ᱡᱚᱫᱷᱯᱩᱨ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ
ᱡᱚᱫᱷᱯᱩᱨ ᱨᱮᱞᱣᱮ ᱥᱴᱮᱥᱚᱱ (ᱥᱴᱮᱥᱚᱱ ᱠᱳᱰ:- JU) ᱫᱚ ᱨᱟᱡᱚᱥᱛᱷᱟᱱ ᱨᱮᱱᱟᱜ ᱡᱚᱫᱷᱯᱩᱨ ᱨᱮ ᱢᱮᱱᱟᱜ ᱢᱤᱫ ᱢᱩᱬ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ ᱾ ᱨᱮᱞᱣᱮ ᱥᱴᱮᱥᱚᱱ ᱫᱚ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱱᱟᱜ ᱠᱚᱧᱮ ᱯᱟᱪᱮ ᱨᱮᱞᱣᱮ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱨᱮ ᱢᱮᱱᱟᱜᱼᱟ ᱾
ᱡᱚᱫᱷᱯᱩᱨ | |
|---|---|
 ᱮᱠᱥᱯᱨᱮᱥ ᱴᱨᱮᱱ ᱟᱨ ᱯᱟᱥᱮᱱᱡᱚᱨ ᱴᱨᱮᱱ ᱥᱴᱮᱥᱚᱱ | |
 | |
| ᱢᱮᱱᱮᱞᱟ ᱠᱟᱛᱷᱟ | |
| ᱴᱷᱟᱶ | ᱡᱚᱫᱷᱯᱩᱨ, ᱨᱟᱡᱚᱥᱛᱷᱟᱱ ᱥᱤᱧᱚᱛ |
| ᱚᱛᱱᱚᱜ ᱴᱷᱟᱶ | 26°16′59″N 73°01′21″E / 26.28306°N 73.02250°E 73°01′21″E / 26.28306°N 73.02250°E |
| ᱩᱥᱩᱞ | 241 m (791 ft) |
| ᱢᱟᱹᱞᱤᱠ ᱛᱟᱹᱨᱤ ᱨᱮ | ᱥᱤᱧᱚᱛᱤᱭᱟᱹ ᱨᱮᱞᱣᱮ |
| ᱪᱟᱪᱟᱣ | ᱠᱚᱧᱮ ᱯᱟᱪᱮ ᱨᱮᱞᱣᱮ ᱴᱚᱴᱷᱟ |
| ᱞᱟᱭᱤᱱ (ᱠᱚ) | ᱡᱚᱫᱷᱯᱩᱨ–ᱡᱮᱭᱥᱟᱞᱢᱮᱨ ᱞᱟᱭᱤᱱ ᱡᱚᱫᱷᱯᱩᱨ–ᱞᱩᱱᱤ ᱥᱮᱠᱥᱚᱱ ᱡᱚᱫᱷᱯᱩᱨ–ᱵᱷᱟᱴᱷᱤᱱᱰᱟ ᱞᱟᱭᱤᱱ |
| ᱯᱞᱮᱴᱯᱷᱚᱨᱢ | ᱕ |
| ᱴᱨᱮᱠ | ᱗ |
| ᱡᱚᱲᱟᱣ | ᱴᱮᱠᱥᱤ ᱥᱴᱮᱸᱰ, ᱚᱴᱳ ᱨᱤᱠᱥᱟ |
| ᱵᱮᱱᱟᱣ | |
