ᱡᱚᱭᱞᱚᱲᱤᱛᱟ ᱡᱚᱭᱨᱟᱢ (᱒᱔ ᱯᱷᱮᱵᱨᱩᱣᱟᱨᱤ ᱑᱙᱔᱘ - ᱕ ᱰᱤᱥᱮᱢᱵᱚᱨ) ᱫᱚ ᱢᱤᱫ ᱵᱷᱟᱨᱚᱛᱤᱭᱟᱹ ᱵᱟᱛᱷᱟ ᱪᱤᱛᱟᱹᱨ ᱟᱰᱚᱦᱤ, ᱟᱠᱴᱨᱮᱥ ᱟᱨ ᱨᱟᱡᱽᱱᱮᱛᱟᱭ ᱛᱟᱦᱮᱸ ᱠᱟᱱᱟ ᱾ ᱛᱟᱢᱤᱞᱱᱟᱰᱩ ᱨᱮ ᱢᱚᱬᱮ ᱫᱷᱟᱣ ᱑᱙᱙᱑ ᱠᱷᱚᱱᱟᱜ ᱒᱐᱑᱖ ᱵᱷᱤᱛᱨᱤ ᱨᱮ ᱑᱔ ᱵᱚᱪᱷᱚᱨ ᱨᱮ ᱠᱟᱹᱢᱤ ᱞᱮᱜᱼᱟ ᱾ ᱑᱙᱘᱙ ᱥᱟᱞ ᱨᱮ ᱫᱨᱟᱵᱤᱰ ᱫᱚᱞ (ᱚᱠᱷᱤᱞ ᱵᱷᱟᱨᱚᱛᱤᱭᱚ ᱟᱱᱱᱟ ᱫᱨᱟᱵᱤᱰ ᱢᱩᱱᱮᱛᱨᱚ ᱠᱚᱲᱜᱚᱢ) ᱮ ᱵᱮᱱᱟᱣ ᱞᱣᱜᱼᱟ ᱟᱨ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱟᱡ ᱨᱮᱱ ᱥᱚᱯᱚᱦᱚᱫ ᱠᱚᱫᱚ ᱟᱡ ᱟᱢᱢᱟ (ᱟᱭᱳ), ᱯᱩᱨᱪᱤ ᱛᱟᱞᱟᱭᱵᱤ (ᱦᱩᱞᱜᱟᱹᱨᱤᱭᱟᱹ ᱱᱮᱛᱟ) ᱟᱨ ᱛᱟᱢᱤᱞᱱᱟᱰᱩ ᱨᱮᱱᱤᱡ ᱢᱮᱬᱦᱮᱫ ᱢᱟᱹᱱᱢᱤ ᱢᱮᱱᱛᱮ ᱠᱚ ᱢᱮᱛᱟᱭᱟ ᱾
ᱡᱮ ᱡᱚᱭᱞᱚᱲᱤᱛᱟ | |
---|---|
ஜெ ஜெயலலிதா | |
ᱛᱟᱢᱤᱞᱱᱟᱰᱩ ᱨᱮᱱᱤᱡ ᱢᱩᱠᱷᱤᱭᱟᱹ ᱢᱚᱱᱛᱨᱤ | |
ᱟᱹᱢᱟᱹᱞᱤ ᱨᱮ ᱒᱓ ᱢᱮ ᱒᱐᱑᱕ – ᱕ ᱰᱤᱥᱮᱢᱵᱚᱨ ᱒᱐᱑᱖ | |
ᱯᱚᱱᱚᱛᱤᱭᱟᱹ | ᱥᱤ ᱵᱤᱫᱽᱭᱟᱥᱟᱜᱚᱨ ᱨᱟᱣ |
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱳ ᱯᱚᱱᱤᱨᱥᱮᱞᱵᱷᱚᱢ |
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱳ ᱯᱚᱱᱤᱨᱥᱮᱞᱵᱷᱚᱢ |
ᱵᱟᱪᱱᱟᱣ ᱮᱞᱮᱠᱟ | ᱫᱚ ᱨᱟᱫᱷᱟᱠᱨᱩᱥᱱᱚ ᱱᱚᱜᱚᱨ |
ᱟᱹᱢᱟᱹᱞᱤ ᱨᱮ ᱑᱖ ᱢᱮ ᱒᱐᱑᱑ – ᱒᱗ ᱥᱮᱯᱴᱮᱢᱵᱚᱨ ᱒᱐᱑᱔ | |
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱠᱚᱨᱩᱬᱟᱱᱤᱫᱷᱤ |
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱳ ᱯᱚᱱᱤᱨᱥᱮᱞᱵᱷᱚᱢ |
