Удмуурт Тылын Аан Дойдутааҕы Күнэ
Удмуурт тылын аан дойдутааҕы күнэ — удмуурт тылын кыһалҕаларыгар болҕомто тардаары бэлиэтэнэр күн.
Түмэччилэр (уопсастыбанньыктар) көҕүлээһиннэринэн 2018 сыллаахтан бэлиэтэнэр.
Устуоруйата
2018 сыллаахха саас удмуурт түмэччилэрин биир мунньаҕар уран кириитик Александр Шкляев этиитинэн маннык күнү бэлиэтиэххэ диэн быһаарыы ылыныллыбыт, ол эрээри олоххо киирбэккэ сылдьыбыт. Ол сыл балаҕан ыйыгар түмэччилэр Артем Малых, Алексей Шкляев уонна Ольга Урасинова бу күнү сэтинньи 27 күнүгэр бэлиэтиэххэ диэн санааны тарҕаппыттар. Күнү талбыт төрүөттэрэ — сэтинньи 27 күнүгэр 2001 сыллаахха Удмурт Өрөспүүбүлүкэтигэр аналлаах сокуонунан удмурт тыла судаарыстыба тылын статуһун ылбыт.
Ол сыл көҕүлээччилэр Москубаҕа тэрээһини былааннаабыттар, уонна атыттартан эмиэ туохта эмэ тэрийиҥ диэн көрдөспүттэр. Ижевскайга уонна Венгрияҕа олорор удмууртар тута өйөөбүттэр, онон бырааһынньык аан дойду таһымыгар тахсыбыт.
Удмуртияҕа үлэлиир Namero диэн дизайн-студия күн фирма истиилин оҥорбут, онно пустары туһаммыт — удмуурт былыргы суругун-бичигин. Сотору кэминэн күнү бэлиэтиири "Удмурт Кенеш" ассоциация өйөөбүт. 2020 сыллаахтан Удмурт Өрөспүүбүлүкэтин бырааһынньыгын күнүнэн биллэриллибит.
Хайдах бэлиэтэнэрэ
Учуонайдар удмуурт тылын туһунан лиэксийэ ааҕаллар, түмэччилэр удмуурт хоһоонун ааҕыылары тэрийэллэр.
This article uses material from the Wikipedia Саха тыла (Saxa Tyla) article Удмуурт тылын аан дойдутааҕы күнэ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Маны туһанары CC BY-SA 4.0 лиссиэнсийэ көҥүллүүр (атын ыйыллыбытах буоллаҕына). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Саха тыла (Saxa Tyla) (DUHOCTRUNGQUOC.VN) is an independent company and has no affiliation with Wiki Foundation.