᱷᱮᱞᱚᱸᱰᱤᱭᱟᱹ ᱟᱨ ᱫᱤᱥᱟᱹᱫᱩᱜᱼᱤᱭᱟᱹ ᱠᱟᱱᱟᱭ ᱾ ᱟᱡᱟᱜ ᱚᱥᱚᱞ ᱧᱩᱛᱩᱢ ᱫᱚ ᱚᱵᱽᱫᱩᱞ ᱨᱚᱥᱤᱫᱽ ᱥᱚᱞᱤᱢ ᱥᱚᱞᱢᱟᱱ ᱠᱷᱟᱱ ᱾ ᱟᱡ ᱨᱤᱱ ᱥᱟᱨᱦᱟᱣᱤᱭᱟᱹ ᱠᱚ ᱴᱷᱮᱱ ᱩᱱᱤ ᱫᱚ ᱥᱚᱞᱞᱩ, ᱥᱚᱞᱞᱩ ᱢᱤᱭᱟᱸ ᱟᱨ ᱵᱷᱟᱭᱡᱟᱱ ᱢᱮᱱᱛᱮ ᱩᱯᱨᱩᱢᱚᱜᱼᱟᱭ ᱾ ᱠᱚᱧᱮ ᱮᱥᱤᱭᱟ ᱵᱟᱫᱽ ᱠᱟᱛᱮ ᱜᱚᱴᱟ ᱨᱮ ᱟᱡ ᱨᱤᱱ ᱥᱟᱨᱦᱟᱤᱭᱟᱹ (FAN) ᱢᱮᱱᱟᱜ ᱠᱚ ᱛᱟᱭᱟ ᱾
ᱥᱚᱞᱢᱟᱱ ᱠᱷᱟᱱ | |
---|---|
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱚᱵᱽᱫᱩᱞ ᱨᱚᱥᱤᱫᱽ ᱥᱚᱞᱤᱢ ᱥᱚᱞᱢᱟᱱ ᱠᱷᱟᱱ ᱒᱗ ᱰᱤᱥᱮᱢᱵᱚᱨ ᱑᱙᱖᱕ ᱤᱱᱫᱚᱨ, ᱢᱚᱫᱷᱭᱚ ᱯᱨᱚᱫᱮᱥ, ᱥᱤᱧᱚᱛ |
ᱚᱲᱟᱜ | ᱢᱩᱢᱵᱟᱭ, ᱢᱟᱦᱟᱨᱟᱥᱴᱨᱚ, ᱥᱤᱧᱚᱛ |
ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
ᱠᱟᱹᱢᱤ | ᱮᱠᱴᱚᱨ, ᱯᱷᱤᱞᱢ ᱯᱨᱚᱰᱭᱩᱥᱚᱨ, Television personality,ᱥᱮᱨᱮᱧ ᱥᱤᱠᱟᱹᱨᱤᱭᱟᱹ,ᱯᱷᱤᱞᱟᱱᱴᱨᱚᱯᱤᱥᱴ |
ᱠᱟᱹᱢᱤ ᱚᱠᱛᱚ | ᱑᱙᱘᱘–ᱱᱤᱛᱦᱟᱹᱵᱤᱡ |
ᱟᱯᱟᱛ ᱮᱸᱜᱟᱛ | ᱥᱚᱞᱤᱢ ᱠᱷᱟᱱ (ᱟᱯᱟᱛ) ᱥᱩᱥᱤᱲᱟ ᱪᱚᱨᱚᱠᱚ (ᱮᱸᱜᱟᱛ) |
ᱯᱮᱲᱟ ᱥᱟᱹᱜᱟᱹᱭᱟᱱᱠᱚ | ᱧᱮᱞᱢᱮ ᱠᱷᱟᱱ ᱜᱷᱟᱨᱚᱡᱽ |
᱑᱙᱘᱘ ᱥᱟᱹᱦᱤᱛ ᱨᱮ "ᱵᱤᱣᱤ ᱦᱚ ᱛᱚ ᱮᱭᱥᱤ" ᱯᱷᱤᱞᱢ ᱠᱷᱚᱱ ᱟᱡᱟᱜ ᱠᱮᱨᱤᱭᱚᱨ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱚᱱᱟ ᱫᱚᱥᱟᱨ ᱥᱮᱨᱢᱟ ᱮᱱᱟᱝ ᱥᱩᱨᱚᱡ ᱵᱚᱰᱡᱟᱛᱟᱜ ᱢᱮᱱᱮ ᱯᱤᱭᱟᱨ ᱠᱤᱭᱟ ᱯᱷᱤᱞᱢ ᱠᱮᱨᱤᱭᱚᱨ ᱨᱮ ᱱᱟᱶᱟ ᱢᱚᱸᱦᱰᱟ ᱦᱮᱡᱞᱮᱱ ᱛᱟᱭᱟ ᱾ ᱚᱱᱟ ᱛᱟᱭᱚᱢ "ᱦᱟᱢ ᱟᱯᱠᱮ ᱦᱮ ᱠᱚᱣᱱ" (᱑᱙᱙᱔), "ᱠᱚᱨᱚᱱ ᱚᱨᱡᱩᱱ" (᱑᱙᱙᱕),"ᱵᱤᱣᱤ ᱱᱚᱢᱵᱚᱨ ᱑" (᱑᱙᱙᱙), "ᱦᱟᱢ ᱥᱟᱛ ᱥᱟᱛ ᱦᱮ" (᱑᱙᱙᱙) ᱞᱮᱠᱟᱱ ᱦᱤᱴ ᱯᱷᱤᱞᱢ ᱮᱢ ᱠᱟᱛᱮ ᱥᱩᱯᱚᱨᱥᱴᱟᱨ ᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ "ᱠᱩᱪᱷ ᱠᱩᱪᱷ ᱦᱚᱛᱟ ᱦᱮ" ᱯᱷᱤᱞᱢ ᱞᱟᱹᱜᱤᱫ ᱥᱚᱨᱮᱥ ᱥᱚᱦᱮᱫ ᱮᱠᱴᱚᱨ ᱞᱮᱠᱟᱛᱮ ᱯᱷᱤᱞᱢ ᱯᱷᱮᱭᱟᱨ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱛᱤᱢᱤᱱ ᱥᱮᱨᱢᱟ ᱜᱟᱱ ᱰᱩᱵ ᱮᱱ ᱛᱟᱭᱚᱢ ᱟᱨ ᱫᱚᱲᱦᱟ "ᱫᱚᱵᱚᱝ" ᱯᱷᱤᱞᱢ ᱨᱮ ᱥᱮᱫᱟᱭᱟᱜ ᱨᱟᱹᱥ ᱮ ᱧᱟᱢ ᱨᱩᱣᱟᱹᱲ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ "ᱵᱚᱰᱤᱜᱟᱨᱰ" (᱒᱐᱑᱑), "ᱮᱠ ᱛᱷᱟ ᱴᱟᱭᱜᱚᱨ" (᱒᱐᱑᱒), "ᱠᱤᱠ" (᱒᱐᱑᱔), "ᱵᱚᱡᱽᱨᱚᱝᱜᱤ ᱵᱷᱟᱭᱡᱟᱱ" (᱒᱐᱑᱕) ᱮᱢᱟᱱ ᱦᱤᱴ ᱯᱷᱤᱞᱢ ᱮ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱾ ᱯᱷᱤᱞᱢ ᱫᱩᱱᱤᱭᱟᱹ ᱨᱮ ᱟᱡᱟᱜ ᱮᱱᱮᱢ ᱞᱟᱹᱜᱤᱫ ᱩᱱᱤ ᱫᱚ ᱢᱚᱱᱮᱵᱦᱩᱞᱟᱹᱣ ᱨᱮ ᱨᱟᱡᱤᱵᱽ ᱜᱟᱱᱫᱷᱤ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾
