Сардаана Яковлевна Сивцева-Мигалкина (1965) — Биллэр теле-суруналыыс, суруйааччы.
Кэпсээн суруйар псевдонима Даана Сард.
Сардаана Мигалкина 1965 сыллаахха Уус-Алдан улууһун Бороҕонугар төрөөбүтэ.
Оскуола кэнниттэн Владивосток куоракка Дальнай Восток государственнай университетын журналистикаҕа факультетын бүтэрбитэ.
"Саха" национальнай көрдөрөр-иһитиннэрэр компаниятын телевидениетыгар "Сардаана" диэн субуота аайы отучча мүнүүтэ көстөр авторскай биэриилээх. Онно интириэһинэй дьарыктаах, дьылҕалаах, санаалаах-оноолоох диэбит дьоннорун көрдөрөр. Биэриитин геройдарын түмэн 2002 сыллаахха Москваҕа "Жизнь прекрасна" диэн кинигэ таһаартарбыта. Бу кинигэҕэ "Хотугу Форум" Анкоридж куоракка (АХШ) баар офиһын Саха сириттэн бэрэстэбиитэлэ Анастасия Божедонова, "Далбар Хотун" сурунаал редактора Аита Шапошникова, артыыскалар Аиза Решетникова уонна Зоя Багынанова, суруналыыс, ырыаһыт Яна Угарова уо.д.а. киирбиттэр.
Үлэтин таһынан икки сыл курдук "Молодежь Якутии" хаһыакка "Сардаана" диэн бэйэтэ анал рубрикалаах этэ. 2006 сыл түмүгэр "Силис" диэн нууччалыы тахсар чааһынай сурунаалга кылаабынай редактор буолбута. Бу сурунаал ис хоһооно – чөл олох, медицина, ыарахан түгэннэртэн кыайыылааҕынан тахсыбыт дьон, төрөөбүт сирдэрин, силистэрин умнубатах дьон уо. д. а.
Сардаана саамай сөбүлүүр дьарыга бэйэтэ этэринэн кэпсээн суруйуу. Ол эрэн сүрүн идэтиттэн бириэмэ ордубатынан билигин ити дьарыга үтүрүллэн иһэр. Ол да буоллар, 2006 сыллаахха "Ситим" Медиа-группа "Күрүлгэн" диэн уус-уран альманаҕар үс айымньыта тахсыбыта. Бэйэтин сөбүлүүр суруйааччытынан дьоппуон Юкио Мисиманы ыйар. Кэргэнэ суох. Сардаана икки оҕолоох. Кыыһа Туйаара билигин (2007 сыл олунньутугар) Санкт-Петербург куоракка Киинэ уонна телевидение государственнай университетыгар экраннай искусство факультегар үөрэнэр. Уола Вася Дьокуускайга национальнай гимназия үөрэнээччитэ.
2006
Бастакы чааһыгар киирбит кэпсээннэр: Ааспыт ааспат амтана, 7—30 с. Хаһан да хойут буолбатах Архыыптаммыт 2008, Тохсунньу 12 күнүгэр., 31—56 с. Иккис чааһыгар киирбит: Сүрэх таптыыр аналлаах, 5—47 с.
СахаИнфо.RU - "Жизнь прекрасна" кинигэ презентацията
Бу киһи туһунан сиппэтэх ыстатыйа. Көннөрөн уонна эбэн биэрэн Бикипиэдьийэҕэ көмөлөһүөххүн сөп. |
This article uses material from the Wikipedia Саха тыла (Saxa Tyla) article Сивцева-Мигалкина Сардаана, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Маны туһанары CC BY-SA 4.0 лиссиэнсийэ көҥүллүүр (атын ыйыллыбытах буоллаҕына). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Саха тыла (Saxa Tyla) (DUHOCTRUNGQUOC.VN) is an independent company and has no affiliation with Wiki Foundation.