| ᱜᱚᱲᱦᱚᱱ ᱨᱮᱭᱟᱜ ᱫᱷᱚᱨᱚᱱ | At ᱜᱨᱮᱰ |
| ᱯᱟᱨᱠᱤᱝ | ᱢᱮᱱᱟᱜᱼᱟ |
| ᱮᱴᱟᱜ ᱠᱟᱛᱷᱟ ᱠᱚ | |
| ᱦᱟᱞᱚᱛ | ᱠᱟᱹᱢᱤᱦᱚᱨᱟ |
| ᱥᱴᱮᱥᱚᱱ ᱠᱳᱰ | JU |
| ᱴᱚᱴᱷᱟ (ᱠᱚ) | ᱠᱚᱧᱮ ᱯᱟᱪᱮ ᱨᱮᱞᱣᱮ ᱴᱚᱴᱷᱟ |
| ᱦᱟᱹᱴᱤᱧ(ᱠᱚ) | ᱡᱚᱫᱷᱯᱩᱨ |
| ᱣᱮᱵᱽᱥᱟᱭᱤᱴ | https://jodhpurstation.in |
| ᱱᱟᱜᱟᱢ | |
| ᱪᱟᱹᱞᱩ | ᱑᱘᱘᱕ |
| ᱤᱞᱮᱠᱴᱨᱤᱯᱷᱤᱠᱮᱥᱚᱱ | ᱢᱮᱱᱟᱜᱼᱟ |
| ᱯᱟᱥᱮᱱᱡᱚᱨ | |
| ᱑᱗᱖᱐᱐᱐/ᱫᱤᱱᱟᱹᱢ ᱦᱤᱞᱚᱜ | |
| ᱴᱷᱟᱶ | |
  ᱡᱚᱫᱷᱯᱩᱨ ᱨᱮᱞᱣᱮ ᱥᱴᱮᱥᱚᱱ ᱨᱟᱡᱚᱥᱛᱷᱟᱱ ᱨᱮ ᱴᱷᱟᱶ | |
ᱱᱟᱜᱟᱢ
ᱡᱚᱫᱷᱯᱩᱨ ᱨᱮᱞᱣᱮ ᱥᱴᱮᱥᱚᱱ ᱫᱚ ᱑᱘᱘᱕ ᱥᱟᱞᱮ ᱨᱮ ᱱᱟᱣᱟ ᱡᱚᱫᱷᱯᱩᱨ ᱨᱮᱞᱣᱮ ᱨᱮᱱᱟᱜ ᱴᱚᱴᱷᱟ ᱨᱮ ᱮᱦᱚᱵ ᱞᱮᱱᱟ ᱛᱟᱦᱮᱸᱫ, ᱯᱩᱭᱞᱩ ᱨᱮᱞ ᱫᱚ ᱙ ᱢᱟᱨᱪ ᱑᱘᱘᱕ ᱥᱟᱞᱮ ᱨᱮ ᱡᱚᱫᱷᱯᱩᱨ ᱠᱷᱚᱱ ᱞᱩᱬᱤ ᱫᱷᱟᱹᱨᱤᱡ ᱪᱟᱞᱟᱣ ᱞᱮᱱᱟ ᱛᱟᱦᱮᱸᱫ ᱾ ᱱᱟᱣᱟ ᱡᱚᱫᱷᱯᱩᱨ ᱨᱮᱞᱣᱮ ᱫᱚ ᱛᱟᱭᱚᱢ ᱛᱮ ᱵᱤᱠᱟᱱᱮᱨ ᱨᱮᱞᱣᱮ ᱥᱟᱶ ᱢᱮᱥᱟ ᱠᱟᱛᱮ ᱑᱘᱘᱙ ᱥᱟᱞᱮ ᱨᱮ ᱡᱚᱫᱷᱯᱩᱨ-ᱵᱤᱠᱟᱱᱮᱨ ᱨᱮᱞᱣᱮ ᱵᱮᱱᱟᱣ ᱞᱮᱱᱟ ᱾ ᱢᱤᱫᱴᱟᱹᱝ ᱨᱮᱞ ᱞᱟᱭᱤᱱ ᱯᱩᱨᱟᱹᱣ ᱮᱱᱟ ᱾ ᱑᱘᱙᱑ ᱥᱟᱞᱮ ᱨᱮ ᱡᱚᱫᱷᱯᱩᱨ ᱟᱨ ᱵᱤᱠᱟᱱᱮᱨ ᱛᱟᱞᱟ ᱨᱮ, ᱛᱟᱭᱚᱢ ᱛᱮ ᱑᱙᱐᱐ ᱥᱟᱞᱮ ᱨᱮ, ᱱᱚᱣᱟ ᱡᱚᱫᱷᱯᱩᱨ-ᱦᱟᱭᱫᱽᱨᱟᱵᱟᱫᱽ ᱨᱮᱞᱣᱮ (ᱱᱚᱣᱟ ᱨᱮᱞᱣᱮ ᱨᱮᱱᱟᱜ ᱠᱤᱪᱷᱩ ᱦᱟᱹᱴᱤᱧ ᱫᱚ ᱯᱟᱠᱤᱥᱛᱟᱱ ᱨᱮ ᱢᱮᱱᱟᱜᱼᱟ) ᱥᱟᱶ ᱡᱚᱲᱟᱣ ᱞᱮᱱᱟ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱥᱤᱱᱫᱷ ᱯᱨᱚᱫᱮᱥ ᱨᱮᱱᱟᱜ ᱦᱟᱭᱫᱽᱨᱟᱵᱟᱫᱽ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱛᱟᱭᱚᱢ ᱛᱮ ᱑᱙᱒᱔ ᱥᱟᱞ ᱨᱮ ᱡᱚᱫᱷᱯᱩᱨ ᱟᱨ ᱵᱤᱠᱟᱱᱮᱨ ᱨᱮᱞᱣᱮ ᱫᱚ ᱯᱷᱩᱨᱜᱟᱹᱞ ᱨᱮᱞᱣᱮ ᱞᱮᱠᱟᱛᱮ ᱠᱟᱹᱢᱤ ᱞᱮᱜᱼᱟ ᱾ ᱯᱷᱩᱨᱜᱟᱹᱞ ᱛᱟᱭᱚᱢ, ᱡᱚᱫᱷᱯᱩᱨ ᱨᱮᱞᱣᱮ ᱨᱮᱱᱟᱜ ᱢᱤᱫ ᱴᱷᱟᱶ ᱯᱟᱪᱮ ᱯᱟᱠᱤᱥᱛᱟᱱ ᱨᱮ ᱪᱟᱞᱟᱣ ᱮᱱᱟ (ᱡᱚᱫᱷᱯᱩᱨ ᱨᱮᱞᱣᱮ ᱥᱴᱮᱥᱚᱱ ᱟᱨ ᱠᱟᱹᱢᱤᱦᱚᱨᱟ ᱨᱮᱱᱟᱜ ᱢᱩᱬ ᱴᱷᱟᱶ ᱛᱟᱦᱮᱸ ᱠᱟᱱᱟ, ᱑᱙᱑᱗ ᱠᱷᱚᱱ ᱑᱙᱕᱖ ᱥᱟᱞ ᱫᱷᱟᱹᱨᱤᱡ ᱥᱤᱵᱷᱱᱟᱛᱷ ᱡᱤ ᱵᱷᱟᱠᱨᱮᱪᱟ ᱟᱨ ᱥᱤᱧᱚᱛ ᱨᱮ ᱯᱩᱭᱞᱩ ᱠᱚᱲᱟ ᱞᱮᱠᱟᱛᱮ ᱕ ᱱᱚᱢᱵᱚᱨ ᱳᱥᱤ ᱠᱳᱪ ᱟᱨᱦᱚᱸ ᱰᱷᱮᱨ ᱠᱳᱪ ᱵᱮᱱᱟᱣ ᱮᱱᱟ ᱟᱨ ᱥᱤᱵᱷᱱᱟᱛᱷ ᱡᱤ ᱫᱚ ᱟᱹᱰᱤ ᱫᱟᱲᱮ ᱦᱚᱲ ᱠᱟᱱᱟᱭ) ᱾
ᱧᱮᱱᱮᱞ
ᱡᱚᱫᱷᱯᱩᱨ ᱨᱮᱞᱣᱮ ᱥᱴᱮᱥᱚᱱ ᱨᱮ ᱕ ᱜᱚᱴᱟᱝ ᱯᱞᱮᱴᱯᱷᱚᱨᱢ ᱟᱨ ᱖ ᱜᱚᱴᱟᱝ ᱴᱨᱮᱠ ᱢᱮᱱᱟᱜᱼᱟ ᱾ ᱢᱩᱬ ᱡᱚᱫᱷᱯᱩᱨ ᱥᱴᱮᱥᱚᱱ (JU) ᱨᱮ ᱦᱚᱲ ᱠᱚᱣᱟᱜ ᱵᱤᱲ ᱠᱚᱢ ᱦᱚᱪᱚ ᱞᱟᱹᱜᱤᱫ, ᱩᱯᱱᱚᱜᱚᱨ ᱥᱴᱮᱥᱚᱱ ᱵᱷᱚᱜᱚᱛ ᱠᱤ ᱠᱳᱴᱷᱤ ᱨᱮᱞᱣᱮ ᱥᱴᱮᱥᱚᱱ (ᱵᱤ.ᱡᱤ.ᱠᱮ.ᱴᱤ.) ᱫᱚ ᱯᱟᱥᱮᱱᱡᱚᱨ ᱴᱨᱮᱱ ᱠᱚ ᱞᱟᱹᱜᱤᱫ ᱛᱮᱥᱟᱨ ᱢᱩᱬ ᱥᱴᱮᱥᱚᱱ ᱞᱮᱠᱟᱛᱮ ᱵᱮᱱᱟᱣ ᱟᱠᱟᱱᱟ ᱾
ᱨᱮᱞᱣᱮ ᱫᱚᱦᱲᱟ ᱵᱮᱱᱟᱣ
