Никифоров Алексей Александрович (1991—2015 сс.) хапсаҕайга Саха сирин спордун маастара, көҥүл тустууга маастарга кандидат, Саха сиригэр бойобуой самбо, ушу саньда уонна грепплиҥ хас да төгүллээх кыайыылааҕа, Уьуктуу-илин федеральнай уокуруг бойубуой охсуһуу курэх миэстэлээҕэ (ММА).
2015 сыллаахха от ыйын 16 күнүгэр ууга түспүт оҕону быыһаабыта, бэйэтэ өлбүтэ.
Алексей 1991 сыллаахха тохсунньу 18 күнүгэр төрөөбүтэ, Саха сиригэр Кэбээйи улууһугар Мастаах нэһилиэгэр улааппыта. Гитараҕа, хомуска, фортепианаҕа оонньуурун сөбүлүүрэ, ол таһынан ырыа айара, пластилинынан хартыына уруһуйдуура. Бастакыттан иккис кылааска диэри Танараскай оскуолаҕа үөрэммитэ (1997—1999)
Үһүстэн алтыс кылааска диэри Мастаах оскуолатыгар үөрэммитэ (1999—2002)
Сэттистэн тохсуска диэри Ой оскуолатыгар үөрэммитэ (2002—2005)
Онустан уон биирискэ диэри Дьокуускай куорат иккис нүөмэрдээх оскуолатыгар үөрэнэн ситиһиилээхтик бүтэрбитэ (2005—2008)
Нөмүгү нэһилиэгэр Хаҥалас филиалын оҕо спортивнай оскуолатын иитиллээччитэ, ону таһынан Дьокуускай куорат үһүс нүөмэрдээх оҕо спортивнай оскуолатыгар иитиллибитэ. 2008 сыллаахха Дьокуускай (Саха) филиалыгар милиция үрдүк оскуолатыгар туртарсан киирбитэ, М. К. Аммосов аатыгар Хотугулуу-илиҥҥи федеральнай университетыгар юрист идэтигэр көспүтэ. 2011-2012 сыллаахха Россия танковай войскатын ньыматыгар сулууспалаабыта. Ситиһиилээхтик сулууспалаан младшай сержант аатын ылбыта. 2014 сыллаахха хапсаҕайга Саха сирин спордун маастарын толорбута. 2015 сыллаахха юрист идэдин баһылаабыта. 2015 сыллаахха от ыйын 16 күнүгэр оҕону ууттан быыһаан тыынын биэрбитэ.
"Алексей Никифоров спортивнай-мемориальнай комплекса" диэн бырайыак "Народнай бюджет" куонкурска тахсыбыта. Бырайыак туьунан сиьилии манна көр "Спортивно-мемориальный комплекс Алексея Никифорова" Архыыптаммыт 2016, Атырдьах ыйын 16 күнүгэр. . Элбэх өрөспуубулукэтээҕи хаьыаттарга, россия таһымнаах интернет ситимнэригэр кини туһунан булуохха сөп.
Официальный сайт НТВ , Видео в память Алексею Никифорову , Официальный сайт ЯСИА Архыыптаммыт 2015, Балаҕан ыйын 1 күнүгэр. , Официальный сайт ЯКТ , Сайт ЧЕМПИОНАТ , Официальный сайт САХАПРЕСС
Бу киһи туһунан сиппэтэх ыстатыйа. Көннөрөн уонна эбэн биэрэн Бикипиэдьийэҕэ көмөлөһүөххүн сөп. |
This article uses material from the Wikipedia Саха тыла (Saxa Tyla) article Никифоров Алексей Александрович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Маны туһанары CC BY-SA 4.0 лиссиэнсийэ көҥүллүүр (атын ыйыллыбытах буоллаҕына). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Саха тыла (Saxa Tyla) (DUHOCTRUNGQUOC.VN) is an independent company and has no affiliation with Wiki Foundation.