ᱵᱟᱪᱱᱟᱣ ᱮᱞᱮᱠᱟ | ᱥᱨᱤᱨᱚᱝᱜᱚᱢ |
ᱟᱹᱢᱟᱹᱞᱤ ᱨᱮ ᱒ ᱢᱟᱨᱪ ᱒᱐᱐᱒ – ᱑᱒ ᱢᱮ ᱒᱐᱐᱖ | |
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱳ ᱯᱚᱱᱤᱨᱥᱮᱞᱵᱷᱚᱢ |
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱠᱚᱨᱩᱬᱟᱱᱤᱫᱷᱤ |
ᱵᱟᱪᱱᱟᱣ ᱮᱞᱮᱠᱟ | ᱚᱱᱰᱤᱯᱚᱴᱴᱤ |
ᱟᱹᱢᱟᱹᱞᱤ ᱨᱮ ᱑᱔ ᱢᱮ ᱒᱐᱐᱑ – ᱒᱑ ᱥᱮᱯᱴᱮᱢᱵᱚᱨ ᱒᱐᱐᱑ | |
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱠᱚᱨᱩᱬᱟᱱᱤᱫᱷᱤ |
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱳ ᱯᱚᱱᱤᱨᱥᱮᱞᱵᱷᱚᱢ |
ᱵᱟᱪᱱᱟᱣ ᱮᱞᱮᱠᱟ | Did not contest |
ᱟᱹᱢᱟᱹᱞᱤ ᱨᱮ ᱒᱔ ᱡᱩᱱ ᱑᱙᱙᱑ – ᱑᱒ ᱢᱮ ᱑᱙᱙᱖ | |
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱫᱤᱥᱚᱢ ᱜᱚᱢᱠᱮ ᱥᱟᱥᱚᱱ |
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱠᱚᱨᱩᱬᱟᱱᱤᱫᱷᱤ |
ᱵᱟᱪᱱᱟᱣ ᱮᱞᱮᱠᱟ | ᱵᱚᱨᱜᱩᱨ |
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
ᱡᱟᱱᱟᱢ | ᱡᱚᱭᱞᱚᱲᱤᱛᱟ ᱠᱚᱢᱚᱲᱚᱵᱚᱞᱞᱤ ᱒᱔ ᱯᱷᱮᱵᱽᱨᱩᱣᱟᱨᱤ ᱑᱙᱔᱘ ᱢᱟᱱᱰᱭᱟ, ᱢᱚᱭᱥᱩᱨ ᱯᱚᱱᱚᱛ, ᱵᱷᱟᱨᱚᱛ |
ᱜᱩᱨ | ᱐᱕ ᱰᱤᱥᱮᱢᱵᱚᱨ ᱒᱐᱑᱖ (᱖᱘ ᱵᱚᱭᱚᱥ) ᱪᱮᱱᱱᱟᱭ, ᱛᱟᱢᱤᱞᱱᱟᱰᱩ |
ᱨᱟᱡᱽᱟᱹᱨᱤ ᱫᱚᱞ | ᱵᱷᱟᱨᱚᱛ ᱡᱟᱠᱟᱛ ᱚᱱᱱᱟ ᱫᱨᱟᱵᱤᱰ ᱢᱩᱱᱮᱛᱨᱚ ᱠᱚᱰᱜᱚᱢ |