᱕ ᱱᱚᱵᱷᱮᱢᱵᱚᱨ ᱑᱙᱕᱑ ᱨᱮ ᱡᱚᱫᱷᱯᱩᱨ-ᱵᱤᱠᱟᱱᱮᱨ ᱞᱟᱭᱤᱱ ᱫᱚ ᱯᱟᱪᱮ ᱨᱮᱞᱣᱮ ᱨᱮ ᱢᱮᱥᱟ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱑ ᱚᱠᱴᱚᱵᱚᱨ ᱒᱐᱐᱒ ᱨᱮ ᱠᱚᱧᱮ ᱯᱟᱪᱮ ᱨᱮᱞᱣᱮ ᱵᱮᱱᱟᱣ ᱮᱱᱟ ᱾ ᱡᱚᱫᱷᱯᱩᱨ ᱫᱚ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱱᱟᱜ ᱢᱩᱬᱩᱛ ᱑᱐᱐ ᱵᱩᱠᱤᱝ ᱥᱴᱮᱥᱚᱱ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾
ᱩᱯᱱᱚᱜᱚᱨ ᱥᱴᱮᱥᱚᱱ
| ᱮᱞ | ᱩᱯᱱᱚᱜᱚᱨ ᱥᱴᱮᱥᱚᱱ ᱧᱩᱛᱩᱢ | ᱥᱟ:ᱜᱤᱧ (ᱠᱤᱞᱚᱢᱤᱴᱚᱨ) |
|---|---|---|
| ᱑ | ᱨᱟᱭᱠᱟᱵᱟᱜᱽ ᱯᱮᱞᱮᱥ ᱡᱚᱸᱠᱥᱚᱱ | ᱒ |
| ᱒ | ᱵᱷᱚᱜᱚᱛ ᱠᱤ ᱠᱳᱴᱷᱤ | ᱓ |
| ᱓ | ᱢᱚᱦᱟᱢᱚᱱᱫᱤᱨ | ᱕ |
| ᱔ | ᱵᱟᱥᱱᱤ | ᱖ |
| ᱕ | ᱡᱚᱫᱷᱯᱩᱨ ᱠᱮᱸᱴ | ᱘ |
| ᱖ | ᱢᱟᱱᱰᱚᱨ | ᱑᱐ |
| ᱗ | ᱵᱟᱱᱟᱲ | ᱑᱔ |
| ᱘ | ᱥᱟᱞᱟᱣᱟᱥ | ᱑᱖ |
ᱥᱟᱹᱠᱷᱭᱟᱹᱛ
ᱵᱟᱦᱨᱮ ᱡᱚᱱᱚᱲ
- ᱥᱤᱧᱚᱛᱤᱭᱟᱹ ᱨᱮᱞ ᱤᱱᱯᱷᱳ ᱨᱮ ᱡᱚᱫᱷᱯᱩᱨ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ
ᱡᱚᱫᱷᱯᱩᱨ ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ
This article uses material from the Wikipedia ᱥᱟᱱᱛᱟᱲᱤ article ᱡᱚᱫᱷᱯᱩᱨ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.