ᱠᱟᱰᱟᱯᱟ ᱦᱚᱱᱚᱛ (ᱤᱝᱞᱤᱥᱺ Kadapa District) ᱫᱚ ᱥᱤᱧᱚᱛ ᱫᱤᱥᱚᱢ ᱟᱱᱫᱷᱨᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ, ᱡᱟᱦᱟᱸ ᱫᱚ ᱨᱚᱭᱟᱞᱥᱤᱢᱟᱹ ᱨᱮ ᱦᱤᱡᱩᱜ ᱠᱟᱱᱟ ᱾ ᱠᱟᱰᱟᱯᱟ ᱱᱟᱜᱟᱨ ᱫᱚ ᱱᱚᱶᱟ ᱨᱮᱱᱟᱜ ᱢᱩᱬ ᱱᱟᱜᱟᱨ ᱵᱟᱝᱢᱟ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾
᱒᱐᱑᱑ ᱥᱟᱞᱮ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱱᱚᱶᱟ ᱦᱚᱱᱚᱛ ᱨᱮ ᱒᱘,᱘᱔,᱕᱒᱔ ᱜᱚᱴᱟᱝ ᱠᱚᱲᱟ ᱟᱨ ᱑᱔,᱕᱔,᱑᱓᱖ ᱜᱚᱴᱟᱝ ᱠᱩᱲᱤ ᱢᱮᱱᱟᱜ ᱠᱚᱣᱟ ᱾ ᱒᱐᱐᱑ ᱥᱟᱞᱮ ᱨᱮᱱᱟᱜ ᱞᱮᱠᱷᱟ ᱞᱮᱠᱟᱛᱮ ᱥᱮᱪᱮᱫ ᱫᱚᱨ ᱦᱩᱭᱩᱜ ᱠᱟᱱᱟ ᱖᱗ᱹ᱘᱘% ᱛᱟᱦᱮᱸ ᱠᱟᱱᱟ , ᱚᱱᱟ ᱢᱩᱸᱫ ᱠᱷᱚᱱ ᱗᱘ᱹ᱔᱑ % ᱫᱚ ᱠᱚᱲᱟ ᱟᱨ ᱕᱗ᱹ᱒᱖% ᱠᱩᱲᱤ ᱾
᱑᱙᱘᱑ ᱥᱟᱞᱮ ᱨᱮᱱᱟᱜ ᱥᱮᱱᱥᱚᱥ ᱞᱮᱠᱟᱛᱮ ᱱᱚᱶᱟ ᱦᱚᱱᱚᱛ ᱨᱮ ᱑᱙ᱹ᱓᱓ ᱜᱮᱥᱟᱥᱟᱭ (ᱞᱟᱠᱷ) ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱟᱨ ᱠᱩᱲᱤ ᱡᱟᱱᱟᱝ ᱡᱟᱱᱤ ᱫᱚ ᱙᱘ᱺ᱑᱐᱐ ᱛᱟᱦᱮᱸ ᱠᱟᱱᱟ ᱟᱨ ᱥᱮᱪᱮᱫ ᱫᱚᱨ ᱓᱐ᱹ᱙᱙ % ᱛᱟᱦᱮᱸ ᱠᱟᱱᱟ ᱾
ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ ᱨᱮ ᱱᱮᱞᱚᱨ ᱦᱚᱱᱚᱛ, ᱯᱟᱪᱮ ᱥᱮᱦᱮᱫ ᱨᱮ ᱚᱱᱚᱱᱛᱚᱯᱩᱨ ᱦᱚᱱᱚᱛ, ᱠᱚᱧᱮ ᱨᱮ ᱪᱤᱛᱩᱨ ᱦᱚᱱᱚᱛ, ᱮᱛᱚᱢ ᱨᱮ ᱠᱩᱨᱱᱩᱞ ᱦᱚᱱᱚᱛ ᱟᱨ ᱯᱨᱚᱠᱟᱥᱚᱱ ᱦᱚᱱᱚᱛ ᱢᱮᱱᱟᱜᱼᱟ ᱾ ᱥᱮᱥᱟᱪᱟᱞᱟᱢ ᱵᱩᱨᱩ ᱫᱚ ᱱᱚᱶᱟ ᱦᱚᱱᱚᱛ ᱨᱮ ᱟᱹᱰᱤ ᱢᱟᱨᱟᱝ ᱛᱮ ᱟᱴᱮᱫ ᱟᱠᱟᱱᱟ, ᱚᱱᱟ ᱫᱚ ᱛᱚᱣᱟ ᱵᱩᱨᱩ, ᱦᱮᱸᱫᱮ ᱵᱩᱨᱩ, ᱵᱷᱮᱞᱤᱠᱚᱱᱰᱟᱞᱤᱥ ᱟᱨ ᱟᱨᱟᱜ ᱵᱩᱨᱩ ᱮᱢᱟᱱ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱨᱮ ᱫᱚ ᱵᱟᱹᱲᱛᱤ ᱠᱟᱛᱮ ᱢᱟᱹᱴᱤᱭᱟᱹᱲ ᱦᱟᱥᱟ, ᱵᱟᱹᱞᱤᱭᱟᱹ ᱦᱟᱥᱟ ᱧᱮᱞᱚᱜᱼᱟ ᱾
ᱥᱤᱛᱩᱝ ᱫᱤᱱ ᱨᱮ ᱞᱚᱞᱚᱥᱚᱝ ᱓᱐° ᱥᱮᱞᱥᱤᱭᱚᱥ ᱠᱷᱚᱱ ᱔᱔° ᱥᱮᱞᱥᱤᱭᱚᱥ ᱟᱨ ᱨᱟᱵᱟᱝ ᱫᱤᱱ ᱨᱮ ᱒᱑° ᱠᱷᱚᱱ ᱓᱐° ᱥᱮᱞᱥᱤᱭᱚᱥ ᱦᱟᱹᱵᱤᱡ ᱛᱟᱦᱮᱸ ᱠᱟᱱᱟ ᱾ ᱜᱚᱴᱟᱜᱩᱴᱤ ᱫᱟᱜ ᱡᱟᱹᱲᱤ ᱫᱚ ᱖᱙᱕ ᱢᱤᱞᱤᱢᱤᱴᱚᱨ ᱾
ᱯᱮᱬ, ᱪᱤᱛᱨᱟᱵᱚᱛᱤ, ᱠᱩᱱᱰᱟ, ᱯᱟᱯᱟᱜᱷᱱᱤ, ᱥᱟᱜᱤᱞᱮᱨᱩ ᱥᱟᱶᱛᱮ ᱟᱭᱢᱟ ᱢᱟᱨᱟᱝ ᱜᱟᱰᱟ ᱠᱚ ᱞᱤᱸᱡᱤᱱ ᱠᱟᱱᱟ ᱾
ᱱᱚᱶᱟ ᱦᱚᱱᱚᱛ ᱨᱮ ᱔,᱙᱖,᱖᱗᱒ ᱦᱮᱠᱴᱚᱨ ᱮᱨᱤᱭᱟ ᱛᱮ ᱵᱤᱨ ᱟᱴᱮᱫ ᱟᱠᱟᱱᱟ ᱾
ᱪᱟᱥ ᱵᱟᱥ ᱫᱚ ᱱᱚᱸᱰᱮᱱᱟᱜ ᱠᱟᱹᱣᱰᱤᱭᱟᱹᱨᱤ ᱨᱮᱱᱟᱜ ᱢᱩᱬ ᱠᱟᱱᱟ ᱾ ᱦᱳᱲᱳ, ᱵᱟᱡᱽᱨᱟ, ᱜᱟᱺᱜᱟᱹᱭ, ᱩᱞ, ᱡᱟᱰᱟ, ᱥᱟᱥᱟᱝ ᱮᱢᱟᱱ ᱠᱚ ᱵᱮᱯᱟᱨ ᱞᱟᱹᱜᱤᱫ ᱠᱚ ᱟᱨᱡᱟᱣ ᱮᱫᱟ ᱟᱨ ᱮᱴᱟᱜ ᱯᱚᱱᱚᱛ ᱛᱮ ᱦᱚᱸ ᱠᱚ ᱠᱳᱞ ᱮᱫᱟ ᱾
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Kadapa district ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
This article uses material from the Wikipedia ᱥᱟᱱᱛᱟᱲᱤ article ᱠᱟᱰᱟᱯᱟ ᱦᱚᱱᱚᱛ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.