ᱠᱟᱹᱢᱤ | ᱵᱟᱰᱚᱦᱤ, ᱨᱟᱡᱽᱱᱮᱛᱟ |
ᱫᱷᱚᱨᱚᱢ | ᱦᱤᱱᱫᱩ ᱫᱷᱚᱨᱚᱢ |
᱒᱐᱑᱑ ᱥᱟᱞ ᱨᱮ ᱛᱟᱢᱤᱞᱱᱟᱰᱩ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱚᱱ ᱨᱮ ᱰᱤ ᱮᱢ ᱠᱮ ᱥᱟᱶ ᱥᱟᱹᱜᱟᱹᱭ ᱛᱚᱯᱟᱜ ᱠᱟᱛᱮ ᱮ ᱟᱭ ᱰᱤ ᱮᱢ ᱠᱮ ᱥᱚᱨᱠᱟᱨ ᱮ ᱵᱮᱱᱟᱣ ᱞᱮᱜᱼᱟ ᱾ ᱯᱩᱱᱟᱹᱜ ᱫᱷᱟᱣ ᱞᱟᱹᱜᱤᱫ ᱵᱟᱪᱷᱚᱱ ᱮ ᱡᱤᱛᱠᱟᱹᱨ ᱞᱮᱱ ᱠᱷᱟᱹᱛᱤᱨ ᱥᱟᱶᱛᱟ ᱞᱟᱦᱟ ᱠᱷᱟᱹᱛᱤᱨ ᱟᱹᱰᱤ ᱜᱟᱱ ᱡᱚᱡᱚᱱᱟᱭ ᱜᱷᱚᱥᱚᱬᱟ ᱞᱮᱜᱼᱟ ᱾ ᱛᱚᱵᱮ ᱟᱡᱟᱜ ᱯᱮ ᱥᱮᱨᱢᱟ ᱨᱮᱭᱟᱜ ᱥᱟᱥᱚᱱ ᱛᱟᱭᱚᱢ ᱠᱚᱨᱴ ᱟᱭ ᱠᱷᱚᱱ ᱵᱟᱹᱲᱛᱤ ᱥᱚᱢᱯᱚᱛᱤ ᱫᱚᱦᱚᱭ ᱢᱟᱢᱞᱟ ᱛᱮ ᱫᱩᱥᱤ ᱢᱮᱱᱛᱮ ᱠᱚ ᱞᱮᱠᱷᱟ ᱠᱮᱫᱮᱭᱟ ᱟᱨ ᱢᱩᱠᱦᱤᱭᱟᱹ ᱢᱚᱱᱛᱨᱤ ᱠᱷᱚᱱ ᱠᱚ ᱥᱟᱦᱟ ᱠᱮᱫᱮᱭᱟ ᱾ ᱤᱨᱟᱹᱞ ᱪᱟᱸᱫᱚ ᱛᱟᱭᱚᱢ ᱒᱓ ᱫᱤᱱ ᱡᱮᱞ ᱨᱮ ᱛᱟᱦᱮᱸᱭᱮᱱ ᱛᱟᱭᱚᱢ ᱠᱚᱨᱱᱟᱴᱚᱠ ᱦᱟᱭᱠᱚᱨᱴ ᱟᱡᱟᱜ ᱡᱚᱛᱚ ᱫᱚᱥ ᱮ ᱥᱟᱦᱟ ᱞᱮᱜᱼᱟ ᱾ ᱚᱱᱟ ᱛᱟᱭᱚᱢ ᱒᱐᱑᱕ ᱥᱟᱞ ᱢᱮ ᱨᱮ ᱡᱚᱭᱞᱚᱲᱤᱛᱟ ᱫᱚᱦᱲᱟᱭ ᱢᱩᱠᱷᱤᱭᱟᱹ ᱢᱚᱱᱛᱨᱤᱭᱮᱱᱟ ᱾ ᱒᱐᱑᱖ ᱥᱟ ᱵᱟᱪᱷᱚᱱ ᱨᱮ ᱡᱤᱛᱠᱟᱹᱨ ᱠᱟᱛᱮ ᱫᱚᱦᱲᱟ ᱟᱨᱦᱚᱸᱭ ᱢᱩᱠᱷᱤᱭᱟᱹ ᱢᱚᱱᱛᱨᱤᱭᱮᱱᱟ ᱾ ᱚᱱᱟ ᱥᱮᱨᱢᱟ ᱜᱮ ᱟᱡᱟᱜ ᱦᱚᱲᱢᱚ ᱟᱹᱰᱤ ᱴᱮᱫ ᱠᱷᱟᱨᱟᱯᱮᱱ ᱛᱮ ᱗᱕ ᱢᱟᱦᱟᱸ ᱦᱟᱹᱵᱤᱡ ᱦᱟᱥᱯᱟᱛᱟᱞ ᱨᱮ ᱵᱷᱩᱨᱛᱤᱭᱮᱱᱟ ᱾ ᱒᱐᱑᱖ ᱥᱟᱞ ᱰᱤᱥᱮᱢᱵᱚᱨ ᱕ ᱢᱟᱹᱦᱤᱛ ᱦᱤᱞᱚᱜ ᱦᱟᱨᱴ ᱟᱴᱟᱠ ᱛᱮ ᱡᱤᱣᱤ ᱛᱟᱭ ᱪᱟᱞᱟᱣ ᱞᱮᱱᱟ ᱾
This article uses material from the Wikipedia ᱥᱟᱱᱛᱟᱲᱤ article ᱡᱚᱭᱞᱚᱲᱤᱛᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.