ᱯᱷᱤᱞᱢ ᱨᱮᱱ ᱮᱠᱴᱚᱨ ᱵᱟᱫᱽ ᱠᱟᱛᱮ ᱩᱱᱤ ᱫᱚ ᱢᱤᱫ ᱥᱟᱶᱛᱟ ᱫᱚᱨᱚᱫᱤᱭᱟᱹ ᱦᱚᱸ ᱠᱟᱱᱟᱭ ᱾ "ᱵᱤᱝ ᱦᱭᱩᱢᱮᱱ" ᱜᱟᱶᱛᱟ ᱫᱟᱨᱟᱭ ᱛᱮ ᱟᱭᱢᱟ ᱨᱮᱸᱜᱮᱡ ᱦᱚᱲ ᱠᱚᱭ ᱜᱚᱲᱚᱣᱟᱠᱚ ᱠᱟᱱᱟ ᱾
ᱥᱚᱞᱢᱟᱱ ᱫᱚ ᱒᱗ ᱰᱤᱥᱮᱢᱵᱚᱨ ᱑᱙᱖᱕ ᱥᱟᱞᱮ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱡᱤᱡ ᱟᱯᱟᱛ ᱫᱚ ᱥᱚᱞᱤᱢ ᱠᱷᱟᱱ ᱟᱨ ᱮᱸᱜᱟᱛ ᱥᱩᱥᱤᱲᱟ ᱪᱚᱨᱚᱠᱚ (ᱛᱟᱭᱚᱢᱛᱮ ᱥᱚᱞᱢᱟ ᱠᱷᱟᱱ) ᱾ ᱮᱸᱜᱟᱛ ᱫᱚ ᱦᱤᱱᱫᱩ ᱫᱷᱚᱨᱚᱢ ᱨᱤᱱᱤᱡ ᱠᱟᱱᱟᱭ ᱟᱨ ᱟᱯᱟᱛ ᱫᱚ ᱢᱩᱥᱞᱟᱹ ᱾ ᱥᱟᱞᱢᱟᱱ ᱫᱚ ᱚᱱᱟᱛᱮ ᱵᱟᱱᱟᱨ ᱦᱤᱱᱫᱩ ᱟᱨ ᱢᱩᱥᱞᱤᱢ ᱢᱮᱱᱛᱮ ᱞᱟᱹᱭᱩᱜᱼᱟᱭ ᱾ ᱟᱡᱤᱡ ᱠᱟᱹᱠᱤ ᱟᱭᱳ ᱫᱚ ᱦᱮᱞᱮᱱ ᱾ ᱟᱡᱨᱤᱱ ᱵᱟᱨ ᱵᱚᱭᱦᱟ ᱺ ᱟᱨᱵᱟᱡᱽ ᱠᱷᱟᱱ ᱟᱨ ᱥᱚᱦᱮᱞ ᱠᱷᱟᱱ, ᱵᱟᱨᱭᱟ ᱢᱤᱥᱨᱟ ᱺ ᱟᱞᱵᱷᱤᱨᱟ ᱠᱷᱟᱱ ᱟᱨ ᱚᱨᱯᱤᱛᱟ ᱠᱷᱟᱱ ᱢᱮᱱᱟᱜ ᱠᱚᱣᱟ ᱾ ᱟᱠᱚᱨᱤᱱ ᱢᱟᱨᱮ ᱦᱟᱯᱲᱟᱢ ᱫᱚ ᱟᱯᱷᱜᱟᱱᱤᱥᱛᱟᱱ ᱠᱷᱚᱱ ᱤᱱᱫᱚᱨ ᱛᱮ ᱠᱚ ᱦᱮᱡ ᱞᱮᱱ ᱛᱟᱦᱮᱸᱫ ᱾ ᱥᱚᱞᱢᱟᱱ ᱫᱚ ᱟᱡᱨᱤᱱ ᱵᱚᱭᱦᱟ ᱠᱚ ᱥᱟᱶ ᱥᱮᱸᱱᱴ ᱥᱴᱟᱱᱥᱤᱞᱚᱥ ᱩᱥᱩᱞ ᱵᱤᱨᱫᱟᱹᱜᱟᱲ ᱨᱮ ᱯᱟᱲᱦᱟᱣ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱮᱞᱯᱷᱤᱱᱥᱴᱚᱱ ᱵᱤᱨᱫᱟᱹᱜᱟᱲ ᱨᱮ ᱯᱟᱲᱦᱟᱣ ᱞᱮᱱᱟᱭ ᱾
This article uses material from the Wikipedia ᱥᱟᱱᱛᱟᱲᱤ article ᱥᱚᱞᱢᱟᱱ ᱠᱷᱟᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.